સફાઈની હદ થઈ ગઈ..! વ્યક્તિએ એવી રીતે કરી ‘દિવાળીની સફાઈ’, ટીવી-કોમ્પ્યુટર બધું જ ધોઈ નાખ્યું; જૂઓ રમુજી વીડિયો

દિવાળીને (Diwali) આડે હવે ગણતરીના દિવસો જ બાકી રહ્યા છે. આવી સ્થિતિમાં ઘરથી લઈને દુકાનો વગેરેની સફાઈ ચાલી રહી છે. આ તે પ્રસંગ છે જ્યારે લોકો ઘરના દરેક ખૂણાને સાફ કરે છે, તેઓ તેને ધોઈ નાખે છે. એક પણ જગ્યાએ ગંદકી નામની કોઈ ચીજ નથી રહેવા દેતા. જો કે, કેટલીકવાર આ સ્વચ્છતાના અનુસંધાનમાં લોકો ઘરની કેટલીક એવી વસ્તુઓ ઉપર પાણી ફેરવી દે છે. પાણી વાળા કપડાં વડે સાફ કરે છે. આવી વસ્તુઓમાં ઈલેક્ટ્રોનિક્સ વસ્તુઓ આવે છે. પરંતુ શું તમે ક્યારેય કોઈને એવી વસ્તુઓ જાણી જોઈને પાણીથી ધોતા જોયા છે? હા, આવો જ એક વીડિયો આજકાલ સોશિયલ મીડિયા (Social media) પર વાઈરલ થઈ રહ્યો છે, જેને જોઈને તમને હસવું આવી જશે.

તમે ‘સાથ નિભાના સાથિયા’ સિરિયલ તો જોઈ જ હશે, જેમાં જિયા માણેકે ગોપી બહુનું પાત્ર ભજવ્યું હતું, જે એક સાદી અને સંસ્કારી વહુ છે. એક સીનમાં તેણે લેપટોપને પાણીથી ધોઈ નાખ્યું હતું, ત્યારબાદ આ સીનને લઈને સોશિયલ મીડિયા પર ઘણા મીમ્સ બનાવવામાં આવ્યા હતા અને આજે પણ બને છે. હાલ જે વીડિયો વાયરલ થઈ રહ્યો છે તે પણ આવો જ છે. આમાં પણ વ્યક્તિ દિવાળીની એવી સફાઈ કરે છે કે ટીવી પણ પાણીથી ધોઈ નાખે છે. વીડિયોમાં તમે જોઈ શકો છો કે કેવી રીતે વ્યક્તિ કોમ્પ્યુટર સ્ક્રીન અને ટીવીને ઘસીને તેને પાણીથી ધોઈ રહ્યો છે, જ્યારે અન્ય એક વ્યક્તિ તેની આખી ફની એક્ટિંગને કેમેરામાં કેદ કરે છે. હવે આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.

જુઓ, કેવી રીતે વ્યક્તિએ ટીવી પણ ધોઈ નાખ્યું

આ ફની વિડિયો સોશિયલ મીડિયા પ્લેટફોર્મ ટ્વિટર પર @tahirsh778866 નામની આઈડી સાથે શેર કરવામાં આવ્યો છે અને કેપ્શનમાં મજાકમાં લખ્યું છે કે, ‘બંદા ફ્રી છે…. કોઈપણ તહેવાર પર સફાઈ કરાવવી હોય તો કહો. તમારો આ મિત્ર તેની મુસાફરીનો ખર્ચ પણ ચૂકવશે.

લોકો આ વીડિયોને ખૂબ પસંદ કરી રહ્યા છે. દિવાળીમાં આવી સ્વચ્છતા તમે ભાગ્યે જ કરી હશે. આ વીડિયો જોયા પછી તમે હસવાનું રોકી નહીં શકો.