Car Care in Monsoon: વરસાદની સિઝનમાં તમારી કારને બેકાર ન થવા દેવી હોય તો અપનાવો આ ટિપ્સ

ચોમાસા (Monsoon) દરમિયાન કારની કેવા પ્રકારે કાળજી રાખવી અને કઈ બાબતો ધ્યાન રાખવી તેના વિશે અમે તમને કેટલીક મહત્વપૂર્ણ ટીપ્સ જણાવી રહ્યા છીએ, જેને અપનાવીને તમે વરસાદની ઋતુમાં તમારી કાર(Car Care Tips)ને સંપૂર્ણ રીતે ફિટ રાખી શકો છો.

Car Care in Monsoon: વરસાદની સિઝનમાં તમારી કારને બેકાર ન થવા દેવી હોય તો અપનાવો આ ટિપ્સ
Symbolic Image
Image Credit source: File Photo
TV9 GUJARATI

| Edited By: Pankaj Tamboliya

Jul 01, 2022 | 2:14 PM

વરસાદની સિઝનમાં કારનું વિશેષ ધ્યાન રાખવું પડે છે. આ સિઝનમાં વાહનના કેટલાક ભાગોને વધુ કાળજીની જરૂર રહે છે. ત્યારે કાળજી ન રાખવાથી વરસાદમાં કારને નુકસાન પણ થઈ શકે છે. ચોમાસા (Monsoon) દરમિયાન કારની કેવા પ્રકારે કાળજી રાખવી અને કઈ બાબતો ધ્યાન રાખવી તેના વિશે અમે તમને કેટલીક મહત્વપૂર્ણ ટીપ્સ જણાવી રહ્યા છીએ, જેને અપનાવીને તમે વરસાદની ઋતુમાં તમારી કાર(Car Care Tips)ને સંપૂર્ણ રીતે ફિટ રાખી શકો છો.

અગાઉથી જ સર્વિસ કરાવી લો

ચોમાસાના વરસાદને કારણે રસ્તાઓ પર પાણી ભરાઈ જવાથી કાર માટે સમસ્યા બની શકે છે. આ કિસ્સામાં, તમારી કારની અગાઉથી સર્વિસ કરાવો. વરસાદના કારણે કાદવ, પાણી અને ગંદકી તમારી કાર માટે સમસ્યા ઊભી કરી શકે છે. આવી સ્થિતિમાં કારને પહેલાથી જ ફિટ રાખવી ખૂબ જ જરૂરી છે.

મડ-ફ્લૅપ્સ પણ ઠીક કરાવો

વરસાદની ઋતુમાં રસ્તાઓ પરનો કાદવ કીચડ અવારનવાર કારને ગંદુ કરે છે. આવી સ્થિતિમાં, ટાયરની પાછળ મડ-ફ્લૅપ યોગ્ય રીતે ઇન્સ્ટોલ કરેલું હોવું પણ જરૂરી છે. રસ્તાઓ પર એકઠા થયેલા પાણીને કારણે કાર જ્યારે તેજ ગતિએ પસાર થાય છે ત્યારે પાણીની સાથે કાદવ પણ વાહન પર આવી ચોંટી જાય છે. આવી સ્થિતિમાં મડ-ફ્લેપ્સ, કાદવને રોકવાનું કામ કરીને તમારા વાહનને ગંદા થવાથી બચાવે છે.

વાઇપર પણ બદલાવી લો

ચોમાસા દરમિયાન કલાકો સુધી પડતા વરસાદમાં તમારી ગતિ અવરોધાય નહીં તેના માટે તમારા વાહનના વાઇપર પણ અગાઉથી બદલી નાખો. વરસાદના સમયે વાઇપરની સૌથી વધુ જરૂર પડે છે. આવી સ્થિતિમાં તે સારી રીતે કામ કરે તે જરૂરી છે. વાસ્તવમાં, વાહનોમાં પહેલેથી જ લગાવેલા વાઇપર ઉનાળાના તડકાને કારણે સુકાઈ જાય છે. જેના કારણે તે પાણીને યોગ્ય રીતે શોષી શકતા નથી અને વરસાદ દરમિયાન કાચ યોગ્ય રીતે સાફ ન કરી શકવાને કારણે તમને વાહન ચલાવવામાં મુશ્કેલીનો સામનો કરવો પડી શકે છે.

બ્રેક્સ અને લાઇટની પણ તપાસ કરાવો

વરસાદની મોસમ દરમિયાન, ભારે વરસાદને કારણે વિઝિબિલિટી ઓછી થઈ જાય છે. આવી સ્થિતિમાં લાઈટ અને બ્રેકની જરૂર વધુ હોય છે. વાહનની હેડલાઇટ પણ સમયસર ચેક કરાવો. ત્યારે વાહનના બ્રેક પેડને પણ સાફ કરવાનું ભૂલશો નહીં. નવા બ્રેક શૂ લેવા વધુ સારું રહેશે, કારણ કે બ્રેકને લઈને કોઈપણ બેદરકારી જોખમી હોઈ શકે છે.

ટાયરની સ્થિતિ સારી હોવી જોઈએ

બાઇક હોય કે કાર, વરસાદના દિવસોમાં ટાયરની સ્થિતિ સારી હોવી જોઈએ. વરસાદના દિવસોમાં લપસણા રસ્તાઓ અકસ્માતને આમંત્રણ આપી શકે છે. લપસણો રસ્તાઓ પર વાહનની બ્રેક ઘણીવાર ઓછી અસરકારક બને છે. તેથી, સર્વિસ સેન્ટર પર જઈને વાહનના ટાયર ચેક કરાવવું સારું રહેશે.

આ બાબતો ધ્યાનમાં રાખો

વરસાદના દિવસોમાં ફૂંકાતા જોરદાર પવનો તમારી કાર માટે પણ જોખમી સાબિત થઈ શકે છે. આવી સ્થિતિમાં, તે ખૂબ જ મહત્વપૂર્ણ છે કે તમે તમારી કારને નુકસાનથી બચાવો. આ માટે કેટલીક મહત્વપૂર્ણ ટીપ્સ ફોલો કરો.

ખુલ્લામાં કાર પાર્ક ન કરો

વરસાદ દરમિયાન જોરદાર પવન ફૂંકાવાથી તમારી કારને નુકસાન થઈ શકે છે. પવન સાથે ઉડતી કોઈપણ વસ્તુ વાહનના કાચ અથવા બોડીને લાગી શકે છે. આવી સ્થિતિમાં ખુલ્લામાં કાર પાર્ક કરવાનું ટાળો.

ઝાડ કે પોલ પાસે પાર્ક ન કરો

ખુલ્લી જગ્યાએ કાર પાર્ક ન કરવાની સાથે એ વાતનું પણ ધ્યાન રાખો કે વાહનની નજીક કોઈ ઝાડ કે પોલ ન હોવો જોઈએ. ભારે પવન અને વરસાદને કારણે તેઓ પડી જવાની સંભાવના વધારે છે.

બેઝમેન્ટમાં પાર્કિંગ કરવાનું ટાળો

વરસાદના દિવસોમાં ઘણીવાર એવું જોવા મળે છે કે બેઝમેન્ટમાં પાણી ભરાઈ જાય છે, જે તમારા વાહન માટે જોખમી બની શકે છે. આવી સ્થિતિમાં બેઝમેન્ટ પાર્કિંગમાં કાર પાર્ક કરવાનું ટાળો.

Follow us on

Related Stories

Most Read Stories

Click on your DTH Provider to Add TV9 Gujarati