થાઇલેન્ડ ઓપન (Thailand Open) ની શરુઆતમાં સ્ટાર ભારતીય બેડમિન્ટન ખેલાડી બી સાંઇ પ્રણિથ (Sai Pranith) ને, કોવિડ-19 પોઝિટીવ સંક્રમિત હોવાની જાણકારી મળતા તેને ટુર્નામેન્ટ થી હટી જવુ પડ્યુ છે. વિશ્વના નંબર વન સ્થાન પર રહી ચુકેલા બેડમિન્ટન ખેલાડી કિદાંબી શ્રીકાંત ( Kidambi Srikanth) ને ટુર્નામેન્ટ થી હટી જવુ પડ્યુ છે. પ્રણિથની સાથે એક જ રુમમાં રહેવાને લઇને વિશ્વ બેડમિન્ટન મહાસંઘના (BWF) , દિશાનિર્દેશાનુસાર ટુર્નામેન્ટથી હટી જવા માટે મજબુર થવુ પડ્યુ છે. BWF ના નિવેદનમાં કહેવામાં આવ્યુ હતુ કે, ભારતીય ખેલાડી બી સાંઇ પ્રણિથને કોવિડ-19 પોઝિટીવ હોવાનુ જણાયુ છે. જેને લઇને તે ટોયોટા થાઇલેન્ડ ઓપન થી દુર થઇ ગયા છે.
નિવેદનમાં કહ્યુ હતુ કે, સોમવારે RT PCR પરિક્ષણ કરવામાં આવ્યુ હતુ. જેમાં તેમનો રિપોર્ટ પોઝિટીવ આવ્યો હતો. તેમના વધુ નિરીક્ષણ માટે હોસ્પિટલ લઇ જવામાં આવ્યા છે. જ્યાં તેણે ઓછામાં ઓથા દેશેક દિવસ રહેવુ પડશે. BWF એ કહ્યુ હતુ કે, અધિકારીક હોટલમાં પ્રણિથ સાથે કિદાંબી શ્રીકાંત એક જ રુમમાં રહેતા હતા. જેને લઇને હવે તેણે પણ ટુર્નામેન્ટ થી હટી જવુ પડ્યુ છે. શ્રીકાંતે મંગળવારે થાઇલેન્ડના સિટિકોમ થમ્માસિનને 21-11, 21-11 થી હરાવ્યો હતો. વિશ્વમાં 14 નંબરના આ ભારતીય ખેલાડીને પાછલા સપ્તાહે માંસપેશિયોમાં ખેંચાણને લઇને ટુર્નામેન્ટ થી હટી જવુ પડ્યુ હતુ.
BWF એ કહ્યુ હતુ કે, પ્રોટોકોલના મુજબ કિદાંબીએ થાઇલેન્ડ ઓપનથી હટી જવુ પડ્યુ છે. સાથે જ હવે તેને આકરા ક્વોરન્ટનાઇન હેઠળ રાખવામાં આવ્યો છે. જોકે કિદાંબીનો રિપોર્ટ નેગેટીવ આવ્યો હતો.