Trending Video: ગોવિંદાએ પટાયાના ક્લબમાં લગાવ્યા જોરદાર ઠુમકા, 90ના દાયકાના હિટ ગીતો પર કર્યો ડાન્સ-જુઓ Video

બોલિવૂડ એક્ટર ગોવિંદા છેલ્લા કેટલાક સમયથી પોતાની અંગત જિંદગીને લઈને ચર્ચામાં છે, ત્યારે આ દરમિયાન તેમનો એક નવો ડાન્સ વીડિયો સામે આવ્યો છે. આ વીડિયોમાં ગોવિંદા પટાયાના એક નાઈટ ક્લબમાં પોતાના સુપરહિટ ગીતો પર ડાન્સ કરી રહ્યા છે. ગોવિંદાને તેમના સિગ્નેચર અંદાજમાં ડાન્સ કરતા જોઈને તેમના ફેન્સ ખૂબ ઉત્સાહિત જોવા મળી રહ્યા છે. સ્વતંત્રતા દિવસની ઉજવણી દરમિયાન ક્લબમાં એક્ટર બેકગ્રાઉન્ડ ડાન્સર્સ સાથે 90ના દાયકાના લોકપ્રિય ગીતો પર પર્ફોર્મ કરતા જોવા મળ્યા હતા. બ્લેક એન્ડ વ્હાઇટ સૂટમાં સજ્જ ગોવિંદાએ પોતાના સિગ્નેચર સ્ટેપ્સ રજૂ કર્યા હતા.

સોશિયલ મીડિયા પર મળ્યા મિશ્ર પ્રતિભાવો

ગોવિંદાના આ પર્ફોર્મન્સ પર સોશિયલ મીડિયા યુઝર્સના મિશ્ર રિએક્શન જોવા મળ્યા છે. ઘણા ફેન્સે તેમના ડાન્સના વખાણ કર્યા, તો કેટલાક યુઝર્સે નારાજગી વ્યક્ત કરતાં કહ્યું કે સુપરસ્ટાર તરીકે ક્લબમાં પર્ફોર્મ કરવું તેમની ઈમેજને શોભતું નથી. એક યુઝરે લખ્યું, “આ સુપરસ્ટાર માટે દુઃખ થાય છે કે તેઓ ક્લબમાં પર્ફોર્મ કરી રહ્યા છે.”

બીજી તરફ, ગોવિંદાના સમર્થનમાં એક પ્રશંસકે લખ્યું, “પોતાની મહેનતથી કમાણી કરવામાં કશું ખોટું નથી, તેઓ ફરી પોતાના પગ પર ઊભા થઈ રહ્યા છે.” એક અન્ય યુઝરે આ પર્ફોર્મન્સની સરખામણી પાન મસાલાની જાહેરાતો સાથે કરતાં લખ્યું, “પાન મસાલાની એડ કરવા કરતાં આ પર્ફોર્મન્સ ઘણું સારું છે.” અન્ય એક ફેને લખ્યું, “ગોવિંદા હંમેશાં અમારા હીરો નંબર 1 રહેશે.”

View this post on Instagram

A post shared by S.suchada18 (@s.suchada18)

સુનીતા આહૂજા સાથે ચાલી રહેલો વિવાદ

હાલમાં જ ગોવિંદા જ્યારે એરપોર્ટ પર કોમલ રાની સ્વર્ણકાર સાથે જોવા મળ્યા હતા ત્યારે સુનીતા આહૂજાએ તીખી પ્રતિક્રિયા આપી હતી. સુનીતાએ કટાક્ષ કરતાં કહ્યું હતું કે, “પહેલા ફિલ્મ બનવી જોઈએ. પ્રમોશન ફિલ્મ બન્યા પછી થાય. તેઓ પોતાની દીકરીની ઉંમરની છોકરી સાથે ફરી રહ્યા છે, તેમને શરમ આવવી જોઈએ.”

ગોવિંદાએ સુનીતાના આ નિવેદનનો જવાબ આપતાં તેમને પોતાની મર્યાદામાં રહેવાની સલાહ આપી હતી. ગોવિંદાએ જણાવ્યું હતું કે, “તમારી પાછળ કયું ગ્રુપ અને ગેંગ કામ કરી રહી છે તે સૌ જાણે છે અને ટૂંક સમયમાં બધું સામે આવી જશે. ભવિષ્યમાં તમને મારી જરૂર પડી શકે છે, તેથી મને નીચો બતાવવા માટે આવા નિવેદનો આપવાનું અને પોડકાસ્ટ ચલાવવાનું બંધ કરો.”

Firearm Rules for Air Travel: ફ્લાઇટમાં લાયસન્સવાળી બંદૂક લઈ જવાના નિયમો શું છે? કેટલી ગોળીઓ રાખી શકાય અને કેવી રીતે થાય છે ચેકિંગ?