નોકરીથી કંટાળેલા વ્યક્તિએ ટોયલેટ પેપર પર લખીને આપ્યુ રાજીનામું, તસવીર સોશિયલ મીડિયામાં વાયરલ

સોશિયલ મીડિયા (Social Media) એક એવી જગ્યા છે જ્યાં દેશ અને દુનિયાના વિચિત્ર સમાચારો (Weird News) જોવા મળે છે. આજે ફરી એક સમાચાર આખી દુનિયામાં ચર્ચાનો વિષય બન્યો છે. જેણે પણ આ સમાચાર સાંભળ્યા તે આશ્ચર્યચકિત થઈ ગયા. દરેક વ્યક્તિ જાણે છે કે નોકરી મેળવવી કેટલી મુશ્કેલ હોય છે. સારી જોબ (Job) મેળવવા માટે લોકોને ઘણા પાપડ વણવા પડે છે અને નોકરી મળી ગયા બાદ લોકો ખૂબ ઉત્સાહથી કામ કરે છે.

બીજી તરફ, એક વ્યક્તિ એવી છે જેણે ખૂબ જ વિચિત્ર રીતે નોકરીમાંથી રાજીનામું આપ્યું છે. હવે આ રાજીનામાની ચર્ચા સર્વત્ર થઈ રહી છે. આ વ્યક્તિએ ટોયલેટ પેપર પર આપેલુ રાજીનામું (Resignation on Toilet Paper) સોશિયલ મીડિયા પર વાયરલ થયું છે. જી હાં તમે સાચુ જ સાંભળ્યુ છે ખરેખર, આ વ્યક્તિએ ટોઇલેટ પેપર પર લખીને રાજીનામું આપ્યું હતું.

અહેવાલ મુજબ, લુઈસ નામના આ કર્મચારીએ ટોઈલેટ પેપર પર પોતાનું રાજીનામું તેના બોસને સુપરત કર્યું અને પછી આ રાજીનામું સોશિયલ મીડિયા પ્લેટફોર્મ ‘રેડિટ’ પર પોસ્ટ કર્યું. અહીંથી આ રાજીનામું લોકો માટે મનોરંજનનું સાધન બની ગયું. લોકો પૂછી રહ્યા છે કે એવું શું થયું કે વ્યક્તિએ ટોઇલેટ પેપર પર રાજીનામું આપવું પડ્યું.

લુઈસે ટોઈલેટ પેપર પર પોતાના રાજીનામાના પત્રમાં લખ્યું છે કે, ‘હું 25મીથી જતો રહીશ.’ આ સાથે તેણે કાગળ પર કાર્ટૂન પણ બનાવ્યું છે. લુઈસ કાર્ટૂનને પોતાના સ્વરૂપમાં દર્શાવે છે. હવે જ્યારે લુઈસે પોતાનું રાજીનામું ટોઈલેટ પેપરમાં લખ્યું છે, તો શું તમે જાણવા માગો છો કે આ રાજીનામા પર બોસની પ્રતિક્રિયા શું હતી.

તમને જણાવી દઈએ કે લુઈસના ટોઈલેટ પેપર પર લખેલું આ રાજીનામું તેના બોસને પણ પસંદ આવ્યું હતું. લુઈસે જણાવ્યું કે તેમના બોસને તેમનું રાજીનામું ગમ્યું, કારણ કે તેઓ ખૂબ જ આરામથી કામ કરી રહ્યા હતા અને તેમના બોસ તેમના કામથી ખૂબ જ ખુશ હતા.

આ પણ વાંચો – આધુનિક ટેકનોલોજીથી આરોગ્ય ક્ષેત્રનુ ભવિષ્ય બદલાઈ જશે, મેઘાલયના દુર્ગમ વિસ્તારમાં ડ્રોનથી પહોચાડાઈ જીવનરક્ષક દવા

આ પણ વાંચો – Delhi Air Pollution News: હવે 30 નવેમ્બર સુધી દિલ્હીમાં બિન-આવશ્યક ચીજવસ્તુઓ વહન કરતી ટ્રકોને નો એન્ટ્રી, આ લોકોને મળી છૂટછાટ

આ પણ વાંચો – ઈઝરાયેલે આપી ઈમરજન્સી ચેતવણી, કોરોના વેરિયન્ટ ‘ઓમિક્રોન’નો પહેલો કેસ મળતાં સરકારે કડક કર્યા પ્રતિબંધ