WCL 2025: ઈંગ્લેન્ડમાં પાકિસ્તાનની બેઈજ્જતી, ટીમના કેપ્ટન શાહિદ આફ્રિદીને જ બહાર કરી દીધો

શાહિદ આફ્રિદી વર્લ્ડ ચેમ્પિયનશિપ ઓફ લિજેન્ડ્સમાં પાકિસ્તાની ટીમનો કેપ્ટન છે અને આ ટુર્નામેન્ટ શરૂ થાય તે પહેલા તેની સાથે કંઈક એવું બન્યું છે જેની તેના ચાહકોએ બિલકુલ અપેક્ષા રાખી ન હતી. ખરેખર, શાહિદ આફ્રિદીને ટુર્નામેન્ટના પ્રોમો પોસ્ટરમાંથી જ હટાવી દેવામાં આવ્યો હતો.

પાકિસ્તાની કેપ્ટનની બેઈજ્જતી

આ ટુર્નામેન્ટમાં કુલ 6 ટીમો ભાગ લઈ રહી છે જેમાં વેસ્ટ ઈન્ડિઝ, દક્ષિણ આફ્રિકા, ભારત, ઈંગ્લેન્ડ, ઓસ્ટ્રેલિયા અને પાકિસ્તાનનો સમાવેશ થાય છે. ટુર્નામેન્ટનું પોસ્ટર 16 જુલાઈના રોજ લોન્ચ કરવામાં આવ્યું હતું અને મોટી વાત એ છે કે બધી ટીમોના કેપ્ટનના ફોટા ત્યાં હતા, ફક્ત શાહિદ આફ્રિદીનો ફોટો ગાયબ હતો.

શાહિદ આફ્રિદીનો ફોટો કેમ ગાયબ છે?

શાહિદ આફ્રિદીનો ફોટો પોસ્ટર પરથી કેમ ગાયબ થઈ ગયો છે તે જાણવા માટે બહુ વિચારવાની જરૂર નથી. વાસ્તવમાં, આ ટુર્નામેન્ટ એક ભારતીય કંપની દ્વારા પ્રાયોજિત થઈ રહી છે અને ભારત-પાકિસ્તાન સંબંધો ખૂબ જ કડવાશભર્યા છે અને પોસ્ટર પરથી શાહિદ આફ્રિદીનો ફોટો દૂર કરવાનું આ એક મોટું કારણ માનવામાં આવે છે.

લાંબા સમય બાદ બંને દેશના ખેલાડીઓ રમશે મેચ

અહીં એક મોટો પ્રશ્ન એ છે કે જો પોસ્ટર પરથી તેને દૂર કરવામાં આવ્યો હોય તો પણ ફરક શું પડે છે, કારણ કે ભારતીય ટીમ તો પાકિસ્તાન સામે ક્રિકેટ રમી જ રહી છે. પહેલગામ આતંકવાદી હુમલા પછી, બંને દેશના ખેલાડીઓ પહેલીવાર ક્રિકેટમાં એકબીજા સમે રમતા જોવા મળશે. આ નિવૃત્ત ખેલાડીઓની લીગ છે પરંતુ તેમાં જે બધા ખેલાડીઓ રમી રહ્યા છે તેમની હજુ પણ ફેન ફોલોઈંગ જબરદસ્ત છે.

આ પણ વાંચો: ઈંગ્લેન્ડમાં વૈભવ સૂર્યવંશી પર ગુસ્સે થયા ભારતીય ફેન્સ, જર્સીને લઈ થયો મોટો વિવાદ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો