IPL 2020 માટે લોન્ચ થઈ રાજસ્થાન રોયલ્સની જર્સી, ખાસ અંદાઝમાં બતાવવામાં આવી ઝલક, જુઓ VIDEO

ઈન્ડિયન પ્રીમિયર લીગની નવી સિઝનની શરૂઆતમાં હવે માત્ર થોડા દિવસ જ બાકી છે. લીગની તમામ 8 ટીમ જોરશોરથી પોતાની તૈયારીઓમાં લાગી છે અને પ્રેક્ટિસ સેશનમાં ખેલાડી પરસેવો પાડી રહ્યા છે. તેની સાથે જ ફ્રેન્ચાઈઝી દરેક સિઝનની જેમ આ સિઝન માટે પણ પોતાના નવા રંગ-રૂપમાં દેખાવાની તૈયારીઓ કરી રહી છે. તેના માટે તમામ ટીમો પોતાની નવી જર્સી લોન્ચ કરી રહી છે અને હવે પૂર્વ ચેમ્પિયન રાજસ્થાન રોયલ્સે પણ એક ખાસ અંદાઝમાં આઈપીએલ 2020 માટે પોતાની નવી જર્સી લોન્ચ કરી દીધી છે.

https://twitter.com/rajasthanroyals/status/1303695242873298944?s=20

UAEમાં 19 સપ્ટેમ્બરથી શરૂ થઈ રહેલી IPLની 13મી સિઝન માટે રાજસ્થાન રોયલ્સની ટીમ તૈયારીઓમાં લાગી છે. દુબઈમાં 9 સપ્ટેમ્બરે ટીમે નવી સિઝન માટે પોતાની નવી જર્સી લોન્ચ કરી. જર્સી લોન્ચ માટે RRના તમામ ખેલાડીઓને ટ્રેનિંગ સેશન પછી દુબઈના જાણીતા બીચ પર લઈ જવામાં આવ્યા. જ્યાં તમામ મોજ મસ્તીમાં વ્યસ્ત હતા. ત્યારે ટીમના યુવા ખેલાડી રિયાન પરાગ સિવાય કોઈને પણ અંદાઝો નહતો કે ટીમની નવી જર્સી લોન્ચ થવાની છે. તેની વચ્ચે એક ખેલાડીએ આકાશમાંથી એક સ્કાઈડાઈવર દેખ્યો, જે ધીરે-ધીરે રાજસ્થાનની ટીમ તરફ ઉતરી રહ્યો હતો.

સ્કાઈડાઈવરે ખેલાડીઓની પાસે ઉતર્યા બાદ એક બેગ નીચ મુકી અને રિયાન પરાગને પોતાની પાસે બોલાવ્યો. રિયાને બેગમાંથી પોતાની ટીમની નવી સિઝનની નવી જર્સી કાઢી. તેમને એક-એક જર્સી ડેવિડ મિલર અને રોબિન ઉથપ્પાને પણ આપી. આ અનોખા અંદાઝમાં નવી જર્સી લોન્ચ કરીને ખેલાડીઓને હેરાન કરી દીધા. રાજસ્થાન રોયલ્સે તેનો વીડિયો પોતાના સોશિયલ મીડિયા પર પણ શેયર કર્યો છે. જર્સીમાં ફ્રેન્ચાઈઝીના મુખ્ય સ્પોન્સર TV9 ભારતવર્ષને પણ ખાસ જગ્યા આપવામાં આવી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો