Tech News: NRSC વિકસાવશે ‘ભુવન-આધાર’ પોર્ટલ, દેશભરના આધાર કેન્દ્રોના લોકેશનની મળશે માહિતી

Follow us on

આધારકાર્ડ આજે મહત્વના ડોક્યુમેન્ટ્સમાંનુ એક છે, ત્યારે આધાર જાહેર કરતી સંસ્થા યુઆઈડીએઆઈ (UIDAI),નેશનલ રિમોટ સેન્સિંગ સેન્ટર (NRSC) અને ઈસરો (ISRO)એ ટેકનિકલ સહયોગ માટે કરાર પર હસ્તાક્ષર કર્યા છે. NRSC ‘ભુવન-આધાર’ (Bhuvan Aadhaar) પોર્ટલ વિકસાવશે, જે સમગ્ર ભારતમાં આધાર કેન્દ્રો (Aadhaar Kendra)ની માહિતી અને લોકેશન આપશે. પોર્ટલ નિવાસીઓની જરૂરિયાતોને આધારે સંબંધિત આધાર કેન્દ્રોની લોકેશન મુજબ સર્ચ કરવાની પણ મંજૂરી આપે છે.

એક સત્તાવાર નિવેદનમાં જણાવાયું છે કે UIADI, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય અને NRSC, ISRO, હૈદરાબાદ વચ્ચે ટેકનિકલ સહયોગ માટેના એમઓયુ (MOU)પર આજે (શનિવાર, 09-04-2022) અહીં હસ્તાક્ષર કરવામાં આવ્યા હતા, UIADIના ડેપ્યુટી ડાયરેક્ટર જનરલ શૈલેન્દ્ર સિંહ અને CEOની હાજરીમાં NRSC ડાયરેક્ટર પ્રકાશ ચૌહાણ દ્વારા MoU પર હસ્તાક્ષર કરવામાં આવ્યા હતા.

આ પ્રસંગે UIADI અને NRSCના અન્ય વરિષ્ઠ અધિકારીઓ પણ હાજર હતા. NRSC વેબ-આધારિત પોર્ટલ પણ પ્રોવાઈડ કરશે, જે નિયમિત વૈધાનિક નિરીક્ષણ હાથ ધરીને નાગરિક કેન્દ્રિત સેવાઓ સુધારવા માટે વર્તમાન અને નવા નોંધણી કેન્દ્રો સંબંધિત ડેટા એકત્રિત કરવામાં મદદ કરશે.

એકત્રિત ડેટાને પ્રાદેશિક સ્તરે માન્ય સત્તાવાળાઓ દ્વારા ગુણવત્તા માટે નિયંત્રિત કરવામાં આવશે

પ્રાદેશિક સ્તરે મંજૂર સત્તાવાળાઓ દ્વારા એકત્રિત કરવામાં આવેલ ડેટા ગુણવત્તા માટે મધ્યસ્થ કરવામાં આવશે, જેથી નિવાસીઓને કેન્દ્રો વિશેની સચોટ માહિતી ઓનલાઈન વિઝ્યુલાઈઝેશન સુવિધા સાથે મળી શકે. ભુવન નેચરલ કલર સેટેલાઈટ ઈમેજના હાઈ રિઝોલ્યુશન બેકડ્રોપ સાથે આધાર કેન્દ્રો માટે સંપૂર્ણ ભૌગોલિક માહિતી સંગ્રહ, વિશ્લેષણ અને રિપોર્ટિંગની સુવિધા આપશે.

UIADI અને NRSC અગ્રતાના ધોરણે ડિઝાઈન, એકીકરણ અને રોલઆઉટ મોડલિટીઝ પર નજીકથી કામ કરી રહ્યા છે. UIADI એ અત્યાર સુધીમાં 132 કરોડથી વધુ રહેવાસીઓને આધાર નંબર જાહેર કર્યા છે અને 60 કરોડથી વધુ રહેવાસીઓને પણ સુવિધા આપી છે જેમણે તેમના આધાર નંબર અપડેટ કર્યા છે.

આ પણ વાંચો: Tech News: Google ઓફિસે આવતા કર્મચારીઓને આપશે ઈલેક્ટ્રિક સ્કૂટર, જાણો શા માટે લીધો આ નિર્ણય

આ પણ વાંચો: WhatsApp લાવી રહ્યું છે નવું અપડેટ, હવે ગેલેરીમાં ઓટોમેટિક સેવ નહીં થાય તસ્વીરો!

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-