Video : ફૂટબોલ મેચ દરમિયાન દર્શકોએ બચાવ્યો બિલાડીનો જીવ, વીડિયો સોશિયલ મીડિયા પર વાયરલ

Viral Video: સોશિયલ મીડિયા પર અવારનવાર કેટલાક વીડિયો વાયરલ થતા જોવા મળે છે, જેમાં કેટલાક વીડિયો એવા હોય છે, જે જોઈને ખુબ હસવુ આવે છે, જ્યારે કેટલાક વીડિયો જોઈને આશ્વર્ય પણ થતુ હોય છે, ત્યારે તાજેતરમાં આવો જ એક વીડિયો (Video) લોકોમાં ચર્ચાનો વિષય બન્યો છે.આ વીડિયો ફૂટબોલ મેચનો (Football) છે, જેમાં  દર્શકો ખુબ કાળજીપુર્વક બિલાડીનો જીવ બચાવી રહ્યો છે. જેનો વીડિયો હાલ ઈન્ટરનેટ પર છવાયેલો છે.

અમેરિકન ધ્વજને ફેલાવીને બિલાડીનો જીવ બચાવવામાં આવ્યો

એક ફૂટબોલ મેચમાં અચાનક એક બિલાડી સ્ટેડિયમની (Stadium) ટોચના બેનર પર લટકતી જોવા મળે છે. બેનર પર લટકતી બિલાડીને જોઈને સ્ટેન્ડમાં બેઠેલા લોકો તેને બચાવવા માટે એકબીજા તરફ જુએ છે, પરંતુ કોઈને કશું સમજાતું નથી. આ દરમિયાન બિલાડી સ્ટેન્ડ પરથી નીચે પડી જાય છે. પરંતુ સદ્ભાગ્યે, નીચે ઉભેલા કેટલાક દર્શકોએ અમેરિકન ધ્વજને (American Flag) ફેલાવીને બિલાડીને પકડી, જેના કારણે તેનો જીવ બચી ગયો.

જુઓ વીડિયો

વીડિયો સોશિયલ મીડિયા પર વાયરલ

સોશિયલ મીડિયા પર પોસ્ટ કરવામાં આવેલા વીડિયો અનુસાર, આ ઘટના મિયામીના હાર્ડ રોક સ્ટેડિયમમાં બની હતી જ્યારે ત્યાં મેચ ચાલી રહી હતી. આ વીડિયો ઈન્ટરનેટ ( Internet) જગતમાં ખૂબ વાયરલ થઈ રહ્યો છે. અત્યાર સુધીમાં આ વીડિયોને 5 મિલિયનથી વધુ વ્યૂઝ મળ્યા છે.

યુઝર્સ કરી દર્શકોની પ્રશંશા

તમને જણાવી દઈએ કે,સોશિયલ મીડિયા પ્લેટફોર્મ ટ્વિટર પરથી આ વીડિયો Yianni Laros નામના એકાઉન્ટ પરથી શેર કરવામાં આવ્યો છે.લોકો આ વીડિયોને શેર કરી રહ્યા છે અને તેના પર વિવિધ પ્રકારની પ્રતિક્રિયા આપતા જોવા મળી રહ્યા છે, જેમાં એક યુઝર્સ લખ્યુ કે,” ખુબ કાળજીપૂર્વક દર્શકોએ બિલાડીને બચાવી “જ્યારે અન્ય યુઝર્સ પણ આ વીડિયોની (Viral video) પ્રશંશા કરતા જોવા મળી રહ્યા છે.

આ પણ વાંચો: લોકો નહીં સુધરે !! નિરજ ચોપરાને તેમના લુક્સ પર ટ્રોલ કરવા ગયા આ ભાઇ, પ્રશંસકોએ લઇ લીધી બરાબરની ક્લાસ