Instagramએ જાહેર કર્યુ શાનદાર ફીચર, ટાઈમ મેનેજ કરવામાં મળશે મદદ, આ રીતે કરશે કામ

મેટા-માલિકીના ફોટો-વીડિયો શેરિંગ પ્લેટફોર્મ Instagram એ વપરાશકર્તાઓના ફોકસ અને સમય મેનેજમેન્ટને વધારવા માટે Quiet Mode નામનું નવું ફીચર જાહેર કર્યુ છે. આ ફીચરથી વપરાશકર્તાઓને તેમના મિત્રો અને ફોલોઅર્સ સાથે ધ્યાન કેન્દ્રિત કરવા અને લિમિટ બનાવવા માટે પ્રોત્સાહિત કરવામાં મદદ કરશે. આપને જણાવી દઈએ કે તાજેતરમાં જ Instagram એ તેના પ્લેટફોર્મ પર કન્ટેન્ટ શેડ્યુલિંગ ટૂલ સહિત ઘણા ફીચર્સ બહાર પાડ્યા છે.

આ પણ વાંચો: ATM સાથે છેડછાડની અનોખી પદ્ધતિ, ખાતામાં પૈસા જમા કરાવી કરતા હતા છેતરપિંડી

ઈન્સ્ટાગ્રામની પેરેન્ટ કંપની મેટાએ એક બ્લોગ પોસ્ટમાં નવા ફીચર વિશે જણાવતા કહ્યું કે ટીનેજર્સે કંપનીને જાણ કરી હતી કે તેઓ ક્યારેક પોતાના માટે સમય કાઢવા માંગે છે અને રાત્રે અને શાળા દરમિયાન ધ્યાન કેન્દ્રિત કરવા માટે સમયની જરૂર છે. અન્ય રસ્તાઓ શોધી રહ્યા હતા. નવા Instagram Quiet મોડનો ઉદ્દેશ્ય લોકોને એપ પર ઓછો સમય પસાર કરવા માટે પ્રોત્સાહિત કરવાનો છે.

કંપનીનું કહેવું છે કે તે ટીન યુઝર્સને સૂચનાઓ દ્વારા ઇન્સ્ટાગ્રામ ક્વાયટ મોડ ચાલુ કરવા માટે પ્રોત્સાહિત કરશે. આ ફીચર આજથી આયર્લેન્ડ, કેનેડા, ઓસ્ટ્રેલિયા, ન્યુઝીલેન્ડ, યુકે અને યુ.એસ.ના તમામ વપરાશકર્તાઓ માટે ઉપલબ્ધ છે અને ટૂંક સમયમાં અન્ય પ્રદેશોમાં રોલઆઉટ કરવામાં આવશે.

Instagram Quiet Mode

ઈન્સ્ટાગ્રામના નવા ફીચર્સની મદદથી યુઝર્સ સાયલન્ટ અને ડાયરેક્ટ મેસેજ (DMs) પર ઓટો રિપ્લાય કરવા માટે ઇનકમિંગ એલર્ટ સેટ કરી શકશે. એટલે કે, આ ફીચર્સ તમને એપથી દૂર સમય પસાર કરવામાં મદદ કરશે. આ ફીચરની મદદથી એલર્ટને સાઈલન્સ કરીને અને મેસેજનો ઓટો રિપ્લાય કરીને ફોલોઅર્સને જાણ કરી શકાય છે કે તમારું એકાઉન્ટ ‘ઈન ક્વાયટ મોડ’ પર સેટ છે. ઉપરાંત, આ ફીચર એપથી દૂર સમય વિતાવવા અંગેની યુઝર્સની ચિંતાને ઘટાડે છે.

આ રીતે ફીચર કામ કરશે

યુઝર્સ તેમના એકાઉન્ટ પર ક્વાયટ મોડ ઓન કરતાની સાથે જ યુઝર્સને એપ તરફથી કોઈ નોટિફિકેશન મળશે નહીં. ત્યારે આ મોડની મદદથી, તમે કોઈપણ અન્ય વપરાશકર્તાને ડાયરેક્ટ મેસેજ મોકલી શકશો નહીં અને જો કોઈ અન્ય વપરાશકર્તા તમને મેસેજ કરવાનો પ્રયાસ કરશે, તો તેને ઓટો રિપ્લાય મળશે કે તમારો ક્વાયટ મોડ ચાલુ છે. આ ફીચરની મદદથી તમે તમારા કામ પર ફોકસ કરી શકશો અને ટાઈમ મેનેજમેન્ટમાં મદદ કરી શકશો.

કન્ટેન્ટ શેડ્યુલિંગ ટુલ

ઈન્સ્ટાગ્રામે તાજેતરમાં બિઝનેસ એકાઉન્ટ્સ માટે કન્ટેન્ટ શેડ્યુલિંગ ટૂલ બહાર પાડ્યું છે. શેડ્યુલિંગ ટૂલનો ઉપયોગ કરીને રીલ્સ, ફોટો-વીડિયો અને કેરોયુઝલ પોસ્ટ્સ 75 દિવસ સુધી શેડ્યૂલ કરી શકાય છે. વપરાશકર્તાઓને એડવાન્સ સેટિંગ્સમાં શેડ્યુલિંગ ટૂલનો વિકલ્પ મળશે, જેની મદદથી પોસ્ટ્સ શેડ્યૂલ કરી શકાય છે.

કેન્ડિડ સ્ટોરીઝ

ઈન્સ્ટાગ્રામનું આ ફીચર BeReal એપ્લિકેશનથી પ્રેરિત છે. ફીચર હાલમાં ટેસ્ટીંગમાં છે. કેન્ડિડ સ્ટોરીઝમાં યુઝર્સે નોટિફિકેશન પર ક્લિક કરીને પોતાનો ફોટો અપલોડ કરવાનો રહેશે. આ ફોટો ફક્ત તે લોકોને જ દેખાશે જેઓ પોતે કેન્ડિડ સ્ટોરીઝ શેર કરે છે.