Chandrayaan-3 Vs Luna-25: ભારતના ચંદ્રયાન-3 પહેલા ચંદ્ર પર પહોંચશે રશિયાનું લુના-25, જાણો બન્ને મિશનમાં શું છે તફાવત

ભારતે ગયા મહિને તેનું મિશન ચંદ્રયાન-3 (Chandrayaan-3) લોન્ચ કર્યું હતું. હવે રશિયા પણ તેનું મિશન ચંદ્ર પર મોકલવાની તૈયારી કરી રહ્યું છે. મીડિયા રિપોર્ટ્સમાં રશિયન અધિકારીઓએ દાવો કર્યો છે કે, તેઓ 11 ઓગસ્ટે તેમનું મિશન લોન્ચ કરશે. રશિયાનું આ પહેલું ચંદ્ર મિશન નથી. રશિયા (Russia) 1976માં લુના-24 લોન્ચ કરી ચૂક્યું છે. ચંદ્રયાન-3 14 જુલાઈએ લોન્ચ કરવામાં આવ્યું હતું, પરંતુ હવે એવી ચર્ચા છે કે રશિયાનું લુના-25 ચંદ્રયાન-3 પહેલા ચંદ્ર પર પહોંચી જશે.

રશિયન લુના-25 પાંચ દિવસમાં ચંદ્ર પર પહોંચશે

14 જુલાઈએ લોન્ચ થયેલું ઈસરોનું ચંદ્રયાન-3 23 ઓગસ્ટે ચંદ્ર પર પહોંચશે. રશિયામાં લુના-25ના પ્રક્ષેપણની તૈયારીઓ ચાલી રહી છે અને તે ચંદ્રયાન-3 પહેલા ચંદ્ર પર ઉતરી શકે છે. તેને ચંદ્રના દક્ષિણ ધ્રુવ પર લેન્ડ કરવામાં આવશે. કહેવામાં આવી રહ્યું છે કે આ પોલ પર પાણી મળવાની પ્રબળ સંભાવના છે. રશિયાની સ્પેસ એજન્સી રોસકોસમોસના (Roscosmos) જણાવ્યા અનુસાર, લુના-25ને રશિયાના વોસ્તોચનના કોસ્મોડ્રોમથી લોન્ચ કરવામાં આવશે, જે મોસ્કોથી 5,550 કિલોમીટરના અંતરે સ્થિત છે. તે માત્ર 5 દિવસમાં ચંદ્ર પર પહોંચી જશે.

5 દિવસ ભ્રમણકક્ષામાં વિતાવ્યા બાદ તે ચંદ્ર પર ઉતરશે

રશિયન સ્પેસ એજન્સી રોસકોસમોસનું કહેવું છે કે, લુનાને લોન્ચ કરવા માટે સોયુઝ-2 ફ્રિગેટ બૂસ્ટરનો ઉપયોગ કરવામાં આવશે. આ મિશનની વિશેષતા છે. લોન્ચિંગ બાદ લુના-25 માત્ર 5 દિવસમાં ચંદ્ર પર ઉતરશે. લગભગ 5 દિવસ ભ્રમણકક્ષામાં વિતાવ્યા બાદ તે ચંદ્ર પર ઉતરશે. તેનો ઉતરાણનો સમય લગભગ ભારતીય ચંદ્રયાન-3 જેટલો જ હોઈ શકે છે.

આ પણ વાંચો : Chandrayaan 3: એન્જિન ફેલ થયા બાદ પણ ચંદ્રયાન-3નું લેન્ડર વિક્રમ ચંદ્રની સપાટી પર સોફ્ટ લેન્ડિંગ કરશે, જાણો કેવી રીતે ?

શું છે મિશનનો હેતુ

રશિયન મિશનનો હેતુ સોફ્ટ લેન્ડિંગ માટે ટેક્નોલોજી વિકસાવવાનો છે. ચંદ્રની આંતરિક રચના કેવી છે, તે સમજવું પડશે. આ સાથે ત્યાં પાણી અને અન્ય વસ્તુઓની શોધ તેના લક્ષ્યનો એક ભાગ છે. રશિયન એજન્સીને આશા છે કે લુના-25નું લેન્ડર ચંદ્રની સપાટી પર એક વર્ષ સુધી કામ કરશે.

દેશના તમામ સમાચાર વાંચવા માટે અહીં ક્લિક કરો