Rajsthan : તમે ગુટખા ખાતા પુરુષો ઘણા જોયા હશે, પરંતુ શું તમે કોઈ દુલ્હનને પાન મસાલો કે ગુટખા ખાતી જોઈ છે. હાલમાં સોશિયલ મીડિયા પર આવા જ એક વીડિયોએ લોકોને ચોંકાવી દીધા છે. તેમાં જોઈ શકાય છે કે એક નવપરિણીત યુગલ રસ્તા પર ઊભું છે. જ્યારે વરરાજા ફોન પર વાત કરી રહ્યો હતો, ત્યારે કન્યા તક મળતાં જ તેના મોંમાં ગુટકા નાખી દે છે.
આ પણ વાંચો : Wedding Viral Video : ધોધમાર વરસાદ વચ્ચે વર-કન્યાની ભવ્ય એન્ટ્રી, લાખો લોકોએ જોયો આ અનોખા લગ્નનો વીડિયો
આ વાયરલ વીડિયો રાજસ્થાનના બરાનનો જણાવવામાં આવી રહ્યો છે. જ્યાં સમૂહ લગ્ન સમારોહમાં નવપરિણીત યુગલ લગ્ન બાદ ઘરે જવા રવાના થઈ રહ્યું હતું. આ દરમિયાન વરરાજાના ફોનની રિંગ વાગે છે અને તે વાત કરવાનું શરૂ કરે છે. પરંતુ પછી દુલ્હન જે કરે છે તેને જોઈને નેટીઝન્સ અલગ-અલગ વાતો કરી રહ્યા છે. વીડિયોમાં જોઈ શકાય છે કે દુલ્હન ગુટખા કાઢીને વરની સામે પોતાના મોંમાં નાખે છે. દુલ્હનને ગુટખામાં ‘જર્દા’ ભેળવતા પણ જોઈ શકાય છે.
दुल्हन ने देसी अंदाज में दबाया गुटखा, फोन पर बतियाता रह गया दूल्हा #viralvideo pic.twitter.com/WygNDDQMGA
— Abhishek Roy (@abhiroy127) May 29, 2023
આ વીડિયો સોશિયલ મીડિયાના અલગ-અલગ પ્લેટફોર્મ પર ઝડપથી વાયરલ થઈ રહ્યો છે. લોકોને મજા પડી રહી છે. કેટલાક તેને ગુટખાબાજ દુલ્હન કહી રહ્યા છે તો કોઈ કહે છે કે તેનામાં 36માંથી 36 ગુણો છે.
મીડિયા રિપોર્ટ્સ અનુસાર, 26 મેના રોજ બરાનમાં સમૂહ લગ્નનું આયોજન કરવામાં આવ્યું હતું. જેમાં 2,222 યુગલો લગ્નના પવિત્ર બંધનમાં બંધાયા હતા, જે હવે ગિનિસ બુકમાં નવા રેકોર્ડ તરીકે નોંધાયા છે.
વાયરલ અને ટ્રેન્ડિંગના તમામ સમાચાર વાંચવા માટે અહીં ક્લિક કરો
Published On - 5:37 pm, Mon, 29 May 23