ગર્લફ્રેન્ડ સામે છોકરો કરી રહ્યો હતો બાઈક સ્ટંટ, પણ નસીબ સાથ ન દેતા થઈ ગયો પોપટ!

સોશિયલ મીડિયા પર એક ક્લિપ વાયરલ થઈ રહી છે, જેને જોયા પછી તમે હસીને લોટપોટ થઈ જશો. ઘણી વખત યુવાનો પોતાની ગર્લફ્રેન્ડને ઈમ્પ્રેસ કરવા અથવા ઈન્સ્ટાગ્રામ રીલ્સ બનાવવા માટે નેક્સ્ટ લેવલ પર જતા હોય છે. એક વ્યક્તિ કથિત રીતે તેની ‘ગર્લફ્રેન્ડ’ને ઈમ્પ્રેસ કરવા માટે જોખમી બાઈક સ્ટંટ કરી રહ્યો હતો. પરંતુ નસીબ તેની સાથે ખેલ કરી ગયું. છોકરી ઈમ્પ્રેસ થઈ એ તો ખબર નહીં. પરંતુ છોકરાને જમીન પર પડતો જોઈને લોકોને જાણવા મળ્યું કે આવા સ્ટંટ કરવા માત્ર સ્વાસ્થ્ય માટે જ નહીં, ઈજ્જત માટે પણ હાનિકારક છે!

આ વીડિયો સોશિયલ મીડિયાના અલગ-અલગ પ્લેટફોર્મ પર વાયરલ થઈ રહ્યો છે, જેને ટ્વિટર સહિત ઈન્સ્ટાગ્રામ પર મોટા પ્રમાણમાં શેયર કરવામાં આવી રહ્યો છે. આ રીલ reactionboy_guri_ દ્વારા ઈન્સ્ટા પર શેયર કરવામાં આવી હતી, જેને અત્યાર સુધીમાં લગભગ એક હજાર વ્યુઝ મળી ચૂક્યા છે. આ સિવાય યુઝર્સ વીડિયો જોયા પછી હસવાનું રોકી શકતા નથી. જ્યારે કેટલાક યુઝર્સે જવાબમાં લખ્યું કે લો ભાઈ સ્વાદ આવી ગયો. તો કેટલાકે કહ્યું એટલે જ પુરુષો કરતાં સ્ત્રીઓ લાંબુ જીવે છે!

આ વાયરલ વીડિયોમાં જોઈ શકાય છે કે એક છોકરી રોડની વચ્ચે ઉભી છે. અચાનક એક બાઈકર મોટરસાઇકલ ચલાવતો તેની નજીક આવે છે અને ઈમ્પ્રેસ કરવા માટે તેના પગની આગળની બ્રેક એટલી જોરથી મારે છે કે બાઇકનું પાછળનું વ્હીલ હવામાં ઉડી જાય છે.

આ શખ્સ બાઇક સંભાળવાની કોશીશ કરે છે. પણ બાઇક તેનું સંતુલન ગુમાવી બેસે છે અને છોકરો બાઇક સાથે જમીન પર પડી જાય છે. આ રીતે, તે છોકરીને ઈમ્પ્રેશ કરવાનો પ્રયાસ કરતી વખતે પોતાનું નુકસાન કરે છે. આ ક્લિપ ક્યારે અને ક્યાં શૂટ કરવામાં આવી છે તેની હજુ સુધી પુષ્ટિ થઈ નથી. પરંતુ આ વીડિયો ચોક્કસપણે લોકોને ઈન્ટરનેટ પર હસાવી રહ્યો છે.