Nicole-Sergey Divorce ગૂગલના કો-ફાઉન્ડર પત્નીથી થયા અલગ, એલોન મસ્ક સાથેના અફેરને કારણે લીધા છૂટાછેડા 

Google co-founder Divorce News : ગૂગલના કો-ફાઉન્ડરે લગ્નના ચાર વર્ષ બાદ પોતાની પત્નીને છૂટાછેડા આપી દીધા છે. સેર્ગેઈ બ્રિને તેમની પત્ની નિકોલ શાનાહનથી અલગ થઈ ગયા છે. જેઓ વ્યવસાયે વકીલ અને ઉદ્યોગસાહસિક છે. છૂટાછેડાનું કારણ એલોન મસ્ક સામે આવ્યું છે. એક રિપોર્ટ અનુસાર તેની પત્નીનું એલન મસ્ક સાથે અફેર હતું. 26 મેના રોજ બંનેના છૂટાછેડાની પુષ્ટિ થઈ હતી. બંને તેમની ચાર વર્ષની પુત્રીની કસ્ટડી શેર કરશે.

ત્રણ વર્ષમાં થયા અલગ

કોર્ટના જણાવ્યા અનુસાર, નિકોલ છૂટાછેડા ઇચ્છતી ન હતી અને તે તેના પતિના સાથે રહેવાની માગ કરતી હતી. આ કપલે 2015 માં ડેટિંગ શરૂ કરી હતી. તે સમય દરમિયાન તેણે તેની પ્રથમ પત્ની એની વોજિકીને છૂટાછેડા આપી દીધા હતા. નિકોલ અને સેર્ગિસના લગ્ન 2018માં થયા હતા. 2021થી જ બંને અલગ થઈ ગયા અને અલગ રહેવા લાગ્યા. બ્રિને 2022માં છૂટાછેડા માટે અરજી કરી હતી. એલોન મસ્ક અને બ્રિન વર્ષોથી મિત્રો હતા. મસ્ક અને શાનાહને અફેર જેવી અટકળોને નકારી કાઢી છે.

આ પણ વાંચો : Elon Musk દ્વારા મોટી જાહેરાત, X પર ટૂંક સમયમાં આવશે વીડિયો-ઑડિયો કૉલિંગ સુવિધા

મસ્કે અફેરનો કર્યો હતો ઈનકાર

મસ્કે ટ્વિટર પર એક પોસ્ટ લખી હતી જેમાં લખ્યું હતું કે સર્ગેઈ અને હું મિત્રો છીએ. કાલે રાત્રે અમે બંને પાર્ટીમાં હતા. મેં છેલ્લા ત્રણ વર્ષમાં નિકોલને બે વાર જોયો છે. એક જર્નલના એક લેખમાં લખવામાં આવ્યું હતું કે સર્ગેઈ બ્રિને અફેરને કારણે ઈલોન મસ્ક સાથેની મિત્રતા તોડી નાખી હતી. જુલાઈમાં શનાહને પણ આ તમામ બાબતોને નકારી કાઢી હતી. આ જર્નલે તેના સૂત્રો પર વિશ્વાસ વ્યક્ત કરતા આ પ્રણયને યોગ્ય ઠેરવ્યો હતો. ફોર્બ્સ અનુસાર, બ્રિનની કુલ સંપત્તિ USD 110.6 બિલિયન છે અને તે વિશ્વના 14મા સૌથી ધનિક વ્યક્તિ છે.

ટ્રેન્ડિંગના તમામ સમાચાર વાંચવા માટે અહીં ક્લિક કરો