Trending Video: રાહુલ ગાંધીની ‘સિક્રેટ ફેમિલી’ ની અફવાનું શું છે ‘સત્ય’ ? વિદેશ યાત્રા પાછળનું અસલી રહસ્ય જાણો
સોશિયલ મીડિયા પર કોંગ્રેસ નેતા રાહુલ ગાંધીનો એક નવો વીડિયો ઝડપથી વાયરલ થઈ રહ્યો છે, જેમાં તેઓ વેકેશનના મૂડમાં એક બાળકની મુલાકાત લેતા જોવા મળી રહ્યા છે. આ વીડિયો વાયરલ થતાં જ ઇન્ટરનેટ પર એવી અફવાઓ ઉડવા લાગી છે કે, વીડિયોમાં દેખાતી મહિલા તેમની કોઈ 'સિક્રેટ ફેમિલી' (ગુપ્ત પરિવાર) છે. એવામાં સવાલ એ છે કે, શું આ દાવો સાચો છે કે પછી આ માત્ર એક અફવા છે?
કોંગ્રેસી નેતા રાહુલ ગાંધી અવારનવાર રાજનીતિની વ્યસ્ત દિનચર્યામાંથી બ્રેક લઈને થોડો સમય પોતાના માટે કાઢે છે. તાજેતરમાં જ સોશિયલ મીડિયા પર તેમનો એક નવો વીડિયો જોરદાર વાયરલ થઈ રહ્યો છે, જેમાં તેઓ વાદળી ટી-શર્ટ અને શોર્ટ્સ પહેરીને એક રિસોર્ટ જેવી જગ્યા પર ખૂબ જ રિલેક્સ મૂડમાં જોવા મળી રહ્યા છે. વીડિયોમાં એક નાનું બાળક પણ તેમની સાથે છે અને રાહુલ ખૂબ જ સાદગી તેમજ પ્રેમથી તેની સાથે મસ્તી કરતાં જોવા મળી રહ્યા છે.
મીડિયા રિપોર્ટ્સ અનુસાર, આ વીડિયોને લઈને ઇન્ટરનેટ પર કેટલાક ભ્રામક દાવા અને અફવાઓ પણ ફેલાવવામાં આવી રહી છે. ફેક્ટ-ચેક અનુસાર, આ વીડિયોમાં રાહુલ ગાંધીની કોઈ ‘સિક્રેટ ફેમિલી’ (ગુપ્ત પરિવાર) નથી પરંતુ તેમની પોતાની ભાણી અને પ્રિયંકા ગાંધી વાડ્રાની દીકરી ‘મિરાયા વાડ્રા’ (Miraya Vadra) છે.
કોંગ્રેસ પાર્ટીએ સ્પષ્ટ કર્યું છે કે, આ ફૂટેજ સપ્ટેમ્બર 2025 ની એક વિદેશ યાત્રાની છે અને રાહુલ ગાંધી સાથે તેમની ભાણી જ હાજર હતી. રાજકીય વિરોધીઓ ભલે આને લઈને અફવાઓ ઉડાવે પરંતુ રાહુલ ગાંધીનો આ અનૌપચારિક અને શાંત અંદાજ લોકોના દિલ જીતી રહ્યો છે.
