કાનપુર ટેસ્ટના (Kanpur test match) બીજા દિવસે શ્રેયસ અય્યરનું (shreyas iyer) સપનું પૂરું થયું જે તેણે અને તેના પરિવારે જોયું હતું. શ્રેયસ અય્યરે ગ્રીન પાર્ક સ્ટેડિયમમાં પોતાની ડેબ્યૂ ટેસ્ટમાં શાનદાર સદી ફટકારી હતી. શ્રેયસ અય્યરે ન્યૂઝીલેન્ડ સામે 105 રન બનાવ્યા હતા. શ્રેયસ અય્યરે પોતાની ઈનિંગમાં 2 સિક્સ અને 13 ફોર ફટકારી હતી.
આ જમણા હાથના બેટ્સમેને આ ઈનિંગના બળ પર સાબિત કર્યું છે કે તે ટેસ્ટ ફોર્મેટમાં પણ શાનદાર પ્રદર્શન કરી શકે છે. હવે શ્રેયસ અય્યરના અદભૂત કામને દુનિયા પણ સલામ કરી રહી છે. T20 કેપ્ટન રોહિત શર્માએ પણ શ્રેયસ અય્યરને શાનદાર રીતે સદી ફટકારવા બદલ અભિનંદન પાઠવ્યા છે.
શ્રેયસ અય્યરની સદી બાદ રોહિત શર્માએ તેના ઈન્સ્ટાગ્રામ પર એક ડાન્સ વીડિયો પોસ્ટ કર્યો છે. જેમાં તે શ્રેયસ અય્યર અને શાર્દુલ ઠાકુર સાથે ડાન્સ કરી રહ્યો છે. રોહિત શર્માએ વીડિયોમાં કેપ્શન લખ્યું, ‘ખૂબ સરસ શ્રેયસ અય્યર. દરેક યોગ્ય ચાલ માટે.
એપ્રિલમાં ખભાની ઈજાને કારણે ટીમ ઈન્ડિયાની બહાર થઈ ગયેલા શ્રેયસ અય્યરે ખરેખર સારું પ્રદર્શન કર્યું છે. ઈજા બાદ તેને દિલ્હી કેપિટલ્સની કેપ્ટનશીપ ગુમાવવી પડી હતી. આટલું જ નહીં તેને T20 વર્લ્ડ કપની ટીમમાં પણ જગ્યા મળી નથી. પરંતુ અય્યરે હાર ન માની. આ ખેલાડીને ટેસ્ટ ફોર્મેટમાં તક મળતા જ તેણે સદી ફટકારી દીધી હતી.
શ્રેયસ અય્યર ડેબ્યૂ ટેસ્ટમાં સદી ફટકારનાર 16મો ભારતીય બેટ્સમેન છે. છેલ્લી વખત આ કારનામું પૃથ્વી શૉએ વેસ્ટ ઈન્ડિઝ સામે કર્યું હતું. તેણે પોતાની ડેબ્યૂ ટેસ્ટમાં સદી પણ ફટકારી હતી. અય્યર ન્યૂઝીલેન્ડ સામે ડેબ્યૂ સદી ફટકારનાર ત્રીજો ભારતીય ખેલાડી છે. અય્યર સિવાય એજી ક્રિપાલ અને સુરિન્દર અમરનાથે ન્યૂઝીલેન્ડ સામે ડેબ્યૂ ટેસ્ટમાં સદી ફટકારી હતી. શ્રેયસ અય્યરે સદી ફટકારી હતી, પરંતુ ટીમ ઈન્ડિયા બીજા દિવસે મોટા સ્કોર સુધી પહોંચી શકી નહોતી.
રવિન્દ્ર જાડેજા તેના સ્કોરમાં એક પણ રન ઉમેરી શક્યો ન હતો અને 50 રન બનાવીને આઉટ થયો હતો. અય્યર પણ સદી ફટકારતાની સાથે જ 105 રન બનાવી સાઉદીનો શિકાર બન્યો હતો. અશ્વિને ચોક્કસપણે 38 રનની ઈનિંગ રમી હતી. પરંતુ સાહા અને અક્ષર માત્ર 1 અને 3 રન બનાવીને પેવેલિયન પરત ફર્યા હતા. ભારતીય ટીમ પ્રથમ દાવમાં માત્ર 345 રન જ બનાવી શકી હતી.
આ પણ વાંચો : 83 Teaser Out : ભારતીય ક્રિકેટની ઐતિહાસિક ક્ષણની ઝલક, રણવીર સિંહની આ ફિલ્મનું ટ્રેલર આ દિવસે થશે રિલીઝ
આ પણ વાંચો : Birthday Special : લગ્ન વગર પિતા બની ચૂક્યો છે અર્જુન રામપાલ, ગેબ્રિએલા સાથે આ રીતે થયો હતો પ્રેમ