National Record: 27 વર્ષની પારુલ ચૌધરીએ તોડ્યો 6 વર્ષ જૂનો નેશનલ રેકોર્ડ, સ્ટીપલચેઝ ઈવેન્ટમાં કર્યો અજાયબી

ભારતીય મહિલા ટ્રેક એથ્લેટ પારુલ ચૌધરી (Parul Chaudhary) એ 3000 મીટરની દોડમાં નવો રાષ્ટ્રીય રેકોર્ડ (National Record) બનાવ્યો છે. મહત્વનું છે કે તેણે અગાઉના રેકોર્ડને વટાવીને 8:57.91 મીનીટ માં રેસ પૂરી કરી હતી. 27 વર્ષની પારુલ ચૌધરીએ સાઉન્ડ રનિંગ સનસેટ ટૂર લોસ એન્જલસ(Los Angeles)માં આ સિદ્ધિ મેળવી હતી. અગાઉ આ રેકોર્ડ 6 વર્ષ પહેલા એપ્રિલ 2016 માં સૂર્ય લોગાનાથનના નામે હતો. જેણે આ 3000 મીટરની રેસ માટે 9:04.5 નો સમય લીધો હતો. સુર્ય લોગાનાથને નવી દિલ્હીમાં આ રેકોર્ડ બનાવ્યો હતો. આ રીતે પારુલ ચૌધરીએ આ રેકોર્ડને 7 સેકન્ડના માર્જિનથી પાછળ છોડી દીધો.

પારુલ ચૌધરી જે મહિલાઓની 3000 મીટર સ્ટીપલચેસમાં વિશેષતા ધરાવે છે. તે બે લેપ્સ સાથે પાંચમા સ્થાને પાછળ હતી. પરંતુ તેણીએ સમયસર પાછા આવીને માત્ર રાષ્ટ્રીય રેકોર્ડ તોડ્યો જ નહીં પણ પોડિયમ પર ત્રીજું સ્થાન મેળવી અનોખી સિદ્ધી પોતાના નામે નોંધાવી હતી.

આગામી ટુર્નામેન્ટની વાત કરીએ તો પારુલ ચૌધરી (Parul Chaudhary) હવે ઓરેગોન, યુએસએમાં 2022 વર્લ્ડ એથ્લેટિક્સ ચેમ્પિયનશિપમાં 3000 મીટર સ્ટીપલચેસમાં સ્પર્ધા કરતી જોવા મળશે. વર્ષની શરૂઆતમાં તેણે માર્ચ મહિના દરમિયાન તેનું વ્યક્તિગત શ્રેષ્ઠ પ્રદર્શન કર્યું અને 9:38.29 ના સમય સાથે રેસ પૂરી કરી.

ગરીબ ખેડુતની દીકરી છે પારુલ

તમને જણાવી દઈએ કે પારુલ મેરઠના એક ગામની રહેવાસી છે. પારુલના પિતા ખેડૂત છે અને 2011 સુધી તે ખેતરોમાં કામ કરતી હતી. તેમના જીવનમાં વળાંક વર્ષ 2011 માં આવ્યો જ્યારે તેમના કોચ અમરીશે તેમને એથ્લેટિક્સ પર ધ્યાન કેન્દ્રિત કરવા કહ્યું. પારુલે પાંચ અને 10 હજાર મીટરની દોડમાં ભાગ લીધો હતો પરંતુ વર્ષ 2016-17માં તેણે 3000 મીટર સ્ટીપલચેસમાં ભાગ લેવાનું શરૂ કર્યું હતું. તેના નિર્ણયનું ફળ મળવા લાગ્યું અને હવે આ ખેલાડીએ લોસ એન્જલસમાં ઈતિહાસ રચી દીધો છે.