IPL 2022: યુઝવેન્દ્ર ચહલને નથી જોઈતા 17 કરોડ રૂપિયા, બતાવ્યુ મેગા ઓક્શનમાં કેટલા પૈસા જોઈએ છે?
Yuzvendra Chahal hoping for 8 crore rupees bid in IPL 2022 Mega Auction
ટીમ ઈન્ડિયાના લેગ સ્પિનર અને 8 વર્ષથી RCB માટે IPL રમી ચૂકેલા યુઝવેન્દ્ર ચહલ (Yuzvendra Chahal) ને મેગા ઓક્શનમાં મોટી રકમની અપેક્ષા છે. યુઝવેન્દ્ર ચહલે આર અશ્વિન સાથેની મુલાકાતમાં જણાવ્યું હતું કે તે મેગા ઓક્શનમાં કેટલા પૈસા કમાવવા માંગે છે. તમને જણાવી દઈએ કે ચહલ 2014 થી RCB માટે રમી રહ્યો હતો પરંતુ ફ્રેન્ચાઇઝીએ આ વખતે તેને જાળવી રાખ્યો નથી. ચહલ હવે મેગા ઓક્શન (IPL 2022 Mega Auction) માં પ્રવેશ કરી રહ્યો છે અને તેની બેઝ પ્રાઈસ રૂ. 2 કરોડ છે. યુઝવેન્દ્ર ચહલે અશ્વિનને કહ્યું કે તેને IPL ઓક્શન (IPL 2022) માં 15 કે 17 કરોડ રૂપિયાની આશા નથી. જોકે યુઝવેન્દ્ર ચહલને લાગે છે કે તે ચોક્કસપણે 8 કરોડ સુધી ઈચ્છે છે.
અશ્વિને ચહલને પૂછ્યું કે તેને હરાજીમાં કેટલા પૈસા જોઈએ છે, જેના પર લેગ સ્પિનરે કહ્યું, ‘હું એમ નથી કહેવા માંગતો કે મારે 15 થી 17 કરોડ જોઈએ છે. મારા માટે 8 કરોડ પૂરતા છે.’ યુઝવેન્દ્ર ચહલે અશ્વિનને કહ્યું કે તે હવે કોઈપણ ટીમમાં જોડાવા માટે માનસિક રીતે તૈયાર છે, જોકે તેની પ્રથમ પસંદગી આરસીબી છે કારણ કે તે લાંબા સમયથી એક જ ટીમ માટે રમ્યો છે.
ચહલ કોઈપણ ટીમ માટે રમવા માટે તૈયાર છે
યુઝવેન્દ્ર ચહલે અશ્વિનને કહ્યું, ‘મને પહેલીવાર લાગે છે કે હું ક્યાંય પણ જઈ શકું છું કારણ કે આ વખતે રાઇટ ટૂ મેચ કાર્ડ નથી. જ્યારે તે ઉપલબ્ધ હતું, ત્યારે બેંગ્લોરે મને કહ્યું કે તેઓ ચોક્કસપણે આ કાર્ડનો ઉપયોગ કરીને મને ખરીદશે. પરંતુ આ વખતે એક વ્યાવસાયિક ખેલાડી તરીકે હું કોઈપણ ટીમ માટે રમવા માટે તૈયાર છું.
યુઝવેન્દ્ર ચહલે કહ્યું, ‘ચોક્કસપણે હું RCB માટે રમવા માંગુ છું કારણ કે હું ત્યાં 8 વર્ષથી રહ્યો છું. એવું નથી કે હું અન્ય કોઈ ટીમમાં જઈશ તો મને ખરાબ લાગશે કારણ કે આ વખતે દરેક પોતાની નવી ટીમ બનાવી રહ્યા છે. જે પણ ટીમ મને ખરીદશે, હું મારું 100 ટકા આપીશ. નવી ફ્રેન્ચાઈઝીમાં સેટ થવામાં સમય લાગે છે પરંતુ પ્રોફેશનલ ક્રિકેટ તેનું નામ છે. જોકે, યુઝવેન્દ્ર ચહલે એક ઈન્ટરવ્યુમાં કહ્યું હતું કે તે ચેન્નાઈ સુપર કિંગ્સની ટીમમાં જવા માંગે છે.
ચહલની સફળતામાં ધોનીનો મોટો હાથ છે અને જો આ લેગ-સ્પિનર CSK સાથે જોડાય છે તો આ ખેલાડીની કારકિર્દીને ફરી પાંખો મળી શકે છે. તમને જણાવી દઈએ કે યુઝવેન્દ્ર ચહલે IPLમાં 139 વિકેટ લીધી છે અને તે RCB માટે સૌથી વધુ વિકેટ લેનાર બોલર છે.
આ પણ વાંચોઃ IPL 2022: વધતી ઉંમરે પણ એ જ દમ ! મેગા ઓક્શનમાં સામેલ આ 5 ખેલાડીઓને ‘ઘરડાં’ ના સમજતા!
આ પણ વાંચોઃ IND vs SL: શ્રીલંકાનો આ ઝડપી બોલર ભારત પ્રવાસ બાદ નિવૃત્ત થવાનુ કર્યુ એલાન, ટીમ ઇન્ડિયા સામે કર્યુ હતુ ડેબ્યૂ
Published On - 11:14 pm, Wed, 2 February 22
