કોરોનાથી ક્રિકેટ લોકડાઉન! ICC એ T-20 વર્લ્ડ કપના કાર્યક્રમો કર્યા સ્થગિત

કોરોનાએ રમતગમતની દુનિયાને સંપૂર્ણ સ્થિર કરી દીધી છે. આંતરરાષ્ટ્રીય ક્રિકેટ કાઉન્સિલ (ICC) એ 30 જૂન પહેલા યોજાનારી તમામ ક્વોલિફાઇંગ ઇવેન્ટ્સ મુલતવી રાખી છે. કોરોનો વાઈરસના કારણે વિશ્વભરમાં અત્યાર સુધીમાં 21,000 થી વધુ લોકોએ પોતાનો જીવ ગુમાવ્યો છે. આ જીવલેણ વાઈરસથી 4,00,000 થી વધુ લોકો ચેપગ્રસ્ત છે.

આ પણ વાંચો: કેવી રીતે થાય છે કોરોનાના ટેસ્ટ? કેટલા સમયમાં આવે છે રિપોર્ટ? જુઓ VIDEO

ICC એ તમામ ઇવેન્ટ્સને જૂનના અંત સુધી સ્થગિત કરવાનો નિર્ણય લીધો છે. તેમણે કહ્યું, આ નિર્ણય લેતી વખતે ખેલાડીઓ, અધિકારીઓ, કર્મચારીઓ અને ચાહકોના સ્વાસ્થ્ય અને સલામતી પ્રત્યેની અમારી પ્રતિબદ્ધતા અમારી અગ્રતા છે. ICC મહિલા વર્લ્ડ કપ ક્વોલિફાયર શ્રીલંકામાં 3 થી 19 જુલાઇ દરમિયાન યોજાનાર છે. તેની દેખરેખ પણ કરવામાં આવી રહી છે અને સમીક્ષા પણ ચાલી રહી છે. પુરૂષોની ICC T-20 વર્લ્ડ કપ ટ્રોફી પ્રવાસ પણ એપ્રિલથી શરૂ થશે નહીં. ICC કહ્યું, અમે પરિસ્થિતિ પર નજર રાખીશું અને ટ્રોફી ટૂર પર બાદમાં નિર્ણય લઈશું.

રોચક VIDEO જોવા માટે TV9Gujartiના YOUTUBE પેજને SUBSCRIBE કરો