T-20 લીગ: DCનો રાજસ્થાન સામે શાનદાર વિજય, 184 રનનો પીછો કરતા RR 138 રનમાં ખખડ્યુ

શુક્રવારે શારજાહમાં દિલ્હી કેપીટલ્સ અને રાજસ્થાન રોયલ્સ વચ્ચે મેચ યોજાઇ હતી. 2020 સિઝનની 23મી મેચમાં રાજસ્થાનના કેપ્ટન સ્ટીવ સ્મિથે ટોસ જીત્યો હતો અને પ્રથમ બોલીંગ કરવાનો નિર્ણય કર્યો હતો. જેને લઇને દિલ્હીની ટીમ પહેલા બેટીંગ કરવા માટે મેદાનમાં ઉતરી હતી. શિખર ધવન, પૃથ્વી શો, રુષભ પંત અને શ્રેયસ ઐયર સહિતના બેટસમેન સસ્તામાં આઉટ થયા હતા. આમ છતાં 20 ઓવરના અંતે દિલ્હી કેપીટલ્સે આઠ વિકેટ ગુમાવીને 184 રન કર્યા હતા. જેના જવાબમાં રાજસ્થાનન ટીમ 138 રન પર જ સમેટાઇ ગઇ હતી. આમ  46 રને હાર નો સામનો કરવો પડ્યો હતો. આમ રાજસ્થાનનો લગાતાર હારનો સીલ સીલો જારી રહ્યો હતો.

રાજસ્થાન રોયલ્સની બેટીંગ

રાજસ્થાન રોયલ્સની વિકેટો એક બાદ એક પડવા લાગતા 100 રનમાં જ સાત વિકેટ ગુમાવી હતી. આમ અડધી મેચ પહેલા જ દિલ્હીની છાવણીમાં ખુશી અને રાજસ્થાનની છાવણીમાં ગમગીનનો માહોલ છવાઇ ગયો હતો. 15 રનના સ્કોર પર જ જોસ બટલરની વિકેટ ગુમાવી હતી. સ્ટીવ સ્મિથ પણ ટીમના 56 રનના સ્કોર પર પરત ફર્યો હતો. સંજુ સૈમસન પણ ફરી એકવાર ફ્લોપ રહીને સસ્તામાં એટલે કે પાંચ જ રન સાથે આઉટ થયો હતો. લોમરોર પણ એક જ રન બનાવીને વિકેટ ફેંકી દીધી હતી. એન્ડ્રયુ ત્યે છ રન અને જોફ્રા આર્ચર બે રન બનાવીને આઉટ થયા હતા. 72થી 100 રન સુધીમાં જ ટીમે પાંચ વિકેટ ગુમાવી દેતા રાજસ્થાન પર મુશ્કેલી નક્કી થઈ ગઇ હતી. તેવટીયાએ આજે ફરી એકવાર ઝડપી પારી રમી બતાવી હતી. તેણે 29 બોલમાં 38 રન ફટકાર્યા હતા. જોકે તે રબાડાના બોલ પર બોલ્ડ થયો હતો.

દિલ્હીની બોલીંગ

દિલ્હી આમ તો બોલીંગ, બેટીંગ અને ફીલ્ડીંગ ત્રણેય પ્રકારે મજબુત પ્રદર્શન કરી રહી છે. તે જ પ્રમાણે પહેલા થોડા થોડા રન બેટ્સમેનોએ જોડીને મોટો સ્કોર ખડક્યો હતો અને બાદમાં બોલરોએ તેમનુ કામ પુરુ કર્યુ હતુ. રબાડાએ 3.4 બોલમાં 35 રન આપીને ત્રણ વિકેટ ઝડપી હતી.  જ્યારે અશ્વિને અને સ્ટોઇનીશે બે-બે વિકેટ ઝ઼ડપી હતી. જ્યારે નોર્ત્ઝે, હર્ષલ પટેલ અને અક્ષર પટેલે એક એક વિકેટ ઝડપી હતી.

દિલ્હી કેપીટલ્સની બેટીંગ

દિલ્હી તરફથી નિચલા મધ્યક્રમે આવેલા હૈયટમેરે પણ 24 બોલમાં જ 45 રન ફટકાર્યા હતા. ટોસ હારીને પ્રથમ બેટીંગમાં આવેલી દિલ્હીને શરુઆતથી જ ઝટકો લાગ્યો હતો. બીજી ઓવરમાં જ પ્રથમ ઝટકો ઓપનર શિખર ધવનનો લાગ્યો હતો. માત્ર પાંચ રન બનાવીને જોફ્રા આર્ચરનો શિકાર થયો હતો. બીજી વિકેટ પૃથ્વી શોની આઉટ થઇ હતી, તેણે 10 બોલમાં 19 રન બનાવ્યા હતા. ત્રીજી વિકેટ કેપ્ટન શ્રેયસના સ્વરુપ ગુમાવી હતી જેણે 18 બોલમાં 22 રન બનાવ્યા હતા. આમ એક સમયે 50ના સ્કોર પર ત્રણ વિકેટ દિલ્હી એ ગુમાવી દીધી હતી. ઋષભ પંત ચોથી વિકેટના રુપમાં પેવેલીયન પરત ફર્યો હતો. જેણે પાંચ રન બનાવ્યા હતા.માર્કસ સ્ટોઇનીશે 39 રન ટીમમાં મધ્યમક્રમ દરમ્યાન જોડ્યા હતા, પરંતુ તે પણ તેવટીયાનો શિકાર થયા હતા. આમ વીસ ઓવરના અંતે આઠ વિકેટ ગુમાવી દીધી  હતી.

રાજસ્થાનની બોલીંગ

રાજસ્થાને ટીમમાં બે ફેરફાર કર્યા હતા, ટોમ કુરન અને અંકિત રાજપુતને બદલે એન્ડ્ર્યુ ટાય અને વરુણ આરોન ને ટીમમાં શામેલ કર્યા હતા. જોફ્રા આર્ચરે ત્રણ વિકેટ ઝડપી હતી અને 24 રન આપ્યા હતા. ચાર ઓવરમાં 35 રન આપીને કાર્તિક ત્યાગીએ એક વિકેટ મેળવી હતી. જ્યારે રાહુલ તેવટીયાએ પણ ચાર ઓવરમાં 20 રન આપીને એક વિકેટ ઝડપી હતી. રાહુલ આજે કરકસર ભરી બોલીંગ કરી હતી. જ્યારે એન્ડ્રયુએ ચાર ઓવરમાં 50 રન આપ્યા હતા અને એક વિકેટ ઝડપી હતી.  વરુણ આરોન એ પણ બે જ ઓવરમાં 25 રન ગુમાવ્યા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો