Breaking News: ચીનનો શરમજનક વીડિયો: ફેક્ટરીમાં કામદારોની હાલત જોઈ તમે પણ હચમચી જશો, પોલ ખોલતા વીડિયોએ સૌને ચોંકાવ્યા!-જુઓ Video

વિદેશ પ્રત્યે આકર્ષાયેલા લોકો માટે આ લાલબત્તી સમાન કિસ્સો છે. ચીનની એક ઈલેક્ટ્રોનિક્સ ફેક્ટરીમાં કામદારોને કોઈ પણ પ્રકારના પડદા કે દીવાલ વગર જાહેરમાં શૌચાલયનો ઉપયોગ કરવા મજબૂર કરાયા છે. જેલ જેવી સ્થિતિમાં કામ કરતા આ મજૂરોની દુર્દશા જોઈને લોકોમાં ભારે રોષ જોવા મળી રહ્યો છે.

Sachin Agrawal | Updated on: May 23, 2026 | 6:29 PM

સોશિયલ મીડિયા પ્લેટફોર્મ X પર વાયરલ થયેલા એક વીડિયોએ ચીનની ફેક્ટરીઓમાં કામ કરતા મજૂરોની અમાનવીય સ્થિતિની પોલ ખોલી દીધી છે. મેઇનલેન્ડ ચાઇનાની એક ઇલેક્ટ્રોનિક્સ ફેક્ટરીના આ વીડિયોમાં જોઈ શકાય છે કે પ્રોડક્શન લાઇન એટલે કે જ્યાં કામદારો કામ કરી રહ્યા છે, તેની બિલકુલ બાજુમાં જ શૌચાલય બનાવવામાં આવ્યું છે. સૌથી હેરાન કરનારી વાત એ છે કે આ શૌચાલયમાં ન તો કોઈ દીવાલ છે, ન દરવાજો કે ન તો કોઈ પડદો. કામદારોએ અન્યની નજર સામે જ શૌચક્રિયા કરવા મજબૂર થવું પડે છે.

જેલ જેવો અનુભવ અને ગંદકીનું સામ્રાજ્ય

આ વીડિયો સાથે એક પૂર્વ કેદીએ પોતાનો અનુભવ શેર કરતા જણાવ્યું કે ચીનની જેલો અને ડિટન્શન સેન્ટરોમાં પણ આવી જ સ્થિતિ હોય છે. જ્યાં કેદીઓને સુવા માટેના પાટિયાની બાજુમાં જ એક ખુલ્લો ખાડો (શૌચાલય) હોય છે, જ્યાં દરેકની નજર સામે જ શૌચ જવું પડે છે. નહાવા માટે ગરમ પાણી તો દૂરની વાત, કડકડતી ઠંડીમાં પણ માત્ર ટુવાલથી શરીર લૂછીને ચલાવવું પડે છે. આ વ્યવસ્થા પાછળનો હેતુ કેદીઓ એકબીજા પર નજર રાખે તેવો હોય છે, જે માનવ અધિકારોનું સરેઆમ ઉલ્લંઘન છે.

Real footage from an electronics factory in mainland China: Workers are forced to use a completely open toilet placed right next to the production line — with zero privacy.

No walls. No doors. No curtains.

It is the same in the prison. When I was detained in the detention… pic.twitter.com/9mTyCe9zAE

— Inconvenient Truths — Jennifer Zeng Reports (@jenniferzeng97) May 9, 2026

માનસિકતા પર સવાલ: ભારત અને વિદેશની સરખામણી

આ વીડિયો તે લોકોની માનસિકતા પર પ્રહાર કરે છે જેઓ માને છે કે વિદેશી સંસ્કૃતિ ભારત કરતા ઘણી આગળ છે. ભારતના ગ્રામીણ વિસ્તારોમાં પણ લોકો મર્યાદા જાળવીને એકબીજાની પ્રાઇવસીનું ધ્યાન રાખતા હોય છે. જ્યારે આ વીડિયોમાં જોઈ શકાય છે કે જ્યાં લોકો સાથે બેસીને કામ કરે છે કે નાસ્તો કરે છે, તેની બાજુમાં જ શૌચાલયની દુર્ગંધ વચ્ચે કામ કરવું પડે છે. આ પ્રકારની અસભ્યતા ચીનના કહેવાતા આધુનિકીકરણ પાછળનું કડવું સત્ય છે.

નોંધ: સોશિયલ મીડિયા પર વાયરલ થઈ રહેલા આ વીડિયોની TV9 ગુજરાતી સત્તાવાર રીતે પુષ્ટિ કરતું નથી.