iPhone 14 સેટેલાઇટ કનેક્ટિવિટી સાથે આવી શકે છે, ઇમરજન્સીમાં યુઝર્સને કરશે મદદ

દર વર્ષની જેમ આ વર્ષે પણ (Apple) તેની ફ્લેગશિપ (iPhone 14) સિરીઝ ઓફર કરશે. આવનારી iPhone 14 સિરીઝ લાસ્ટ જનરેશનના iPhones કરતાં વધુ અદ્યતન હશે. આ બ્રાન્ડ ન્યુ લોન્ચ પહેલા જ ફોનમાં મળેલા કેટલાક ખાસ સ્પેસિફિકેશનને લઈને અલગ-અલગ પ્રકારની અટકળો લગાવવામાં આવી રહી છે. આ એટલા માટે છે કારણ કે iPhone 14 કેટેગરીમાં કટોકટીમાં યુઝર્સને મદદ કરવા માટે સેટેલાઇટ કનેક્ટિવિટી દર્શાવવાની અપેક્ષા છે. આ સુવિધા એવા વિસ્તારોમાં સેટેલાઇટ નેટવર્ક (Satellite Network) સાથે કનેક્ટ કરી શકશે જ્યાં સહેલાઈથી સિગ્નલ નથી મળતું,

ખાસ કરીને દૂરના વિસ્તારોમાં માટે આ સુવિધા ખુબ કામની છે. અત્યારે iPhone આગામી 14/09/2022માં બજારમાં આવવાની ધારણા છે. આ માહિતી બ્લૂમબર્ગના માર્ક ગુરમેને શેર કરી છે. તેણે પોતાના રિપોર્ટમાં શેર કર્યું છે કે iPhone 14 ગ્રામીણ વિસ્તારોમાં સેટેલાઇટ નેટવર્ક સાથે જોડાવા માટે સેટેલાઇટ કનેક્ટિવિટી સુવિધાનો ઉપયોગ કરશે.

ગત વર્ષે પણ iPhone 13 સિરીઝના લોન્ચિંગ પહેલા આવો જ એક રિપોર્ટ સામે આવ્યો હતો પરંતુ અનુમાન મુજબ એવું થયું ન હતું. ગુરમન અહેવાલ આપે છે કે iPhone 14 પર ઉપલબ્ધ સેટેલાઇટ કનેક્ટિવિટી વિકલ્પને કારણે, વપરાશકર્તાઓ સેટેલાઇટ નેટવર્ક્સ સાથે કનેક્ટ કરવામાં સક્ષમ હશે.

iPhone 14 સેટેલાઇટ કનેક્ટિવિટી ફીચર સાથે આવશે

iPhone 14 એક ‘કોન્ટેક્ટ્સ દ્વારા ઇમરજન્સી મેસેજ’ વિકલ્પ સાથે આવશે જે એપલ યુઝર્સને કોઈ સેલ્યુલર સેવા ઉપલબ્ધ ન હોય ત્યારે ટૂંકા મેસેજ શેર કરવાની મંજૂરી આપશે. Apple iPhone 14 શ્રેણી હેઠળ ચાર મોડલ લોન્ચ કરે તેવી અપેક્ષા છે. તેમાં એક iPhone 14, iPhone 14 Pro, iPhone 14 Pro Max અને અન્ય મોડલ હશે.  લીક થયેલી માહિતી અનુસાર, iPhone 14 Mini નહીં હોય. એપલ કંપની આ વખતે Apple iPhone 14નું મિની વર્ઝન લોન્ચ નહીં કરી શકે. તેને મેક્સ વેરિઅન્ટથી બદલી શકાય છે.

નવું પ્રોસેસર iPhone 14 મોડલમાં હશે

iPhone 14 મૉડલ એક અલગ પ્રોસેસરનો ઉપયોગ કરે તેવું અનુમાન કરવામાં આવે છે અને તેમાંથી બે A16 પ્રોસેસરનો ઉપયોગ કરી શકે છે, જે A15નું રિબ્રાન્ડેડ વર્ઝન હોવાની અપેક્ષા છે, જે iPhone 13 સિરીઝને પાવર આપે છે. સૂત્રોના જણાવ્યા અનુસાર, વૈશ્વિક ચિપની અછતને કારણે Apple A15થી A16નું રિબ્રાન્ડ કરી શકે છે.

ફોનના કેમેરા ફિચર્સ વિશે વાત કરીએ તો એવું માનવામાં આવે છે કે iPhone 14 સિરીઝમાં કોઈ મોટું અપગ્રેડ ઉપલબ્ધ નહીં હોય. જો Apple શ્રેણીમાં અપગ્રેડ ઉમેરે છે, તો iPhone 14 શ્રેણીની કિંમતમાં પણ વધારો થવાની ધારણા છે. વર્તમાન Apple iPhone 13 સિરીઝની જેમ, iPhone 14 સિરીઝ સપ્ટેમ્બર 2022માં લૉન્ચ થવાની ધારણા છે.

આ પણ વાંચો – હવે બેક્ટેરિયામાંથી વીજળી બનશે, ગ્રીનહાઉસ વાયુઓનું સ્તર ઘટશે