WhatsApp કોન્ટેક્સ્ટ મેન્યુની બદલાઈ જશે ડિઝાઈન, હવે મળશે કેટલાક વધુ જબરદસ્ત ફીચર્સ !

વોટ્સએપ (WhatsApp) તેના ગ્રાહકોના અનુભવને વધુ સારો બનાવવા માટે વારંવાર નવા અપડેટ્સ લાવે છે. આ ક્રમમાં, WhatsApp અન્ય નવા અપડેટ પર કામ કરી રહ્યું છે. ટૂંક સમયમાં તમે WhatsAppના કોન્ટેક્ટ મેનૂમાં ફેરફાર જોઈ શકો છો. કંપની આ કોન્ટેક્ટ મેનૂ(New Context Menu)ને ફરીથી ડિઝાઇન કરી રહી છે. અત્યારે કંપનીએ બીટા વર્ઝન પર આ નવા રિડિઝાઈન કરેલા કોન્ટેસ્ટ બોક્સ રિલીઝ કર્યા છે. આ પહેલા વોટ્સએપે તેના યુઝર્સ માટે મેસેજ પર રિએક્ટનો વિકલ્પ પણ જાહેર કર્યો હતો.

વોટ્સએપના દરેક અપડેટની માહિતી આપતી ટેક્નિકલ સાઇટ wabetainfo.com અનુસાર, કંપનીએ આ નવા ફેરફારને New Context Menu નામ આપ્યું છે. આ અપડેટનું સ્ટેટસ એ છે કે તેને બીટા વર્ઝન પર રિલીઝ કરવામાં આવ્યું છે. આ નવી ડિઝાઇન હેઠળ યુઝર્સને કેટલાક નવા ફીચર્સ મળશે. આ ફીચર્સ વોઇસ નોટ સાથે લિંક કરી શકાય છે.

વોઈસ નોટ ફીચર કેવી રીતે બદલાશે?

આ નવા અપડેટના આગમન પછી, વપરાશકર્તાઓ તેમની વૉઇસ નોટ્સને પોઝ અને રિજ્યૂમ કરી શકશે. આ સિવાય wabetainfo.com એ સ્ક્રીન શોટ પણ બહાર પાડ્યો છે. તદનુસાર, જ્યારે તમે WhatsApp પર કોઈપણ ટેક્સ્ટની કોપી કરો છો, ત્યારે તમને ચેટ બોક્સમાં કેટલાક વધુ વિકલ્પો મળશે.

આ વિકલ્પો પછી, તમે તમારા ટેક્સ્ટમાં બોલ્ડ, ઇટાલિક તેમજ અન્ય વિકલ્પો ઉમેરી શકશો. તેની સાથે તેમાં QR કોડનો વિકલ્પ પણ મળશે. આ વિકલ્પનો ઉપયોગ કયા હેતુ માટે કરવામાં આવશે, તેના વિશે હજી કંઈ જાણી શકાયું નથી.

ઘણા નવા ફીચર ટૂંક સમયમાં ઉપલબ્ધ થશે

વોટ્સએપે હાલમાં જ તેના પ્લેટફોર્મ પર ઘણા નવા ફીચર્સ ઉમેર્યા છે અને ઘણા નવા ફીચર્સ પર કામ ચાલી રહ્યું છે. એપમાં તાજેતરમાં મેસેજ રિએક્શન ફીચર ઉમેરવામાં આવ્યું હતું, જેનું નવું અપડેટ હવે આવી રહ્યું છે. આ ફીચરની મદદથી તમે કોઈના વોટ્સએપ મેસેજ પર રિએક્ટ પણ કરી શકો છો.

આ સાથે યુઝર્સને બૅન અપીલનો વિકલ્પ પણ મળશે. આ ફીચરની મદદથી જે યુઝર્સના એકાઉન્ટને બેન કરવામાં આવ્યા છે. તેઓ વોટ્સએપ પરથી ખાતામાંથી બેન હટાવવા માટે અપીલ કરી શકશે. હાલમાં આ ફીચર બીટા વર્ઝનમાં પણ ઉપલબ્ધ છે. બેન કેવી રીતે હટાવવો તેની સંપૂણ માહિતી જાણવા અહીં ક્લિક કરો.