IND vs SA: આજે ભારતીય ટીમની થશે પસંદગી, ઓપનર પર સસ્પેન્સ!

સાઉથ આફ્રિકાની સામે 2 ઓક્ટોબરથી શરૂ થનારી 2 મેચની ટેસ્ટ સીરીઝ માટે આજે ભારતીય ટીમની પસંદગી થશે. તાજેતરમાં જ વેસ્ટ ઈન્ડિઝની સામે ટેસ્ટ સીરીઝ 2-0થી જીતનારી ટીમમાં ફેરફાર થવાની શક્યતા ઓછી છે.

ત્યારે ઓપનર કે.એલ.રાહુલની જગ્યાએ રોહિત શર્માને ટીમમાં તક આપવામાં આવી શકે છે. રાહુલ વેસ્ટ ઈન્ડિઝ પ્રવાસ પર રન બનાવવા માટે સંઘર્ષ કરતા જોવા મળ્યા હતા. મયંક અગ્રવાલની પસંદગી લગભગ નક્કી માનવામાં આવી રહી છે પણ બીજા ઓપનર પર લોકેશ રાહુલની જગ્યા પર જોખમ જોવા મળી રહ્યું છે.

છેલ્લા એક વર્ષમાં અડધી સદી પણ નહી બનાવનારા રાહુલની જગ્યા લેવા માટે રોહિત શર્માની સાથે જ બંગાળના અભિમન્યૂ ઈશ્વરન અને પંજાબના શુભમન ગિલ પણ પ્રબળ દાવેદાર છે. ત્યારે ઓપનર તરીકે શિખર ધવનની પસંદગી કરવામાં આવે તો આ પસંદગીકારોનો સરપ્રાઈઝ કરનારો નિર્ણય હશે.

રોહિત શર્માની પસંદગી વેસ્ટ ઈન્ડિઝ પ્રવાસ પર 2 મેચની ટેસ્ટ સીરીઝમાં થઈ હતી પણ મિડલ ઓર્ડર બેટ્સમેન તરીકે. મિડલ ઓર્ડરમાં અજિંક્ય રહાણે અને હનુમા વિહારીના શાનદાર પ્રદર્શનના કારણે રોહિતને એક પણ ટેસ્ટમાં રમવાની તક મળી નહતી. રોહિત શર્માએ છેલ્લી ટેસ્ટ ગયા વર્ષે ઓસ્ટ્રેલિયાની સામે મેલબોર્નમાં રમી હતી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]