એશિયન બેડમિન્ટન ચેમ્પિયનશિપ: મેન્સ ડબલ્સ કેટેગરીમાં ચિરાગ-સાત્વિકની જોડીએ સેમિફાઈનલમાં પહોંચી રચ્યો ઈતિહાસ
એશિયન બેડમિન્ટન ચેમ્પિયનશિપની મેન્સ ડબલ્સ કેટેગરીમાં ચિરાગ-સાત્વિકની જોડીએ સેમિફાઇનલમાં પહોંચીને 52 વર્ષ બાદ ઇતિહાસનું પુનરાવર્તન કર્યુ હતુ. ક્વાર્ટર ફાઇનલમાં સીધા સેટમાં 21-11, 21-12 થી ભારતીય જોડીએ જીત મેળવી હતી.
ચિરાગ શેટ્ટી અને સાત્વિક સાઈરાજ રેંકીરેડ્ડીની જોડીએ શુક્રવારે રાત્રે એશિયન બેડમિન્ટન ચેમ્પિયનશિપમાં 52 વર્ષ જૂના ઇતિહાસનું પુનરાવર્તન કર્યું છે. આ જોડીએ 1971 બાદ ભારત માટે આ ટુર્નામેન્ટમાં મેન્સ ડબલ્સ કેટેગરીમાં મેડલ પાકો કર્યો છે. આ પહેલા 1971માં દીપૂ ઘોષ અને રમન ઘોષની જોડીએ જકાર્તામાં ટુર્નામેન્ટની મેન્સ ડબલ્સનો બ્રોન્ઝ જીત્યો હતો. ભારતીય જોડી તેની સેમિફાઇનલ મેચ શનિવારે સાંજે લી-વાંગની જોડી સામે રમશે.
ઈન્ડોનેશિયાની જોડી સામે સીધા સેટમાં જીતી મેચ
દુબઇમાં ચાલી રહેલી પ્રતિયોગિતામાં ભારતીય જોડીએ ક્વાર્ટર ફાઇનલમાં ઇન્ડોનેશિયાના મોહમ્મદ અહસાન અને હેંડ્રા સેતિયાવાનની જોડીને સીધી ગેમમાં 21-11, 21-12 થી માત આપી હતી. બંને ભારતીય સ્ટાર બેડમિન્ટન ખેલાડીઓએ સેમિફાઇનલમાં પ્રવેશ સાથે મેડલ પાકો કરી લીધો છે. બેડમિન્ટનની આ ટુર્નામેન્ટમાં સેમિફાઇનલમાં હાર મેળવનાર ખેલાડીને બ્રોન્ઝ મેડલ મળતો હોય છે. એટલે જો ભારતીય જોડી સેમિફાઇનલમાં હારી જાઇ છે તો પણ બ્રોન્ઝ મેડલ સાથે ભારતીય જોડી પરત ફરશે. આજે શનિવારે સેમિફાઇનલમાં ભારતીય જોડી લી-વેંગની જોડી સામે રમશે.
SEMIFINAL SATURDAYYYYYY
All the best boys @himantabiswa | @sanjay091968 | @lakhaniarun1 #BAC2023#IndiaontheRise#Badminton pic.twitter.com/UnxGqVSp7V
— BAI Media (@BAI_Media) April 29, 2023
સિંગલ્સ કેટેગરીમાં પીવી સિંધુ અને એચએસ પ્રણોય ક્વાર્ટર ફાઇનલમાં હારીને બહાર થઇ ગયા હતા. મિક્સડ ડબલ્સ કેટેગરીમાં રોહન કપૂર અને સિક્કી રેડ્ડી પણ હારીને બહાર થઇ ગયા હતા.
HISTORY SCRIPTED
➡️ Sat-Chi assured medal for India after 52 years in MD category ➡️ Medal from Indian doubles department after 9 years
Well done boys, proud of you! @himantabiswa | @sanjay091968 | @lakhaniarun1 #BAC2023#IndiaontheRise#Badminton pic.twitter.com/dz5dG4n7Xe
— BAI Media (@BAI_Media) April 28, 2023
પીવી સિંધુ 3 સેટમાં હારી
સિંધુએ પ્રથમ ગેમમાં 21-18 થી બાજી મારી હતી પણ આગામી બે સેટમાં તે સંપૂર્ણ રીતે આઉટ ઓફ ફોર્મ હતી. તે 5-21 9-21 સતત બે સેટમાં હારી ગઇ હતી અને યંગને સેમિફાઇનલમાં જગ્યા મળી હતી.
એચએસ પ્રણોય ઈજાગ્રસ્ત
વિશ્વ રેંકિંગમાં 8માં સ્થાન પર એચએસ પ્રણોય મેન્સ સિંગલ્સ કેટેગરીમાં ક્વાર્ટર ફાઇનલમાં જાપાનના કાંતા સુનેયામા સામે પોતાની મેચને વચ્ચેથી છોડીને ટુર્નામેન્ટમાંથી બહાર થઇ ગયો હતો. પ્રણોય 11-21 9-13 થી મેચમાં પાછળ ચાલી રહ્યો હતો, જ્યારે તે ઇજાના કારણે રિટાયર થઇ ગયો હતો.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…
