Breaking News : FIFA World Cupમાં અમેરિકાની દાદાગીરી સામે આવી, ઈરાનના ચાહકોની ટિકિટ રદ, રેફરીની ‘નો એન્ટ્રી’
અમેરિકામાં પહેલી વખત ફીફા વર્લ્ડકપનું આયોજન થઈ રહ્યું છે. જેને લઈ છેલ્લા કેટલાક મહિનાથી ઉત્સુકતા હતા પરંતુ હવે ધીમે ધીમે ટ્રમ્પ સરકારની નીતિઓના કારણે વીઝા સંબંધિત વિવાદનો ડર જોવા મળી રહ્યો છે.
FIFA World Cup 2026 Visa Controversy : દુનિયાની સૌથી ફેમસ ટૂનામેન્ટ હવે 2 દિવસમાં શરુ થશે. જેને લઈ લોકોમાં ઉત્સાહ છે આ વચ્ચે કોન્ટ્રવર્સી પણ સામે આવી રહી છે. અમેરિકા,મેક્સિકો અને કેનેડામાં થવા જઈ રહેલા રમત ગમતની સૌથી મોટી ટૂર્નામેન્ટ ફીફા વર્લ્ડકપ 2026ની શરુઆત 11 જૂનથી થવા જઈ રહી છે પરંતુ હાલત દરરોજ આનાથી જોડાયેલા વિવાદો સામે આવી રહ્યા છે. વિવાદનો સોર્સ ટૂર્નામેન્ટની સૌથી મોટું યજમાન અમેરિકા છે. જેમણે ઈરાન ફુટબોલ ટીમ, જેના અધિકારીઓ અને ચાહકોની વીઝા નીતિઓથી પેરશાન કરવામાં આવી રહ્યા છે. આ સાથે અન્ય દેશના ખેલાડીઓ,ચાહકો અને મીડિયાકર્મિઓને પણ ટૂર્નામેન્ટ માટે આવવા પર પ્રતિબંધ લગાવી દીધો છે.
ઈરાની ટીમ-અધિકારીઓને લાગ્યો મોટો ઝટકો
આ મામલામાં સૈથી મોટી ઘટના ઈરાની ચાહકોને મળેલી ટિકિટ રદ થવાની છે. ઈરાનની સાથે ચાલી રહેલા રાજનીતિક તણાવ અને યુદ્ધના કારણે અમેરિકાએ પહેલા જ ઈરાન ફુટબોલ ટીમના દેશમાં આવવા પર પ્રતિબંધ લગાવ્યો છે. જેના કારણે ટીમ માત્ર મેચના થોડા કલાકો પહેલા અમેરિકામાં એન્ટ્રી કરશે અને તરત મેક્સિકો રવાના થઈ જશે. જ્યાં ઈરાનની ટીમે પોતાનો બેઝ કેમ્પ બનાવ્યો છે જ્યારે તેમણે ગ્રુપ સ્ટેજની 3 મેચ અમેરિકામાં જ રમવાની છે. પરંતુ જે લોકોનું પ્રતિનિધિત્વ ઈરાનના ખેલાડીઓ કરશે. તેને જોવાની પરવાનગી આપશે નહી.
ઈરાન ફુટબોલ ફેડરેશન 9 જૂનના રોજ એક નિવેદનમાં ખુલાસો કર્યો કે, અમેરિકાએ તેના ચાહકો માટે ગુપ સ્ટેજ મેચની ટિકિટ પાછી ખેંચી લીધી છે.ફીફા દ્વારા ટૂર્નામેન્ટમાં ભાગ લેવા આવનાર દરેક દેશના ચાહકો માટે 8 ટકા ટિકિટ ફેડરેશન ઉપલબ્ધ કરાવે છે. પરંતુ ઈરાની ફેડરેશને આરોપ લગાવ્યો કે, તેમને આપવામાં આવેલી ટિકિટ અમેરિકાએ અચાનક રદ કરી છે. જેને લઈ ઈરાનના ચાહકો સ્ટેડિયમમાં પોતાની ટીમને સમર્થન કરવા પહોંચશે નહી. આ પહેલા અમેરિકાએ ફેડરેશનના અધ્યક્ષ મેહદી તાઝ સહિત ટીમના સપોર્ટ સ્ટાક,ડોક્ટરો અને કોચના વીઝા પણ અંત સમયે રદ કર્યા છે.
રેફરીની નો એન્ટ્રી
અમેરિકાએ આ ભેદભાવની નીતિ અને વર્તનનો શિકાર માત્ર ઈરાનના ખેલાડીઓ, અધિકારી અને ચાહકો જ નથી રહ્યા પરંતુ એક રેફરીએ પણ આ મુશ્કેલીનો સામનો કર્યો છે. ટૂર્નામેન્ટમાં અનેક મેચની જવાબદારી સંભાળવા માટે ફીફા દ્વારા પંસદ કરાયેલા સોમાલિયાના એકમાત્ર ઓમર અર્ટાનનેમાન્યને વિઝા ન હોવાના કારણે અમેરિકામાં એન્ટ્રી મળી નહી.
