Breaking News WG 2026: ઝંડુ કુમારે બ્રોન્ઝ મેડલ જીતીને ભારતનું ખાતું ખોલાવ્યું, પોલિયો અને ગરીબીને હરાવીને ઇતિહાસ રચ્યો

કોમનવેલ્થ ગેમ્સ 2026માં મેડલની રેસમાં ભારતનું ખાતું ખોલ્યું છે. ગ્લાસગોમાં ચાલી રહેલી ગેમમાં ભારતના પેરા એથલેટિક્સ ઝંડુ કુમારે બ્રોન્ઝ મેડલ પોતાને નામ કરી ભારતનું ખાતું ખોલ્યું હતુ. પાવરલિફ્ટિંગના હેવીવેટ કેટેગરીમાં ભારતીય લિફ્ટર ઝંડુ કુમારે શાનદાર પ્રદર્શન કર્યું છે અને 130.9 પોઈન્ટની સાથે ત્રીજું સ્થાન મેળવ્યું હતુ.આ સાથે બ્રોન્ઝ મેડલ જીત્યો છે. બિહારથી આવનાર 28 વર્ષના ઝંડુ કુમારને 5 વર્ષની ઉંમરમાં પોલિયો થયો હતો. જેના કારણે તે જિંદગીભર માટે દિવ્યાંગ થયો હતો. પરંતુ તેમ છતાં તેમણે દેશ માટે મેડલ જીતી ઈતિહાસ રચ્યો હતો.

ગ્લાસગોમાં 23 જુલાઈથી શરુ થઈ રહેલી કોમનવેલ્થ ગેમ્સના પહેલા દિવસે તો ઓપનિંગ સેરેમની રહી હતી. પરંતુ રીએલ એક્શનનો પહેલો દિવસ 24 જુલાઈના રોજ થઈ રહ્યો છે. જેનાથી અનેક મેડલ ઈવેન્ટ હતી. ભારતીય ખેલાડીઓએ મોટાભાગની પેરા ગેમ્સમાં મેડલમાં દાવેદારી રજુ કરી હતી. જેમાં મહિલા અને પુરુષની પાવરલિફ્ટિંગ ઈવેન્ટમાં ભારતીય એથલીટને પડકાર ફેક્યો હતો. પરંતુ શરુઆતની 3 ઈવેન્ટમાં નિરાશા મળી હતી. ત્યારબાદ અંતે ભારતને પાવરલિફ્ટિંગ ઈવેન્ટમાં સાચી સફળતા મળી હતી.

ગોલ્ડ મેડલથી ચૂક્યો પરંતુ ખાતું ખોલ્યું

પાવરલિફ્ટિંગના હેવીવેટ ઈવેન્ટમાં ભારતના નેશનલ રેકોર્ડ કરનાર ઝંડુ કુમાર પાસે ખુબ મોટી આશા હતી. તેમણે નિરાશ પણ કર્યા ન હતા. તેમણે ગ્રુપ-બીમાં અન્ય લિફ્ટર સાથે સ્થાન મળ્યું હતુ. તેમણે આ ઈવેન્ટની શરુઆત કરી હતી. ઝંડુએ પોતાના પહેલા પ્રયાસમાં 181 કિલોગ્રામ વજન ઉઠાવ્યું હતુ. તેને 124.7 પોઈન્ટ મળ્યા હતા. બીજા પ્રયાસમાં શાનદાર પ્રદર્શન કરી 190 કિલોગ્રામનો વજન ઉચક્યું હતુ.જેનાથી તેનો સ્કોર 130.9 પોઈન્ટ થયો હતો. ત્રીજા પ્રયાસમાં 196 કિલો ઉઠાવવાથી ચૂક્યો હતો પરંતુ 130.9 પોઈન્ટની સાથે લાંબા સમય સુધી પહેલા સ્થાને રહ્યા હતા.

Jhandu Kumar finishes at the top in group stage of para powerlifting

Huge respect to you Sir#CWG2026 #TeamIndia #Cheer4Bharat pic.twitter.com/gjwFcGZVr5

— Varsha RAJ‍♀️ (@VR__VarshaRaj) July 24, 2026

ત્યારબાદ ગ્રુપ એના ખેલાડીનો વારો આવ્યો અહી 2 લિફ્ટર એવા આવ્યા જેમણે ભારતીય ખેલાડીને પાછળ છોડ્યો હતો.

પોલિયોથી લઈને શાકભાજી વેચવા સુધી, તેણે બધું સહન કર્યું

ઝાંડુ કુમાર ભલે ગોલ્ડ મેડલ જીતવાથી ચૂકી ગયો હોય, પરંતુ તેણે બ્રોન્ઝ જીતીને ઇતિહાસમાં પોતાનું નામ અંકિત કરી દીધું. આ બ્રોન્ઝ ખાસ છે કારણ કે તેણે જે સફર સહન કરી તે પ્રેરણાદાયક છે. બિહારના હરનૌતના રહેવાસી, ઝાંડુ કુમારને માત્ર 5 વર્ષની ઉંમરે પોલિયો થયો હતો, જેના કારણે તેના બંને પગ અપંગ થઈ ગયા હતા. તે નાની ઉંમરથી જ આ રોગ સામે લડી રહ્યો હતો. જો તે પૂરતું ન હતું, તો ગરીબીની કષ્ટ બીજી હતી.

તેણે પોતાના પરિવારનું ગુજરાન ચલાવવા માટે શાકભાજી વેચવાનો પણ આશરો લેવો પડ્યો. સતત કામ કરવા છતાં જ્યારે તેની પરિસ્થિતિમાં સુધારો ન થયો, ત્યારે તેણે ઈ-રિક્ષા ચલાવીને પોતાની આવક વધારવાનો પ્રયાસ કર્યો. આ સમય દરમિયાન, તેણે ખૂબ કસરત પણ કરી, તેના શરીરને મજબૂત બનાવ્યું. બિહારના એક રમતગમત સચિવે તેને પાવરલિફ્ટિંગ અપનાવવાની સલાહ આપી, જેનાથી તેનું જીવન બદલાઈ ગયું. જો કે, આ સમય દરમિયાન પણ, નાણાકીય મુશ્કેલીઓએ તેને પરેશાન કરી અને રાષ્ટ્રીય રમતોમાં ભાગ લેવા માટે તેણે પોતાની રિક્ષા વેચવી પડી.

કોમનવેલ્થ ગેમ્સ દર ચાર વર્ષે યોજાયેલી એક આંતરરાષ્ટ્રીય મલ્ટી-સ્પોર્ટ ઇવેન્ટ છે અને તેમાં કોમનવેલ્થ દેશોના ખેલાડીઓ ભાગ લે છે. અહી ક્લિક કરો