T-20: પંજાબના રાહુલને પેવેલીયન મોકલવા મુંબઇની યોજના છે તૈયાર, મુંબઇના કોચે કહ્યુ, ટકી જશે તો પણ રન બનાવવા મુશ્કેલ કરી દઈશું

T-20 લીગ ના ગુરુવારના મુકાબલાને લઇને કિંગ્સ ઇલેવન પંજાબ અને મુંબઇ ઇન્ડીયન્સ બંને તમામ તૈયારીઓ સાથે મેદાનમાં ઉતરશે. આ દરમ્યાન મુંબઇના કોચ શેન બોન્ડનુ નિવેદન સામે આવ્યુ છે. તેમનુ કહેવુ છે કે રાહુલને રોકવા માટે તેમની પાસે છે ખાસ યોજના.

પંજાબનો કેપ્ટન રાહુલ સતત સારુ પ્રદર્શન કરી રહ્યો છે, જે ઓરેન્જ કેપની દોડમાં સતત ટોપ કરી રહ્યો છે. રાહુલે અત્યાર સુધીમાં ત્રણ મેચ રમી છે અને તેમાં તેના નામે 222 રન છે. રાહુલની સરેરાશ 111 છે, જ્યારે અત્યાર સુધીમા તે એક શતક અને એક અર્ધ શતક પોતાના નામે કરી ચુક્યો છે. જોકે આજે મુંબઇ સામે તેણે ક્રિઝ પર એક અલગ જ તૈયારી સાથે ઉતરવુ પડશે. કારણ કે મુંબઇ ઇન્ડીયન્સના કોચ શેન બોન્ડે તેના બોલરો સાથે રાહુલને આઉટ કરવા માટે ખાસ પ્લાન તૈયાર કર્યો છે.

બોન્ડનુ કહેવુ છે કે, કેએલ રાહુલ એક શાનદાર ખેલાડી છે, જે તમામ દિશાઓમાં રન ફટકારે છે. પરંતુ ગુરુવારની મેચમાં અમે તેને શરુઆતની ઓવર દરમ્યાન જ આઉટ કરી દેવા માટેની કોશીષ કરીશુ. અમે અમારા બોલર્સ સાથે આ માટે ખાસ પ્લાન તૈયાર કર્યો છે. બોન્ડનુ માનવુ છે. રાહુલ વચ્ચેની ઓવરોમાં મોટાભાગે થોડોક સમય લે છે. આવામાં એમારી પાસે તે એક મોકો હશે કે અમે એને ટકી રહેવા દઇએ નહી અને આઉટ કરી લઇએ. બોન્ડ કહે છે કે, જો રાહુલ કોઇ રીતે ટકી રહેવા માટે કામીયાબ બની જાય છે તો, અમારા બોલર્સ તમામ રીતે પ્રયાસ કરશે. રાહુલ જે એરીયામાં વધુ રન બનાવે છે તે એરીયામાં અમે તેને રન ના બનાવવા દઇએ. અમારી પાસે એવા કેટલાક શાનદાર બોલર્સ છે, જે પંજાબના બેટસમેનોને મોટો સ્કોર બનાવતા પહેલા જ રોકી લેશે.