Asian Games 2023 : રોહન બોપન્નાએ ગોલ્ડ સાથે તેની સફરનો અંત કર્યો, રુતુજા ભોસલે સાથે ભારતને અપાવી જીત
રોહન બોપન્નાની આ કદાચ છેલ્લી એશિયન ગેમ્સ છે અને તેથી તેણે આ ગેમ્સનો અંત ગોલ્ડ મેડલ સાથે કર્યો છે. બોપન્નાએ તાજેતરમાં જ તેનો છેલ્લો ડેવિસ કપ પણ રમ્યો હતો અને ત્યારથી એવી અટકળો શરૂ થઈ હતી કે તે ટૂંક સમયમાં નિવૃત્ત થઈ શકે છે. જોકે આ અંગે હજી કોઈ જાહેરાત થઈ નથી. પરંતુ રૂતુજા ભોસલે સાથે જોડી બનાવી રોહન બોપન્નાએ ગોલ્ડ જીતી ભારત માટે વધુ એક ગોલ્ડ ચોક્કથી જીતી લીધો છે.
ભારતીય શૂટરોએ ચીનમાં ચાલી રહેલી એશિયન ગેમ્સ 2023 (Asian Games 2023)માં મેડલ જીતવાનું લક્ષ્ય રાખ્યું હતું. હવે ભારતે ટેનિસમાં પણ ગોલ્ડ મેડલ જીત્યો છે. રોહન બોપન્ના (Rohan Bopanna) અને રૂતુજા ભોસલેની ભારતની જોડીએ શનિવારે ફાઈનલમાં ચાઈનીઝ તાઈપેઈની જોડીને હરાવીને મિક્સ ડબલ્સમાં ગોલ્ડ મેડલ (Gold) જીત્યો હતો.
ચાઈનીઝ તાઈપેઈની જોડીને ફાઈનલમાં હરાવી
આ ભારતીય જોડીએ ફાઈનલમાં એન શુઓ લિયાંગ અને સુંગ હાઓ હુઆંગની જોડીને હરાવીને મેડલ જીત્યો હતો. ભારતીય જોડીએ મેચ 2-6, 6-3, (10-4)થી જીતી લીધી હતી. ચાઈનીઝ તાઈપેઈની જોડીએ ભારતીય જોડીને જોરદાર ટક્કર આપી હતી અને ટાઈ બ્રેકરમાં ભારતનો વિજય થયો હતો.
!
mixed doubles duo, @RutujaBhosale12 and #TOPSchemeAthlete @rohanbopanna have clinched GOLD, showcasing their unmatched talent and teamwork on the world stage.
Let’s applaud their remarkable victory at the #AsianGames2022 with pride and passion!… pic.twitter.com/kpZs1JcLq4
— SAI Media (@Media_SAI) September 30, 2023
પહેલા સેટમાં હાર બાદ જોરદાર કમબેક કરી જીત્યો ગોલ્ડ
ભારતીય જોડીને પહેલા સેટમાં હારનો સામનો કરવો પડ્યો હતો. બોપન્ના અને રૂતુજાની જોડી પ્રથમ સેટમાં સંપૂર્ણપણે નિષ્ફળ રહી હતી અને ચાઈનીઝ તાઈપેઈની જોડીએ પ્રથમ સેટ 6-2થી સરળતાથી જીતી લીધો હતો. પરંતુ બોપન્નાએ પોતાના અનુભવનો ઉપયોગ કર્યો અને પુનરાગમન કર્યું. ભારતીય જોડીએ બીજો સેટ 6-3થી જીત્યો હતો.
બોપન્નાએ તેના અનુભવનો લાભ લીધો
ત્રીજો સેટ પણ શાનદાર રહ્યો હતો અને બંને ટીમોએ શાનદાર ટેનિસ રમી હતી. આ સેટ એટલો અઘરો હતો કે ટાઈ બ્રેકરમાં નિર્ણય લેવામાં આવ્યો હતો જ્યાં ભારતીય જોડીએ જીત મેળવીને ભારત માટે મેડલ જીત્યો હતો. જ્યારે બોપન્નાએ તેના અનુભવનો લાભ લીધો હતો, તો રુતુજાએ પણ સમયાંતરે તેની રમતમાં સુધારો કરીને ટીમને મદદ કરી હતી જીતમાં નોંધપાત્ર યોગદાન આપ્યું હતું.
આ પણ વાંચો : Asian Games 2023 : સ્ક્વોશમાં ભારતે પાકિસ્તાનને હરાવી ગોલ્ડ મેડલ જીત્યો
2002 પછી એશિયન ગેમ્સમાં ટેનિસમાં ભારતનું સૌથી ખરાબ પ્રદર્શન
ભારતે આ વર્ષે આ ગેમ્સમાં ટેનિસમાં માત્ર બે મેડલ જીત્યા છે. 2002 પછી એશિયન ગેમ્સમાં ટેનિસમાં ભારતનું આ સૌથી ખરાબ પ્રદર્શન છે. વર્ષ 2002માં, ભારતીય ટેનિસ ટીમ બુસાનમાં યોજાયેલી એશિયન ગેમ્સમાં ચાર મેડલ સાથે પરત ફરી હતી. ભારતીય ટીમે દોહા-2006માં ચાર મેડલ જીત્યા હતા, 2010માં રમાયેલી એશિયન ગેમ્સમાં આ સંખ્યા વધીને પાંચ થઈ હતી. જ્યારે 2014માં ભારતે ટેનિસમાં પાંચ અને 2018માં જકાર્તામાં ત્રણ મેડલ જીત્યા હતા. આ વખતે ભારતે ડબલ્સમાં તમામ મેડલ જીત્યા છે. સિંગલ્સમાં કોઈ ભારતીય ખેલાડી મેડલ જીતી શક્યો નથી. અંકિતા રૈનાએ વિમેન્સ સિંગલ્સમાં અને સુમિત નાગલે મેન્સ સિંગલ્સમાં નિરાશ કર્યા હતા.
Published On - 5:51 pm, Sat, 30 September 23