T-20 લીગમાં રોહિત શર્માએ 200 સિક્સર પુરી કરી, સાથે જ વધુ આ એક રેકોર્ડ પોતાના નામે કર્યો

ટી-20 લીગમાં મુંબઈ ઇન્ડીયન્સ અને કોલકત્તા નાઇટ રાઇડર્સ વચ્ચે અબુધાબીમાં લીગની 5મી મેચ રમાઈ રહી છે. આ મેચમાં મુંબઈ ઈન્ડિચન્સના કેપ્ટન રોહિત શર્માએ તોફાની બેટીંગ કરી. રોહિત શર્માએ આ દરમ્યાન 54 બોલમાં 80 રન ફટકાર્યા. તેણે 80 રન બનાવવા દરમ્યાન 06 સિક્સર અને 03 ચોગ્ગા પણ ફટકાર્યા હતા. આ 06 સિક્સર લગાવવા સાથે જ તેણે લીગમાં 200 છગ્ગા લગાવવાની યાદીમાં પોતાનું નામ જોડી દીધુ. આ ઉપરાંત પણ એક મોટો રેકોર્ડ પોતાને નામે કરી લીધો. રોહિત શર્માએ કોલકત્તા નાઇટ રાઇડર્સ સામે ટી-20 લીગની આ સાતમી અડધીસદી ફટકારી છે. કોલકત્તા વિરુદ્ધ કોઈ બેટ્સમેને ફટકારેલી સૌથી વધુ અડધી સદીમાં પણ હવે શર્માનું નામ જોડાયુ છે. આ મામલામાં હવે રોહિત શર્મા બીજા નંબર પર પહોંચ્યો છે. સુરેશ રૈનાએ કોલકત્તા વિરુધ્ધ 08, ડેવિડ વોર્નર અને શિખર ધવને 06-06 અડધીસદી ફટકારી હતી.

ટી-20 લીગમાં કોઈ એક ટીમ સામે સૌથી વધુ રન બનાવવાના મામલામાં પણ રોહિત શર્મા હવે એક નંબર પર આવી ચુક્યો છે. હવે ડેવિડ વોર્નરને પાછળ છોડી દીધો છે. રોહિત શર્માએ કેકેઆરના સામે 904 રન બનાવ્યા છે, જે રેકોર્ડ પહેલા વોર્નરના નામ પર હતો. વોર્નરે મુંબઈની વિરુદ્ધ 829 રન બનાવ્યા હતા. જો કે હવે રોહિત આ બાબતમાં વોર્નર કરતા આગળ નીકળી ચૂક્યો છે. ટી-20 લીગમાં કોઈ ટીમના સામે સૌથી વધુ રન ખડકવાની બાબતમાં વિરાટ કોહલી ત્રીજા નંબર પર છે, તેણે દિલ્હી કેપિટલ્સ સામે 825 રન બનાવ્યા છે.

ટી—20 લીગમાં કોઇ ટીમ સામે સૌથી વધુ રન બનાવનારા બેટ્સમેન

904 રોહિત શર્મા વિરુદ્ધ કોલકત્તા નાઇટ રાઇડર્સ

829 ડેવિડ વોર્નર વિરુદ્ધ કોલકત્તા નાઇટ રાઇડર્સ

825 વિરાટ કોહલી વિરુદ્ધ દિલ્હિ કેપીટલ્સ

819 ડેવિડ વોર્નર વિરુદ્ધ કિંગ્સ ઇલેવન પંજાબ

818 સુરેશ રૈના વિરુદ્ધ કોલકત્તા નાઇટ રાઇડર્સ

818 સુરેશ રૈના વિરુદ્ધ મુંબઇ ઇન્ડિયન્સ

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો