World Cup 2019: ન્યૂઝીલેન્ડ અને ઈંગ્લેન્ડ વચ્ચે ફાઈનલનો મુકાબલો શરૂ, આ ટીમે ટૉસ જીત્યો

ક્રિકેટ વિશ્વકપ 2019નો ચેમ્પિયન કોણ છે તે આજે ખબર પડી જશે. યજમાન ઈંગ્લેન્ડ અને ન્યૂઝીલેન્ડ વચ્ચે ટૉસ જીતીને ન્યૂઝીલેન્ડે બેટિંગ પહેલા પસંદ કરી છે. લંડનનું લોર્ડસ મેદાન વિશ્વ ક્રિકેટનો એક નવો ચેમ્પિયન આપવા માટે તૈયાર છે. ઈંગ્લેન્ડની ટીમ 27 વર્ષ પછી ફાઈનલમાં પહોંચી છે. અને તેના માટે આ ચોથી ફાઈનલ છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ઈંગ્લેન્ડની ટીમ આ પહેલા ત્રણ વખત ફાઈનલમાં રમી ચૂકી છે, પરંતુ એક પણ વખત જીતનો ખિતાબ નથી મેળવી શકી. તો ન્યૂઝીલેન્ડ બીજી વખત ફાઈનલમાં પહોંચ્યું છે.

આ પણ વાંચોઃ વિશ્વ કપ 2019: મેન ઓફ ધ ટૂર્નામેન્ટની રેસમાં ભારતના આ ખેલાડી સહિત 6 ખેલાડીઓ સામેલ

ઈંગ્લેન્ડની ટીમ આ વખતે યજમાન હોવાના લીધે વિશ્વકપની ટ્રોફીની સૌથી મોટી દાવેદાર માનવામાં આવે છે. ફોર્મ, લીગ ચરણમાં પ્રદર્શન અને ઘરેલુ મેદાન પર મેચ હોવાના કારણે ઈંગ્લેન્ડનું પલ્લુ થોડુ ભારે લાગે છે. પરંતુ ન્યૂઝીલેન્ડની ટીમને પણ હળવાશથી લઈ શકાય તેમ નથી. અને તેના લીધે જ ફાઈનલમાં મેચમાં રોમાંચક ટક્કર જોવા મળશે તેમ કહી શકાય.

ઈંગ્લેન્ડે ઓસ્ટ્રેલિયાને આઠ વિકેટથી આકરી હાર આપીને ફાઈનલમાં પગ મૂક્યો છે. તો ન્યૂઝીલેન્ડની ટીમે વિશ્વકપની પ્રબળ દાવેદાર ગણાતી હતી એવી ભારતીય ટીમને 18 રનથી હરાવી હતી. ઉલ્લેખનીય છે કે કીવી ટીમને 2015ના ફાઈનલમાં ઓસ્ટ્રેલિયાના હાથે હારનો સામનો કરવો પડ્યો હતો.

[yop_poll id=”1″]