આખી દુનિયાની ઊંઘ ઊડી! AI ને લઈને ‘મોટો દાવો’, મનુષ્યો કરતાં પણ વધુ શક્તિશાળી બનશે ‘આર્ટિફિશિયલ ઇન્ટેલિજન્સ’
આર્ટિફિશિયલ ઇન્ટેલિજન્સ એટલે કે AI ને લઈને એક એવો ચોંકાવનારો દાવો સામે આવ્યો છે, જેણે આખી દુનિયાની ઊંઘ ઉડાડી દીધી છે. ટેક વર્લ્ડના દિગ્ગજ બિઝનેસમેને દાવો કર્યો છે કે, આવનારા થોડા જ વર્ષોમાં AI મનુષ્યો કરતાં પણ વધુ શક્તિશાળી બની જશે અને એક 'સુપર-હ્યુમન' એટલે કે મહામાનવની જેમ કામ કરવા લાગશે.
એઆઈ (AI) આવનારા થોડા વર્ષોમાં મનુષ્યો કરતાં પણ વધુ શક્તિશાળી બની જશે, એટલે કે એક સુપર-હ્યુમનની જેમ કામ કરશે. આ વાત ટેસ્લાના સીઈઓ (CEO) ઇલોન મસ્કે કહી છે. AI ને લઈને સતત નવી નવી ખબરો સામે આવી રહી છે. AI એજન્ટ્સ બનાવતી કંપનીઓ તેમને સતત અપગ્રેડ કરી રહી છે.
એડવાન્સ એજન્ટ્સ ઘણા એવા કામ કરવા લાગ્યા છે, જેને કરવામાં મનુષ્યોને ઘણો સમય લાગી જાય છે. મસ્કે AI ને લઈને સોશિયલ મીડિયા પ્લેટફોર્મ X પર નવો દાવો કર્યો છે.
મસ્કે દાવો કર્યો છે કે, AI એટલી ઝડપથી સારું થઈ રહ્યું છે કે ટૂંક સમયમાં જ તે સુપર-હ્યુમન એટલે કે મહામાનવની જેમ કામ કરશે. તેની ક્ષમતાઓ મનુષ્યો કરતાં પણ શ્રેષ્ઠ થઈ જશે.
ઇલોન મસ્કે કેમ કર્યો આવો દાવો?
મસ્કે આ દાવો AI ફર્મ Vercel ના CEO ગિલેર્મો રાઉચની એક પોસ્ટ પર ટિપ્પણી કરતી વખતે કર્યો હતો, જેમાં તેમણે CVE નબળાઈ CVSS 9.8 નો ઉલ્લેખ કર્યો હતો. ઓપન AI અને હગિંગ ફેસ જેવી કંપનીઓ મોટા મોટા દાવા કરી રહી છે કે, ખામી AI એજન્ટો દ્વારા શોધી કાઢવામાં આવી હતી પરંતુ રાઉચ માને છે કે, AI સિસ્ટમે માત્ર નબળાઈ શોધી કાઢી નથી પણ તેનો ઉપયોગ પણ કર્યો છે.
તેમનું કહેવું છે કે, ઈન્ટરનેટ અને ડિજિટલ વર્લ્ડમાં AI એજન્ટ્સ પોતે ખામીઓ શોધી શકે છે અને તેને હેક પણ કરી શકે છે. એવામાં જે પણ વસ્તુઓ હેક કરી શકાય તેમ છે, તેને આ કોઈપણ કમાન્ડ વગર જ હેક કરી શકે છે. આ બાબત ખૂબ જ કમનસીબ બની શકે છે અને મનુષ્યો માટે મોટો ખતરો ઊભો કરી શકે છે.
Two days ago JFrog dropped CVE-2026-82329, a critical authentication bypass in Artifactory.
It’s a CVSS 9.8, a disastrous vulnerability score. It’s like a 9.8 earthquake on the seismic scale.
It affects default configs, requires no auth, no user interaction. It’s an RCE bomb…
— Guillermo Rauch (@rauchg) August 30, 2026
ઇલોન મસ્કે રાઉચની આ પોસ્ટ પર પોતાની પ્રતિક્રિયા આપતા કહ્યું કે, તેઓ લગભગ એક દાયકા પહેલા ગૂગલના કો-ફાઉન્ડર લેરી પેજ સાથે આ અંગે વાત કરી ચૂક્યા છે. તેમણે પોસ્ટમાં જણાવ્યું કે, AI હેકિંગના મામલે સુપર-હ્યુમન ક્ષમતા ધરાવતું હશે એટલે કે તે મનુષ્યો કરતાં પણ વધુ શક્તિશાળી બની જશે.
AI નું આ સુપર-હ્યુમન લેવલ માત્ર ડિજિટલ વર્લ્ડ સુધી જ મર્યાદિત નહીં રહે. તે ઘણા એવા કામ પણ કરી શકશે, જેમાં પરમાણુઓને આકાર આપવાની એટલે કે ભૌતિક (ફિઝિકલ) રીતે વસ્તુઓ બનાવવાની જરૂર નથી. તેથી લોકોને હોલીવુડની કોઈ Sci-Fi મુવીની જેમ ભવિષ્ય વિશે ચિંતા કરવાની જરૂર નથી.
Larry Page, to his credit, repeatedly told me that AI will be superhuman at hacking about 10 years ago
— Elon Musk (@elonmusk) August 31, 2026
AI કેવી રીતે હેક કરશે સિસ્ટમ?
OpenAI એ CVE ખામીને લઈને તાજેતરમાં એક વિગતવાર સિક્યોરિટી રિપોર્ટ જાહેર કર્યો છે. આમાં કંપનીએ દાવો કર્યો છે કે, લગભગ 1200 AI એજન્ટ્સે એકબીજા સાથે કમ્યુનિકેટ કરવા માટે ઈન્ટરનલ આર્ટિફેક્ટ્સ સર્વિસનો ઉપયોગ મેસેજ બોર્ડની જેમ કર્યો અને 70,000 થી વધુ મેસેજ અને ફાઈલો શેર કરી છે.
બાદમાં લગભગ 700 એજન્ટ્સે હગિંગ ફેસ (Hugging Face) ને ટાર્ગેટ કર્યું છે. AI કોઈપણ સિસ્ટમને હેક કરવા માટે તેના કોર સોફ્ટવેરને પેનિટ્રેટ કરી શકે છે. AI સતત પોતાને સારું બનાવી રહ્યું છે. એવામાં એ શોધવું મુશ્કેલ બની રહ્યું છે કે, કોઈ લેખ AI એ લખ્યો છે કે મનુષ્યોએ લખ્યો છે.
જો કે, રિસર્ચર્સે કેટલાક એવા ટૂલ્સ અને તકનીકો બતાવી છે, જેના દ્વારા તમે AI ના લખાણની ઓળખ કરી શકો છો. તેમના અને મનુષ્યો દ્વારા લખવામાં આવતી બાબતો વચ્ચેના આ નાના-નાના તફાવતને ઓળખી શકાય છે.
