Agneepathના વિરોધ પ્રદર્શન વચ્ચે પોતાની કારને સળગતી જોઈ રડી પડયો આ યુવાન, કહ્યુ- આ રીતે મળશે નોકરી?

દેશમાં હાલમાં ભારતીય સેનામાં ભરતી માટે ભારત સરકારે એક યોજના બહાર પાડી છે. જેનુ નામ અગ્નિપથ યોજના (Agneepath Scheme). આ યોજના વિરોધમાં દેશના કેટલાક લોકો વિરોધ પ્રદર્શન કરી રહ્યા છે. તેના ઘણા વીડિયો સોશિયલ મીડિયા પર ઝડપથી વાયરલ થઈ રહ્યા છે. આ વીડિયોમાં પ્રદર્શનકારીઓ ટ્રેન જેવી સરકારી સંપતિને નુકશાન પહોંચાડી રહ્યા છે. પ્રદર્શનકારીઓ અનેક રાજ્યોમાં તોડફોડની સાથે સાથે આગ લગાવીને સરકારી અને સામાન્ય જનતાની સંપતિને નુકશાન પહોંચાડી રહ્યા છે. આ બધા વચ્ચે એક યુવાનનો વીડિયો વાયરલ (Viral Video) થયો છે. જેને જોઈને એક સમયે તમે પણ ભાવુક થઈ જશો.

આપણે બધા જાણીએ છીએ કે પોતાની કાર ખરીદવી એ કોઈપણ યુવાનનું સપનુ હોય છે. લોકો પોતાની જીવનભરની પૂંજી લગાવીને પોતાની કાર ખરીદતા હોય છે. પણ જો આ કાર કોઈ હિંસક પ્રદર્શનમાં બળી જાય તો દુઃખની કોઈ સીમા નથી. હાલમાં વાયરલ થઈ રહેલા વીડિયોમાં પણ કંઈક આવું જ જોવા મળી રહ્યું છે. જ્યાં પ્રદર્શનકારીઓ વિરોધ પ્રદર્શન દરમિયાન એક કારને આગ ચાંપી દે છે. વીડિયોમાં તમે જોઈ શકો છો કે તે કારનો માલિક કહી રહ્યો છે કે તેની કાર રેલવે સ્ટેશનની બહાર પાર્ક કરેલી હતી, જેને પ્રદર્શનકારીઓ સળગાવી દીધી હતી.

રડતો કારનો માલિક કેમેરામાં કહી રહ્યો છે કે શું આનાથી વિરોધ કરનારાઓને નોકરી મળશે? જો લોકોને સરકારથી સમસ્યા હોય તો તેમની પાસે જવું જોઈએ અને આ રીતે લોકોની વસ્તુઓને નુકસાન ન પહોંચાડવું જોઈએ. આ વિરોધ પ્રદર્શન સરકારની યોજનાના વિરોધમાં છે, પણ તેને કારણે દેશની સામાન્ય જનતાને પણ નુકશાન પહોંચી રહ્યુ છે.

વાયરલ વીડિયો

આ વાયરલ ઈમોશનલ વીડિયોને @beingvikas90 નામના યુઝરે ટ્વિટર પર શેર કર્યો છે. હમણા સુધી આ વીડિયોને 68 હજારથી વધુ વ્યૂઝ મળી ચૂક્યા છે. આ સિવાય લોકો આ વીડિયો પર કોમેન્ટ કરીને પોતાનો પ્રતિભાવ આપી રહ્યા છે. ચાલો જોઈએ લોકોની પ્રતિક્રિયા.

લોકોની પ્રતિક્રિયા