IPLમાં ભારતીય કોચને મોકાનો અભાવ એ દુર્ભાગ્યપુર્ણ બાબત: અનિલ કુંબલે

Indian Premier Leagueમાં કુલ 8 ટીમ ભાગ લઇ રહી છે. પરંતુ માત્ર એક ટીમમાં જ ભારતીય કોચ સામેલ છે. ટુર્નામેન્ટમાં રમતી આઠ ફ્રેન્ચાઇઝી ટીમોમાં એક માત્ર ભારતીય મુખ્ય કોચ અનિલ કુંબલે માને છે કે લીગમાં ઓછા ભારતીય કોચને રાખવા તે યોગ્ય નથી. હાલમાં ફક્ત કિંગ્સ ઇલેવન પંજાબ એકમાત્ર એવી ટીમ છે કે જેના મુખ્ય કોચની જવાબદારી ભારતીયની કોચની છે. કુંબલેએ મંગળવારે કહ્યું કે, ‘હું IPLમાં વધુ ભારતીય કોચ ને જોવા માંગુ છુ. મુખ્ય કોચ તરીકે માત્ર એક જ ભારતીય હોવુ એ મારા માટે એક વિટંબણાં છે. જોકે મને લાગે છે કે એક સમયે ભારતીય કોચની સંખ્યા વધારે હોઇ શકે છે.’

ટુર્નામેન્ટમાં રમનારી કિંગ્સ ઇલેવન પંજાબને બાદ કરતાં ઓસ્ટ્રેલિયા, ન્યુઝીલેન્ડ અને શ્રીલંકાના ભૂતપૂર્વ દિગ્ગજ ખેલાડીઓની બાકીની સાત ટીમોમાં મુખ્ય કોચ તરીકે પસંદગી કરવામાં આવી છે. કિંગ્સ ઇલેવન પંજાબના કોચ અનિલ કુંબલે સિવાય IPLની સીઝન સાથે સંકળાયેલા કોચમાં રિકી પોન્ટિંગ (દિલ્હી કેપિટલ્સ), બ્રાન્ડન મૈકુલમ (કોલકાતા નાઈટ રાઇડર્સ), સ્ટીફન ફ્લેમિંગ (ચેન્નાઈ સુપર કિંગ્સ), માહેલા જયવર્દને (મુંબઇ ઇન્ડિયન્સ), ટ્રેવર બેલીસ (સનરાઇઝર્સ હૈદરાબાદ) છે. સાયમન કૈટિચ (રોયલ ચેલેન્જર્સ બેંગ્લોર) અને ઐંડ્યુ મેકડોનાલ્ડ (રાજસ્થાન રોયલ્સ) ના મુખ્ય કોચ પસંદ કરાયા જે ભારતીય નથી.