જો તમે કોઈ મોટી કિંમતની નોટ ખરીદી વખતે આપો તો તેને વેપારી કે લેનારી વ્યક્તિ એવી રીતે ચેક કરશે કે તેમને ખોટી નોટ આપી હોય. હવે આ ચકાસણી કરવાની રીત જ બદલાઈ જવાની છે. રિઝર્વ બેંક ઓફ ઈન્ડિયા લોકો સરળતાથી સાચી કે ખોટી ચલણી નોટ વચ્ચે ભેદ પારખી શકે તે માટે એક ડિજીટલ વ્યવસ્થા લાવી […]
Follow us on
જો તમે કોઈ મોટી કિંમતની નોટ ખરીદી વખતે આપો તો તેને વેપારી કે લેનારી વ્યક્તિ એવી રીતે ચેક કરશે કે તેમને ખોટી નોટ આપી હોય. હવે આ ચકાસણી કરવાની રીત જ બદલાઈ જવાની છે.
રિઝર્વ બેંક ઓફ ઈન્ડિયા લોકો સરળતાથી સાચી કે ખોટી ચલણી નોટ વચ્ચે ભેદ પારખી શકે તે માટે એક ડિજીટલ વ્યવસ્થા લાવી રહ્યું છે. સુત્રો દ્વારા મળેલી જાણકારી અનુસાર નકલી નોટોને હવે મોબાઈલ ફોન જ પકડી પાડશે. રિઝર્વ બેંક આ બાબતે એક એપ્લીકેશન બનાવવા જઈ રહી છે. નાણાં મંત્રાલય દ્વારા આ એપ બનાવવાની જવાબદારી રિઝર્વ બેંકને સોંપવામાં આવી છે.
એપ માટે એજન્સીની પસંદગીની પ્રક્રિયા પણ શરુ કરી દેવાઈ
એપના નિર્માણ માટે એજન્સીની પસંદગી કરવાની પ્રક્રિયા પણ કરી દેવાઈ છે. નકલી નોટોને પારખવા માટે આ એપ મદદ કરશે ખાસ કરીને દષ્ટિહીન લોકોને ખાસ મદદ મળી રહેશે. એપના નિર્માણ બાદ દરેક લોકો તેને પોતાના મોબાઈલ ફોનમાં ડાઉનલોડ કરી શકશે અને જરુર પડે ત્યારે તેનો ઉપયોગ કરીને હાથમાં રહેલી નોટ સાચી છે કે ખોટી તેની ખરાઈ કરી શકશે. ખાસ કરીને કેમેરાની મદદથી આ એપ કામ કરશે તેવું જાણવા મળી રહ્યું છે.
