વિનેશ ફોગાટને પડકાર ફેંકનાર કુસ્તીબાજે દેશનું સન્માન વધાર્યું, બે ગોલ્ડ જીતીને રચ્યો ઈતિહાસ
વિનેશ ફોગાટને ચીનમાં રમાનારી એશિયન ગેમ્સમાં સીધી એન્ટ્રી મળી, ત્યારબાદ આ યુવા કુસ્તીબાજ ભારતીય ઓલિમ્પિક એસોસિએશનમાં પહોંચી અને ધરણા પણ કર્યા અને હાઈકોર્ટમાં પણ ગઈ અને હવે તેણે ગોલ્ડ મેડલ જીતીને કહ્યું કે તે તે જગ્યા માટે લડવાની હકદાર છે.
ભારતની યુવા મહિલા કુસ્તી ખેલાડી અંતિમ પંખાલે (Antim Panghal) ઈતિહાસ રચી દીધો છે. જોર્ડનના અમ્માનમાં રમાઈ રહેલી અંડર-20 વર્લ્ડ ચેમ્પિયનશિપમાં ગોલ્ડ મેડલ (Gold Medal) જીત્યો છે. તેણે 53 કિગ્રા વજન વર્ગમાં આ મેડલ જીત્યો હતો. તેણે ગત વખતે પણ આ જ કેટેગરીમાં ગોલ્ડ મેડલ જીત્યો હતો અને આ વખતે તેણે સફળતાપૂર્વક પોતાના ટાઈટલનો બચાવ કર્યો છે.
અંતિમ પંખાલે બે મેડલ જીતીને ઈતિહાસ રચ્યો
અંતિમ પંખાલે આ ટૂર્નામેન્ટમાં સતત બે મેડલ જીતીને ઈતિહાસ રચ્યો છે. આ ટુર્નામેન્ટમાં સતત બે ગોલ્ડ મેડલ જીતનારી તે ભારતની પ્રથમ મહિલા રેસલર છે. ટાઇટલ મેચમાં યુક્રેનની મારિયા યેફ્રેમોવાને 4-0થી હરાવીને ગોલ્ડ મેડલ જીત્યો હતો. બાદમાં સમગ્ર ટુર્નામેન્ટમાં જોરદાર રમત દેખાડી છે. ભારતની દિગ્ગજ મહિલા કુસ્તીબાજ વિનેશ ફોગાટ આ ગેમ્સમાંથી ખસી ગઈ હતી અને ત્યાર બાદ આ ટૂર્નામેન્ટમાં અંતિમને સ્થાન મળ્યું હતું. અંતિમ એશિયન ગેમ્સમાં ભારતનું પ્રતિનિધિત્વ કરશે.
નેશ ફોગટ સામે અવાજ ઉઠાવ્યો
અંતિમ એ રેસલર છે જેણે વિનેશ ફોગટ સામે અવાજ ઉઠાવ્યો હતો. રેસલિંગ ફેડરેશન ઓફ ઈન્ડિયાનું કામ જોઈને એડહોક કમિટી દ્વારા વિનેશને સીધી એશિયન ગેમ્સની ટિકિટ આપવામાં આવી હતી. પરંતુ બાદમાં તેની સામે અંતિમ પંખાલે અવાજ ઉઠાવ્યો હતો. તે પોતાના પરિવાર સાથે ભારતીય ઓલિમ્પિક એસોસિએશનની ઓફિસ બહાર વિરોધ પ્રદર્શન કરવા પહોંચી હતી. તે અહીં જ ન અટકી અને વિનેશને એશિયન ગેમ્સમાં સીધો પ્રવેશ આપવા સામે દિલ્હી હાઈકોર્ટમાં અરજી કરી. પરંતુ તે કોર્ટમાંથી નિરાશ થઈને પાછી ફરી. પછી નસીબે તેનો સાથ આપ્યો અને વિનેશે અનફિટ હોવાને કારણે તેનું નામ પાછું ખેંચી લીધું, જેના કારણે અંતિમને તક મળી.
આ ખેલાડીઓએ પણ મેડલ જીત્યા
અંતિમ સિવાય સવિતા 62 કિગ્રામાં પણ ગોલ્ડ મેડલ જીતવામાં સફળ રહી છે. ટાઈટલ મેચમાં સવિતાએ વેનેઝુએલાની પાઓલા મોન્ટેરો ચિરિનોસને ટેક્નિકલ શ્રેષ્ઠતાના આધારે હરાવી હતી. આ બંને પહેલા ગુરુવારે પ્રિયા મલિકે 76 કિગ્રા વર્ગમાં ટાઈટલ જીતીને ગોલ્ડ મેડલ જીત્યો હતો.
આ પણ વાંચો : IND vs IRE: એક વર્ષ બાદ ટીમમાં કમબેક, ડેબ્યૂ T20માં આ ખેલાડીએ મચાવી તબાહી
ભારતે સાત મેડલ જીત્યા
ભારતે આ ટુર્નામેન્ટમાં કુલ સાત મેડલ જીત્યા છે જેમાંથી ત્રણ ગોલ્ડ મેડલ છે. અંતિમ કુંડુએ 65 કિગ્રા વેઇટ કેટેગરીમાં સિલ્વર મેડલ, રીનાએ 57 કિગ્રા વર્ગમાં સિલ્વર મેડલ અને આરઝૂએ 68 કિગ્રા વર્ગમાં બ્રોન્ઝ મેડલ જીત્યો હતો, આ ઉપરાંત હર્ષિતાએ 72 કિગ્રા વેઇટ કેટેગરીમાં બ્રોન્ઝ મેડલ જીત્યો હતો.
