Russia-Ukraine War: આવા હોય છે નેતા…લોકો યુક્રેનના રાષ્ટ્રપતિને કહી રહ્યા છે હીરો, સૈનિકો સાથેની તસવીરો વાયરલ

રશિયા અને યુક્રેન (Russia Ukraine War) વચ્ચેના વિવાદે હવે યુદ્ધનું સ્વરૂપ ધારણ કર્યું છે. બંને દેશો વચ્ચે છેલ્લા ત્રણ દિવસથી યુદ્ધ ચાલી રહ્યું છે. સમાચારો અનુસાર અત્યાર સુધીના આ યુદ્ધમાં રશિયાનું પલ્લુ ભારે જણાય છે. એવું કહેવામાં આવી રહ્યું છે કે રશિયન સૈનિકો યુક્રેનની રાજધાની સહિત ઘણા વિસ્તારોમાં ઘૂસી ગયા છે અને ભીષણ લડાઈ ચાલી રહી છે. આ યુદ્ધમાં બંને દેશોના સૈનિકો અને કેટલાક સામાન્ય લોકોના મોતના સમાચાર છે.

ઝેલેન્સકી તેમના સૈનિકોને કરી રહ્યા છે પ્રોત્સાહિત

યુક્રેનના રાષ્ટ્રપતિ વોલોડિમિર ઝેલેન્સકી તેમના સૈનિકોને પ્રોત્સાહિત કરતા જોવા મળે છે. તાજેતરમાં રશિયન મીડિયામાં એવા અહેવાલો આવ્યા હતા કે રાષ્ટ્રપતિ ઝેલેન્સકી રાજધાની કિવમાંથી ભાગી ગયા છે. જો કે તેણે આ સમાચારને અફવા ગણાવતો એક વીડિયો શેર કર્યો અને કહ્યું કે, રશિયાના રાષ્ટ્રપતિ વ્લાદિમીર પુતિન તેને ખતમ કરવા માંગે છે, પરંતુ તે કિવ છોડશે નહીં. તેમણે કહ્યું કે અમે અમારા દેશની રક્ષા કરીએ છીએ અને કરતા રહીશું.

ઝેલેન્સકીની તસવીરો સોશિયલ મીડિયા પર વાયરલ

આ દિવસોમાં રાષ્ટ્રપતિ ઝેલેન્સકીની તસવીરો સોશિયલ મીડિયા પર ખૂબ વાયરલ થઈ રહી છે. જેમાં તેઓ તેમના સૈનિકો સાથે અને તેમને પ્રોત્સાહિત કરતા જોવા મળે છે. સોશિયલ મીડિયા પર તેની ખૂબ પ્રશંસા થઈ રહી છે. તેમને હીરો કહેવામાં આવી રહ્યા છે અને કહેવામાં આવી રહ્યું છે કે નેતા એ છે જે યુદ્ધ દરમિયાન પણ પોતાના જવાનો સાથે ઉભો રહે છે. સામાન્ય રીતે એવું માનવામાં આવે છે કે નેતાઓ, જેઓ યુદ્ધના સમયે સૈનિકોને આગળ રાખે છે, તેઓ પોતે પાછળ રહે છે, પરંતુ ઝેલેન્સકીએ આનું ખંડન કર્યું છે. તે તેના સૈનિકો સાથે આગળ વધી રહ્યા છે. સોશિયલ મીડિયા પર શેર કરવામાં આવી રહેલી કેટલીક તસવીરો પર એક નજર કરીએ, જેમાં રાષ્ટ્રપતિ ઝેલેન્સકી તેમના સૈનિકો સાથે જોવા મળે છે.

આ પણ વાંચો: Russia Ukraine War: ટેક ઈન્ડસ્ટ્રી પણ થશે પ્રભાવિત, મોંઘા થઈ શકે છે ટીવી, સ્માર્ટફોન જેવા ગેજેટ્સ

આ પણ વાંચો: Russia-Ukraine war: રશિયન ટેન્કે કારને કચડી, ભયાનક વીડિયો થયો વાયરલ