World Cup 2019: પ્રથમ સેમિફાઈનલમાં ન્યૂઝીલેન્ડ-ભારતમાંથી કોનો કેપ્ટન વધુ હોશિયાર? જાણો નંબરનું ગણિત

ICC વિશ્વ કપ 2019ની પ્રથમ સેમીફાઈનલ મેચમાં 2 વખત ચેમ્પિયન રહી ચુકેલી ભારતીય ટીમ અને છેલ્લી સિઝનમાં રનર અપ રહેલી ન્યૂઝીલેન્ડની ટીમ વચ્ચે આજે ઓલ્ડ ટ્રેફર્ડ મેદાનમાં મેચ યોજાશે. ભારતે આ ટૂર્નામેન્ટમાં માત્ર એક જ ટીમ સામે હારીને સેમીફાઈનલમાં પોતાની જગ્યા બનાવી છે.

ત્યારે ન્યૂઝીલેન્ડને લીગ મેચોમાં સતત 3 હાર મળી ચૂકી છે. વરસાદના કારણે ભારત અને ન્યૂઝીલેન્ડની મેચ રદ થઈ હતી. ત્યારે બંને ટીમોના કેપ્ટનની વાત કરવામાં આવે તો ભારતીય ટીમના કેપ્ટન વિરાટ કોહલી ન્યૂઝીલેન્ડના કેપ્ટન કેન વિલિયમસન પર ભારે પડે છે.

વિરાટ કોહલીએ 76 વન-ડે મેચમાં કેપ્ટનશીપ કરી છે. જેમાંથી તેમને 56 મેચમાં જીત મળી છે અને 18 મેચમાં હારનો સામનો કરવો પડ્યો છે. જ્યારે 1 મેચ ડ્રો અને એક મેચનું પરિણામ આવ્યું નથી. તેથી વિરાટ કોહલીની જીતવાની ટકાવારી 73.68 ટકા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

વિરાટ કોહલીએ ન્યૂઝીલેન્ડની સામે 6 મેચમાં કેપ્ટનશીપ કરી છે. જેમાંથી 5 મેચમાં જીત મેળવી છે. જ્યારે એક મેચમાં હાર મળી છે. ન્યૂઝીલેન્ડની સામે વિરાટ કોહલીની જીતવાની ટકાવારી 83.33 ટકા છે.

ન્યૂઝીલેન્ડના કેપ્ટન કેન વિલિયમસને 73 વન-ડે મેચમાં કેપ્ટનશીપ કરી છે. તેમાંથી 39 મેચમાં જીત અને 32 મેચમાં હાર મળી છે. 2 મેચનું પરિણામ આવ્યું નથી. તેથી વિલિયમસનની જીતવાની ટકાવારી 53.42 ટકા છે. કેન વિલિયમસને ભારતની સામે 13 મેચમાં કેપ્ટનશીપ કરી છે, જેમાંથી 4 મેચમાં જીત અને 9 મેચમાં હાર મળી છે. ભારત સામે વિલિયમસનની જીતવાની ટકાવારી 30.77 ટકા રહી છે.

ન્યૂઝીલેન્ડની સામે વન-ડેમાં સૌથી વધુ રન બનાવનારા ખેલાડી વિરાટ કોહલી છે. વિરાટ કોહલીએ 22 મેચમાં 22 ઈનિંગમાં 1302 રન બનાવ્યા છે. તેમાં 5 સદી અને 7 અડધીસદી સામેલ છે. કોહલી પછી સૌથી વધારે રન મહેન્દ્ર સિંહ ધોનીએ 890 રન બનાવ્યા છે.

[yop_poll id=”1″]

કેન વિલિયમસને ભારતની સામે 23 વન-ડે મેચમાં 895 રન બનાવ્યા છે. તેમાં એક સદી અને 7 અડધીસદી સામેલ છે. ન્યૂઝીલેન્ડની ટીમમાંથી રોસ ટેલરે ભારતની સામે સૌથી વધારે 1117 રન બનાવ્યા છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]