Apple iPhone 14 : iPhone 14નો સેલ્ફી કેમેરા બદલાશે, ઓટોફોકસ જેવા અનેક શાનદાર ફીચર્સ મળશે
Apple iPhone 14 સીરીઝમાં ઘણા મોટા ફેરફાર કરી શકે છે. આ વખતે આવનારી સીરીઝના સેલ્ફી કેમેરામાં (Selfie Camera) મોટું અપડેટ જોવા મળશે. એપલ કેમેરાની ડિઝાઇનમાં પણ ફેરફાર જોવા મળી શકે છે.
Appleની iPhone 14 સિરીઝને લગતું એક મોટું અપડેટ સામે આવ્યું છે. Apple iPhone 14 સિરીઝમાં મોટો ફેરફાર થઈ શકે છે. iPhone 14 સીરિઝના ચારેય ફોન ઓટોફોકસ ટ્રુ ડેપ્થ સેલ્ફી કેમેરા સાથે પહેલીવાર નોક કરી શકે છે. ઑટોફોકસ ટ્રુ ડેપ્થ સેલ્ફી સેન્સરની (Sefie Camera) મદદથી યુઝર્સ ઇચ્છિત વિષયને ઑટોમૅટિક રીતે લૉક કરી શકે છે. આની સાથે યુઝર્સના સેલ્ફી અને વીડિયો કોલનો અનુભવ વધુ સારો થશે. સૂત્રોના જણાવ્યા અનુસાર, iPhone 14 સિરીઝના આગામી ફોન 48-મેગાપિક્સલના કેમેરા લેન્સ સાથે નોક આવશે. પ્રથમ વખત, Apple iPhone પર 48-megapixel કેમેરા લેન્સનો ઉપયોગ કરશે. નવીનતમ ફોન સિરીઝ iPhone 13 સિરીઝ કરતાં થોડી અલગ હશે. જોકે, કંપનીએ તેના વિશે કોઈ સત્તાવાર માહિતી શેર કરી નથી.
iPhoneમાં પહેલીવાર 48 મેગાપિક્સલનો કેમેરો
એપલ 48 મેગાપિક્સલ કેમેરા લેન્સ સાથેનો આગામી ફોન યુઝર્સને પ્રથમ વખત ઓફર કરશે. પ્રખ્યાત ટેક એક્સપર્ટ મિંગ-ચી-કુઓના જણાવ્યા અનુસાર, iPhone 14 સીરીઝ ઓટોફોકસ સેલ્ફી ટ્રુ ડેપ્થ કેમેરા અને F1.9 એપરચર સાથે નોક કરશે. વિશાળ લેન્સની મદદથી, વધુ લોકો અને વસ્તુઓને શોટમાં સમાવી શકાય છે. આની મદદથી યુઝર્સ નાઇટ મોડ વગર ઓછી લાઇટમાં પણ સારી ક્વોલિટીના ફોટા ક્લિક કરી શકશે. iPhone 13 સીરીઝના ફોન ફિક્સ ફોકસ સાથે આવે છે.
સેલ્ફી કેમેરા 2 ડિઝાઇનમાં આવશે
સૂત્રોના જણાવ્યા અનુસાર, iPhone 14 સીરીઝનો સેલ્ફી કેમેરા બે ડિઝાઇનમાં આવશે. iPhone 14 અને iPhone 14 Max નોચ ડિઝાઇન સાથે આવશે, જ્યારે iPhone 14 Pro અને iPhone 14 Pro Maxને નોચને બદલે પંચ-હોલ કટઆઉટ અને પિલ-આકારનું કટઆઉટ મળશે. પંચ-હોલમાં iPhoneનો TrueDepth કૅમેરો હશે અને કટઆઉટ ફેસ ID માટે જરૂરી સેન્સરથી સજ્જ હશે.
8K વીડિયો રેકોર્ડિંગ ફીચર મળશે
યુઝર્સ iPhone 14 શ્રેણીમાં અન્ય મુખ્ય અપગ્રેડ જોઈ શકે છે. Apple આગામી શ્રેણીમાં 8K વિડિયો રેકોર્ડિંગ સુવિધા પણ પ્રદાન કરશે. iPhoneની સ્પર્ધામાં હાજર અન્ય કંપનીઓના મોટાભાગના ફોનમાં 8K વીડિયો રેકોર્ડિંગ ફીચર ઉપલબ્ધ છે. તે જ સમયે, Apple આ વર્ષે મીની આઇફોનને બદલે નોન-પ્રો મેક્સ મોડલ લોન્ચ કરી શકે છે. જોકે, કંપનીએ અત્યાર સુધી આ વાતની પુષ્ટિ કરી નથી.
આ પણ વાંચો – Beauty care tips: આર્ગન ઓઈલનો કરો ઉપયોગ અને મેળવો આ બ્યુટી બેનિફિટ્સ
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
Published On - 11:34 pm, Wed, 20 April 22