Apple iPhone 14 સિમ કાર્ડ સ્લોટ વિના આવશે! જાણો E-SIM સુવિધા કેવી રીતે કામ કરશે

એપલ (Apple)ની iPhone 15 સિરીઝમાં કોઈ ફિઝિકલ સિમ કાર્ડ સપોર્ટ નહીં હોય. iPhone 15 સિરીઝ 2023માં લોન્ચ થશે. ચર્ચા હતી કે iPhone 15 સિમ કાર્ડ સ્લોટ વિના આવનાર પ્રથમ ફોન હશે. જો કે, લેટેસ્ટ માહિતી અનુસાર, એપલ આઈફોન 14 (Apple iPhone 14) સીરીઝમાં કોઈ સિમ કાર્ડ સ્લોટ હશે નહીં. એપલ તેના નવા iPhone 14 સિરીઝના ફોનમાં SIM કાર્ડ સ્લોટને બદલે iPhoneમાં e-SIMનો ઉપયોગ કરશે.

ભારતમાં ત્રણેય ટેલિકોમ કંપનીઓ, એરટેલ, વોડાફોન-આઇડિયા અને જિયો, ઇ-સિમ સેવાઓ પ્રદાન કરે છે. Apple તેની આગામી શ્રેણીને વોટરપ્રૂફ બનાવવા માટે સખત મહેનત કરી રહી છે. આ જ કારણ છે કે iPhone 14 સીરીઝમાં ઈ-સિમ ઓફર કરવામાં આવી રહી છે. તેથી, આવનારા સમયમાં વપરાશકર્તાઓ માટે ઉપલબ્ધ ઈ-સિમ એક સારો વિકલ્પ છે.

E-SIM શું છે?

રિલાયન્સ જિયો, વોડાફોન-આઈડિયા અને એરટેલ ભારતમાં ઈ-સિમ સેવાઓ ઓફર કરે છે. ટેલિકોમ કંપનીઓ ઈ-સિમ ઓવર-ધ-એર એક્ટિવેટ કરે છે. ઇ-સિમ એ મોબાઇલ ફોનમાં ઇન્સ્ટોલ કરેલું વર્ચ્યુઅલ સિમ છે. ઇ-સિમ ફિઝિકલ સિમ કાર્ડની જેમ જ કામ કરે છે. જો તમે ઈ-સિમ માટે અરજી કરો છો, તો તમારે તમારા ફોનમાં અન્ય કોઈ સિમ કાર્ડ નાખવાની જરૂર રહેશે નહીં.

Apple પહેલા જ ઈ-સિમ ફીચર સાથે સ્માર્ટફોન લોન્ચ કરી ચૂકી છે. iPhone XS અને iPhone XS Max માટે ઈ-સિમ ફીચર લૉન્ચ કરનાર કંપની સૌપ્રથમ હતી. ફિઝિકલ સિમ કાર્ડ સ્લોટ સિવાય, કંપનીએ તાજેતરમાં લોન્ચ કરાયેલ iPhone 13 સિરીઝમાં ઈ-સિમનો વિકલ્પ પણ ઉપલબ્ધ કરાવ્યો છે. આ ફોનમાં યુઝર્સ બે સિમ કાર્ડનો ઉપયોગ કરી શકે છે, એક ફિઝિકલ હશે અને બીજું ઈ-સિમ કાર્ડ હશે. જોકે એવી ચર્ચા છે કે નવી iPhone 14 સિરીઝમાં માત્ર e-SIMનો વિકલ્પ હશે.

iPhone 14 સિરીઝમાં ઈ-સિમની સુવિધા ઉપલબ્ધ થશે

એવું માનવામાં આવે છે કે, Apple iPhone 14 સિરીઝમાં e-SIMનો વિકલ્પ ઉપલબ્ધ હશે. જો કે, iPhone 14 સિરીઝનો એક પ્રકાર સિમ કાર્ડ સ્લોટ સાથે આવી શકે છે. આ પ્રકાર ફક્ત તે ટેલિકોમ ઓપરેટરો માટે ઉપલબ્ધ કરવામાં આવશે જેઓ ઈ-સિમ સેવાઓ પ્રદાન કરતા નથી.

કંપની તેમની આગામી તમામ શ્રેણીને સંપૂર્ણપણે વોટરપ્રૂફ બનાવવાનો પ્રયાસ કરી રહી છે તો iPhone 14 સિરીઝમાં e-SIM આપવા પાછળનું આ એક કારણ હોઈ શકે છે. એવું પણ કહેવામાં આવી રહ્યું છે કે યૂઝર્સ iPhone 14 સિરીઝના ફોનને પાણીમાં લાંબા સમય સુધી ઉપયોગ કરી શકે છે.

આ પણ વાંચો: Android યુઝર્સ માટે આવી રહ્યું છે WhatsApp ગ્લોબલ ઓડિયો પ્લેયર, જાણો કેવી રીતે કરશે કામ

આ પણ વાંચો: Precision farming: નવા યુગની આધુનિક પદ્ધતિ પ્રિસિઝન ફાર્મિંગ, આ ખેતીમાં ખેડૂતોને થાય છે મહત્તમ નફો