હવે YouTube Live પરથી થશે બમ્પર કમાણી! લોન્ચ થયું નવું ફીચર, જાણો કેવી રીતે કરશે કામ
YouTubeએ Gifts નામનું નવું ફીચર લોન્ચ કર્યું છે. જેનાથી ક્રિએટર્સ YouTube Live દરમિયાન વધુ કમાણી કરી શકશે. દર્શકો વર્ચ્યુઅલ Gifts મોકલીને પોતાના મનપસંદ ક્રિએટર્સને સપોર્ટ કરી શકશે. Jewels અને Rubies આધારિત આ નવી સિસ્ટમ ક્રિએટર્સ માટે આવકનો વધુ એક રસ્તો બનશે.
YouTube એક એવું પ્લેટફોર્મ બની ગયું છે જ્યાં ક્રિએટર્સ દર મહિને ઘણી કમાણી કરી રહ્યા છે. ટૂંકા વિડિયોથી લઈને લાંબા વિડિયો સુધી, આ પ્લેટફોર્મનો ઉપયોગ દેશભરમાં મોટા પ્રમાણમાં કરવામાં આવી રહ્યો છે. YouTubeએ ભારતમાં એક નવી સુવિધા શરૂ કરી છે. જે ક્રિએટર્સને YouTube Liveથી વધુ કમાણી કરવાની મંજૂરી આપશે. YouTube એ Gifts નામનું એક નવું ફીચર શરૂ કર્યું છે. ખાસ કરીને વર્ટિકલ લાઇવ સ્ટ્રીમ્સ માટે.
YouTube Gifts ફીચર શું છે?
સૂત્રો અનુસાર, આ નવા ફીચરની મદદથી દર્શકો લાઇવ સ્ટ્રીમ દરમિયાન એનિમેટેડ વર્ચ્યુઅલ ગિફ્ટ્સ મોકલીને પોતાના મનપસંદ ક્રિએટરને સપોર્ટ કરી શકશે. આ ગિફ્ટ્સના કારણે ક્રિએટર્સને વધારાની કમાણી કરવાની તક મળવાની શક્યતા રહેશે. આ ફીચરને વધુ રસપ્રદ બનાવવા માટે YouTubeએ તેમાં અનેક ભારતીય દેશી થીમ આધારિત ગિફ્ટ્સ પણ ઉમેર્યા છે. કંપનીએ ભવિષ્યમાં તહેવારો અને ખાસ પ્રસંગો માટે નવા સીઝનલ ગિફ્ટ્સ લાવવાની પણ જાહેરાત કરી છે.
ક્રિએટર્સ આ ફીચર કેવી રીતે ચાલુ કરી શકે?
જો કોઈ ક્રિએટર્સ આ સુવિધાનો ઉપયોગ કરવા માંગે છે, તો તેણે YouTube સ્ટુડિયોમાં જઈને Earn વિભાગ ખોલવો પડશે. આ પછી, વર્ચ્યુઅલ આઇટમ્સ મોડ્યુલ સ્વીકાર્યા પછી ગિફ્ટ્સ સુવિધા સક્રિય થશે. એકવાર સુવિધા સક્ષમ થઈ ગયા પછી, ગિફ્ટ્સ આપમેળે બધા પાત્ર વર્ટિકલ લાઇવ સ્ટ્રીમ્સ પર ઉપલબ્ધ થશે. જો કે, સુપર સ્ટીકર્સ વિકલ્પ લાઇવ સ્ટ્રીમ્સ પર ઉપલબ્ધ રહેશે નહીં જ્યાં ગિફ્ટ્સ સક્રિય થાય છે.
શું છે જ્વેલ્સ (Jewels) ?
YouTubeએ Gifts સાથે જ્વેલ્સ (Jewels) નામની નવી ડિજિટલ કરન્સી પણ રજૂ કરી છે. દર્શકો પહેલા Jewels ખરીદશે. પછી તેનો ઉપયોગ કરીને લાઇવ સ્ટ્રીમ દરમિયાન પોતાના મનપસંદ ક્રિએટર્સને Gifts મોકલી શકશે. જ્યારે કોઈ દર્શક Gift મોકલે છે ત્યારે ક્રિએટરને Rubies મળે છે. બાદમાં આ Rubiesના આધારે ક્રિએટરને કમાણી થાય છે. એટલે કે દર્શકોનો સપોર્ટ હવે ક્રિએટર્સ માટે કમાણીનું નવું સાધન બની જશે.
આ ફીચરથી શું ફાયદો થશે?
YouTubeનું નવું Gifts ફીચર દર્શકો અને ક્રિએટર્સ બંને માટે લાભદાયી બની શકે છે. એક તરફ દર્શકોને લાઇવ સ્ટ્રીમ દરમિયાન પોતાનો સપોર્ટ અને પ્રતિભાવ વ્યક્ત કરવાની નવી રીત મળશે. જ્યારે બીજી તરફ ક્રિએટર્સને વધારાની કમાણી કરવાની નવી તક મળશે.
