અરે વાહ! અહીંના રસોઈયા ફક્ત અડધો કલાક જ રસોઈ બનાવે છે, પગાર જાણીને તમે ચોંકી જશો

રસોઈયા કેટલી કમાણી કરી શકે છે તેનો અંદાજો ન લગાવી શકાય પરંતુ આજકાલ એક મહિલા વકીલના ટ્વિટે આ ચર્ચાને ગરમ કરી દીધી છે. વાસ્તવમાં મુંબઈની એક મહિલા વકીલ આયુષી દોશીએ જણાવ્યું હતું કે, તેમના ત્યાં કામ કરતાં રસોઈયા દરેક ઘરમાં ફક્ત 30 મિનિટ કામ કરે છે અને 18,000 રૂપિયા ચાર્જ કરે છે. આશ્ચર્યજનક વાત એ છે કે, આ રસોઈયા દરરોજ 10-12 ઘરોમાં જમવાનું બનાવે છે, જેનો અર્થ એ છે કે તે ફક્ત 5-6 કલાક મહેનત કરીને દર મહિને 1.5 થી 2 લાખ રૂપિયા કમાઈ રહ્યો છે.

આટલું જ નહીં તેમને દરેક જગ્યાએ મફત ભોજન અને ચા પણ મળે છે. જો તેમને સમયસર પૈસા ન મળે તો તેઓ કોઈ પણ દલીલ વિના નોકરી છોડી દે છે. આયુષીનું આ ટ્વિટ ઇન્ટરનેટ પર આવતાની સાથે જ વાયરલ થઈ ગયું છે.

આ પછી યુઝર્સનું ધ્યાન મુંબઈમાં કામ કરતા ઘરેલુ કર્મચારીઓની કમાણી અને જીવનશૈલી પર કેન્દ્રિત થયું હતું. કેટલાકને આયુષીના નિવેદનને સાચું લાગ્યું, તો કેટલાકે તેને ‘ક્લિકબેટ’ ટ્વિટ કહ્યું અને જણાવ્યું કે, તે ફક્ત તેના ટ્વિટને વાયરલ કરવા માટે આવું કરી રહી છે.

આયુષીની ટ્વીટ વાયરલ થયા પછી લોકોએ તેના પર ટિપ્પણી કરીને પોતાની પ્રતિક્રિયા આપી છે. કોઈએ કહ્યું, ‘માત્ર અડધા કલાક માટે 18,000 રૂપિયા? ગુરુગ્રામમાં, 4000-6000 માં કામ થાય છે. ઘણા લોકો એવું કહી રહ્યા છે કે, જો તમે તમારા ઘર માટે શેફ-કાર્ટમાંથી શેફ બોલાવો તો વધુ સારું રહેશે.

આયુષીએ સ્પષ્ટતા કરી

આ ઉપરાંત ઘણા લોકો એવા છે કે જેમણે કહ્યું હતું કે, 30 મિનિટમાં ક્વોલિટી ફૂડ તૈયાર થાય એ શક્ય નથી. આ પ્રશ્નોના જવાબમાં, આયુષીએ સ્પષ્ટતા કરી કે આ સંપૂર્ણપણે સાચી માહિતી છે. અનુભવી શેફ મુંબઈના સારા એવા વિસ્તારોમાં એક જેટલી રકમ જ વસૂલે છે.