કોંગ્રેસ મહાસચિવનો અનોખો અંદાજ : આદિવાસી મહિલાઓ સાથે પરંપરાગત નૃત્ય કરતા જોવા મળ્યા પ્રિયંકા ગાંધી, જુઓ VIDEO
કોંગ્રેસ મહાસચિવ પ્રિયંકા ગાંધીએ ગોવામાં આગામી વિધાનસભા ચૂંટણીમાં જો પાર્ટી સત્તામાં આવશે તો મહિલાઓને નોકરીઓમાં 30 ટકા અનામત આપવાનું વચન આપ્યું છે.
Viral Video : આગામી વિધાનસભાની ચૂંટણીને (Goa Assembly Election 2022) ધ્યાનમાં રાખીને પ્રિયંકા ગાંધીએ ગોવાની મુલાકાત લીધી હતી. આ દરમિયાન પ્રિયંકા ગાંધીએ (Priyanka Gandhi) આદિવાસી મહિલાઓ સાથે પરંપરાગત નૃત્ય પણ કર્યું હતું. તેનો વીડિયો હાલ સોશિયલ મીડિયા પર વાયરલ થઈ રહ્યો છે. વીડિયોમાં જોવા મળી રહ્યું છે કે કેટલીક આદિવાસી મહિલાઓ પરંપરાગત નૃત્ય (Traditional Dance) કરી રહી છે. આ દરમિયાન પ્રિયંકા ગાંધી પણ તેમની સાથે જોડાયા હતા.
જુઓ વીડિયો
પ્રિયંકા ગાંધીએ આપ્યુ આ વચન
તમને જણાવવુ રહ્યુ કે, આ મુલાકાત દરમિયાન તેમણે ગોવાની (Goa) જનતાને વચન આપ્યું હતું કે, જો આગામી વિધાનસભા ચૂંટણીમાં પાર્ટી સત્તામાં આવશે તો ગોવામાં મહિલાઓને નોકરીઓમાં 30 ટકા અનામત આપશે. વિરોધી પાર્ટી પર નિશાન સાધતા, તેમણે લોકોને બહારથી ગોવામાં આવતી પાર્ટીઓથી સાવધ રહેવા જણાવ્યુ હતુ. તેમણે ગોવાની રાજનીતિમાં મુખ્ય ભૂમિકા ભજવવાનો પ્રયાસ કરવા બદલ આમ આદમી પાર્ટી (AAP)ની આકરી ટીકા કરી અને રાષ્ટ્રીય રાજધાનીમાં વાયુ પ્રદૂષણ માટે તેને દોષી ઠેરવ્યા હતા.
વિપક્ષ પર કર્યા આકરા પ્રહાર
સભાને સંબોધતા પ્રિયંકા ગાંધીએ (Priyanka Gandhi) કહ્યું, ‘આ વખતે જ્યારે તમે મતદાન કરવા જાઓ ત્યારે સૌથી પહેલા તમારા, તમારા રાજ્ય અને તમારા પરિવાર વિશે વિચારો. એવા પક્ષને મત આપો જે તમારા પ્રશ્નોનું નિરાકરણ લાવે. તેમણે વધુમાં કહ્યું કે, ‘ઘણી પાર્ટીઓ બહારથી આવશે. આ દિવસોમાં નવી પાર્ટીઓ આવી રહી છે. આ સાથે કોંગ્રેસ મહા સચિવે વિરોધી પાર્ટી પર આકરી ટીકા કરી હતી.
આ પણ વાંચો : સમીર વાનખેડે ફરી એક્શનમાં : મુંબઈમાં ત્રણ સ્થળો પર NCBના દરોડા, એરપોર્ટ પરથી ડ્રગ્સ ભરેલી બેગ મળતા ખળભળાટ
Published On - 5:37 pm, Sat, 11 December 21
