IND vs AUS T20: ઓસ્ટ્રેલીયાએ ભારત સામે 5 વિકેટે 186 રન કર્યા, વેડે અને મેક્સવેલની ફીફટી, સુંદરની 2 વિકેટ

ભારત અને ઓસ્ટ્રેલીયા વચ્ચે રમાઇ રહેલી ત્રણ મેચોની ટી20 મેચની સીરીઝનો આખરી મેચ સિડનીમાં રમાઇ રહી છે. ભારતીય કેપ્ટન વિરાટ કોહલીએ ટોસ જીતીને પ્રથમ બોલીંગ પસંદ કરી હતી. ઇજાના બાદ આરામ માટે ગત મેચમાં મેદાનની બહાર રહેલા આરોન ફીંચ આજે રમતમાં આવ્યા હતા. વેડે અને મેક્સવેલે ઝડપી અર્ધ શતક લગાવ્યા હતા. ઓસ્ટ્રેલીયાએ પ્રથમ બેટીંગ કરતા 20 ઓવરમાં પાંચ વિકેટમાં 186 રન કર્યા હતા.

ઓસ્ટ્રેલીયાની બેટીંગ.

ઇજાના બાદ મેદાનમાં પરત ફરેલા આરોન ફીંચ આજે વિના ખાતુ ખોલ્યે જ પેવેલિયન પરત ફરવુ પડ્યુ હતુ. ફીંચે કિપર વેડે સાથે ઓપનીંગમાં ઉતર્યા હતા. વેડેએ આજે ફરી એકવાર સારી રમત રમી હતી. મેથ્યુ વેડ એ સીરીઝમાં બીજુ અર્ધશતક લગાવ્યુ હતુ. તેણે 34 બોલમાં જ સાત ચોગ્ગાની મદદ સાથે અર્ધશતક પુરુ કર્યુ હતુ. 53 બોલમાં 80 રન કરીને એલબીડબલ્યુ આઉટ થયો હતો.  ગ્લેન મેક્સવેલે પણ આજે ઝડપી શતક લગાવ્યુ હતુ. તેણે ફીફીટ પુરી કરવા દરમ્યાન ત્રણ ચોગ્ગા અને ત્રણ છગ્ગા લગાવ્યા હતા. તેણે 54 રન કર્યા હતા, જે નટરાજનના બોલ પર બોલ્ડ થયો હતો. સ્ટીવ સ્મિથે 23 બોલમાં 24 રન કર્યા હતા, જોકે તે વોશિગ્ટન સુંદરના બોલ પર ક્લીન બોલ્ડ થયો હતો. ડી આર્કી શોર્ટે 7 રન કર્યા હતા. 

ભારતીય બોલીંગ.

વોશીંગ્ટન સુંદરે આજે સારી બોલંીગનુ પ્રદર્શન કર્યુ હતુ. તેણે આરોન ફીંચને શૂન્ય પર જ આઉટ કરી દીધો હતો. બાદમાં સ્મિથને ક્લીન બોલ્ડ કર્યો હતો. સુંદરે 34 રન આપીને બે વિકેટ ઝડપી હતી. શાર્દુલ ઠાકુરે ચાર ઓવરમાં એક વિકેટ ઝડપી હતી. નટરાજને પણ મેક્સવેલની મહત્વની વિકેટ ઝડપી હતી. જ્યારે યુઝવેન્દ્ર ચહલને આજે વિકેટ મળી શકી નહોતી તેણે 10.20 ની ઇકોનોમીથી 41 રન ગુમાવ્યા હતા. દિપક ચહરે ચાર ઓવરમાં 34 રન આપ્યા હતા.