Women’s Asia Cup : ટીમ ઈન્ડિયા કોની સાથે ટકરાશે, ક્યારે રમાશે સેમિફાઈનલ મેચ? તમામ માહિતી જાણો

મહિલા એશિયા કપ 2026માં ખિતાબની રેસ આગામી રાઉન્ડમાં પહોંચી ગઈ છે. આ રાઉન્ડ સેમિફાઈનલ છે. એશિયા કપનું ગ્રુપ સ્ટેજ મેચમાં પૂર્ણ થયું છે સ્પષ્ટ થયું કે, સેમિફાઈનલમાં ટીમ ઈન્ડિયાની ટકકર કોની સાથે થશે. બાંગ્લાદેશ અને યુએઈ વચ્ચે રમાયેલી છેલ્લી મેચ પછી નિર્ણય લેવામાં આવ્યો છે. જેમાં બાંગ્લાદેશે માત્ર 103 રન બનાવી જીત નોંધાવી હતી. આ રીતે સેમિફાઈનલમાં ભારતનો સામનો બાંગ્લાદેશ સામે થશે. આ મેચ ગુરુવાર 10 સપ્ટેમ્બરના રોજ રમાશે.

બાંગ્લાદેશની ટીમ મેદાનમાં

યુએઈના દુબઈ ઈન્ટરનેશનલ સ્ટેડિયમમાં મંગળવાર 8 સપ્ટેમ્બરના રોજ ગ્રુપ બીની છેલ્લી મેચ રમાઈ હતી. આ મેચમાં બાંગ્લાદેશની ટીમ મેદાનમાં ઉતરી હતી અને મેજબાન યુએઈની જેમ 2-2 પોઈન્ટ હતા. ત્યારે જે પણ ટીમ જીતે તો તેને ગ્રુપબીની સેમિફાઈનલની બીજી ટિકિટ મળવાની હતી. શ્રીલંકા પહેલા જ આ ગ્રુપમાં પોતાનું સ્થાન બનાવી ચૂક્યું હતુ. નિગાર સુલ્તાનની કેપ્ટનશીપવાળી બાંગ્લાદેશની ટીમની આશા મુજબ મેચ તો જીતી લીધી પરંતુ તેમ છતાં મહેનત કરવી પડી.

ICC રેન્કિંગમાં ટોચના 5 માં સ્થાન

આ મેચમાં બાંગ્લાદેશે પહેલા બેટિંગ કરી પરંતુ યુએઈના બોલિંગ અટેકે અનુભવી બાંગ્લાદેશી ટીમનો પરસેવો છોડ્યો હતો. બાંગ્લાદેશને 100 રન બનાવવા માટે પરસેવો છુટ્યો હતો.ત્યારબાદ જવાબમાં યુએઈ 20 ઓવરમાં માત્ર 69 રન બનાવી શકી હતી. આ રીતે 34 રનથી હારનો સામનો કરવો પડ્યો હતો.મહિલા એશિયા કપમાં ઝડપી ગતિએ રન બનાવી રહેલી સ્મૃતિ મંધાનાને સારા સમાચાર મળ્યા છે. તેને ICC રેન્કિંગમાં ટોચના 5 માં સ્થાન મેળવ્યું છે.

ભારતીય ટીમ ગ્રુપ એમાં પહેલા સ્થાન

હવે વાત સેમિફાઈનલની કરીએ તો. ટૂર્નામેન્ટમાં 2 સેમિફાઈનલ રમાશે. જે 10 અને 11 સપ્ટેમ્બરના રોજ હશે. પહેલી સેમિફાઈનલમાં ભારતનો સામનો બાંગ્લાદેશ સામે થશે. ભારતીય ટીમ ગ્રુપ એમાં પહેલા સ્થાન પર હતી. જ્યારે બાંગ્લાદેશ ગ્રુપ બીમાં બીજા સ્થાને રહી. આ મેચ 10 સપ્ટેમબરના સાંજે 8 કલાકે દુબઈ ઈન્ટરનેશનલ સ્ટેડિયમમાં રમાશે. બીજી સેમિફાઈનલ શ્રીલંકા અને પાકિસ્તાન વચ્ચે રમાશે. આ મેચ પણ દુબઈ સ્ટેડિયમમાં રમાશે. જેની શરુઆત સાંજે 8 કલાકે થશે. આ બંને સેમિફાઈનલની વિજેતા ટીમ 13 સપ્ટેમ્બરના રોજ ફાઈનલમાં ટ્રોફી માટે ટકરાશે.

એશિયા કપ એક મોટી આંતરરાષ્ટ્રીય ક્રિકેટ ટુર્નામેન્ટ છે, જેનું આયોજન એશિયન ક્રિકેટ કાઉન્સિલ દ્વારા કરવામાં આવે છે. અહી ક્લિક કરો