IPL 2020નાં હાલનાં ચેમ્પિયન મુંબઈ ઈન્ડિયન્સનાં કોચ મહેલા જયવર્ધનેનાં જણાવ્યા અનુસાર શનિવારથી શરૂ થઈ રહેલી IPLની 13મી સિઝનમાં કેપ્ટન રોહિત શર્મા અને ડી કોક ઓપનીંગ કરીને શરૂઆત યથાવત રાખશે. મુંબઈ ઈન્ડિયન્સનાં કેમ્પ અબુધાબીમાં છે જ્યાં ટીમે 14 લીગ મેચમાંથી 8 મેચ રમવાની છે એમાં 19 સપ્ટેમ્બરે ચેન્નાઈ સુપર કિંગ્સ વિરૂદ્ધ રમાનારી લીગની પહેલી મેચનો સમાવેશ થાય છે.
‘લિન સારો વિકલ્પ, પણ સેટ જોડી સાથે કોઈ છેડછાડ નહી’
જયવર્દનેએ આપેલી માહિતિ મુજબ મુંબઈ ઈન્ડિયન્સ પાસે ઓસ્ટ્રલિયાનાં ઓપનર ક્રિસ લિન પણ છે જેની પાસે થી પણ ટીમ ઓપનીંગ કરાવી શકે છે, જો કે તે એક સારો વિકલ્પ છે પરંતુ હાલમાં જે જોડી સેટ થઈ ગઈ છે તેની સાચે છેડખાની બરાબર નથી. રોહિત અને કોકની જોડીએ પાછલી સિઝનમાં ખુબ સારૂ કામ કર્યું છે અને બંને એકબીજાથી પરિચિત પણ છે, કેપ્ટન પણ છે એટલે તમે શું કામ એ વસ્તુ સારી કરવા માગો છો કે જે બગડી જ નથી.
‘ટીમની જરૂર પ્રમાણે બેટીંગ કરીશ’
રોહિત પાછલા વર્ષોમાં મુંબઈ માટે નંબર 3 અને 4 પર પણ બેટીંગ કરી ચુક્યા છે, તેમનુે કહેવું છે કે ટોપ ઓર્ડરમાં બેટીંગ કરવાની મજા જ અલગ છે. 4 વાર IPLનું ટાઈટલ જીતનારા રોહિતે કહ્યું પાછલી સિઝનમાં મે ઓપનીંગ જ કર્યું છે અને આ વખતે પણ તે જારી રહશે. ટીમ જે કરવા માગશે તે સાથે સહમત રહીશ. રોહિત અને ડી કોકે પાછલી સિઝનમાં 16 મેચમાંથી 15 મેચમાં ઈનીંગની શરૂઆત કરી હતી અને ટીમ ચોથી વાર ચેમ્પિયન બની હતી. બંનેએ મળીને 37.66ની એવરેજ સાથે પાંચ અડધી સદીની મદદથી 565 રન બનાવ્યા હતા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો