
નોકરી કરતા કર્મચારીઓ માટે કામના સમાચાર છે. હવે તમારા પ્રોવિડન્ટ ફંડ (PF) ખાતામાં કેટલા પૈસા જમા છે, છેલ્લાં પાંચ ટ્રાન્ઝેક્શન કેટલાં થયાં છે અને EPF પાસબુકમાં કેટલી રકમ છે, તેની માહિતી મેળવવા માટે વારંવાર EPFOની વેબસાઇટ ખોલવાની જરૂર નહીં પડે. કર્મચારી ભવિષ્ય નિધિ સંગઠનની WhatsApp સર્વિસ દ્વારા આ વિગતો મોબાઇલ પર જ મેળવી શકાય છે. આ સર્વિસનો ઉપયોગ કરવા માટે તમારે તમારા રજિસ્ટર્ડ મોબાઇલ નંબરથી EPFOના સત્તાવાર WhatsApp નંબર પર મેસેજ કરવાનો રહેશે.
EPFOની WhatsApp સર્વિસનો લાભ લેવા માટે +91 87964 41800 નંબર પર ‘Hi’ લખીને મેસેજ મોકલવાનો રહેશે.આ મેસેજ મોકલ્યા બાદ તમને વેલકમ મેસેજ મળશે. ત્યારબાદ તમારી પસંદગીની ભાષા પસંદ કરવાનો વિકલ્પ મળશે. ભાષા પસંદ કર્યા પછી PF બેલેન્સ, પાસબુક અને અન્ય સેવાઓના વિકલ્પો જોવા મળશે.
જો તમે તમારા PF ખાતામાં જમા થયેલી રકમ અને તેની વિગતો જોવા માંગતા હોવ તો નીચે આપેલા સ્ટેપ્સ અનુસરો.
જો તમારે PF ખાતામાં કેટલી રકમ જમા છે તે જાણવું હોય તો પણ WhatsAppની મદદ લઈ શકો છો.
EPFOની આ સર્વિસમાં છેલ્લાં પાંચ ટ્રાન્ઝેક્શન જોવાની સુવિધા પણ આપવામાં આવી છે. આ માટે WhatsApp મેનૂમાં ‘Last 5 Transactions’ વિકલ્પ પસંદ કરવાનો રહેશે. જરૂર મુજબ OTP વેરિફિકેશન કર્યા બાદ તમારા ખાતામાં થયેલી છેલ્લી પાંચ એન્ટ્રીની વિગતો મળી શકશે. તેનાથી કંપની દ્વારા PFનું યોગદાન જમા થયું છે કે નહીં તે તપાસવામાં પણ મદદ મળશે.
UAN એટલે યુનિવર્સલ એકાઉન્ટ નંબર. EPFO દ્વારા કર્મચારીઓને આપવામાં આવતો આ 12 આંકડાનો કાયમી નંબર છે. નોકરી બદલ્યા બાદ પણ કર્મચારીના અલગ-અલગ PF એકાઉન્ટને એક જ UAN સાથે જોડવામાં મદદ મળે છે. EPFOની સેવાઓ UMANG એપ પર પણ ઉપલબ્ધ છે. અહીંથી PF બેલેન્સ તપાસવા અને પાસબુક ડાઉનલોડ કરવા જેવી સુવિધાઓનો લાભ લઈ શકાય છે.
ખાસ ધ્યાન રાખો: WhatsApp પર માત્ર EPFOના સત્તાવાર નંબરનો જ ઉપયોગ કરો. કોઈ અજાણી વ્યક્તિ સાથે OTP, UAN પાસવર્ડ કે બેંકની ગુપ્ત વિગતો શેર કરશો નહીં. WhatsApp સર્વિસ ઉપલબ્ધ ન હોય તો EPFO પોર્ટલ અથવા UMANG એપનો ઉપયોગ કરી શકો છો.