દુલીપ ટ્રોફી 2026-27નો ચેમ્પિયન કોણ બનશે? આ નિર્ણય આગામી થોડા દિવસોમાં આવશે. હાલમાં, આ સ્થાનિક સિઝનની પ્રથમ ટ્રોફી માટે કઈ ટીમો ફાઇનલમાં ટકરાશે તે નક્કી થઈ ગયું છે. આ વખતે, દુલીપ ટ્રોફીની ફાઇનલ ઈસ્ટ ઝોન અને સાઉથ ઝોન વચ્ચે રમાશે. ઇશાન કિશનના નેતૃત્વ હેઠળ ઈસ્ટ ઝોને પહેલાથી જ ફાઇનલમાં સ્થાન મેળવી લીધું હતું. બીજી સેમિફાઇનલના છેલ્લા દિવસે તિલક વર્માના નેતૃત્વ હેઠળના સાઉથ ઝોને નોર્થ ઝોનને 7 વિકેટથી હરાવી ફાઇનલમાં જગ્યા બનાવી હતી.

નોર્થ ઝોનને હરાવી સાઉથ ઝોન ફાઇનલમાં

બુધવાર, 2 સપ્ટેમ્બરના રોજ, બેંગલુરુના સેન્ટર ઓફ એક્સેલન્સ ખાતે સેમિફાઇનલના અંતિમ દિવસે સાઉથ ઝોને નોર્થ ઝોનને તેમની બીજી ઇનિંગમાં 297 રનમાં ઓલઆઉટ કર્યું હતું. સાઉથ ઝોને પ્રથમ ઇનિંગમાં 117 રનની લીડ મેળવી હતી. આમ, સાઉથ ઝોનને તેમની બીજી ઇનિંગમાં ફક્ત 182 રનનો લક્ષ્યાંક મળ્યો હતો, અને તેઓએ ફક્ત ત્રણ વિકેટ ગુમાવીને તે પ્રાપ્ત કરી લીધો હતો. કેપ્ટન તિલકે આ જીતમાં મુખ્ય ભૂમિકા ભજવી હતી, પરંતુ તેના પહેલા ઓપનર રિકી ભુઇ અને નારાયણ જગદીશને 64 રનની ભાગીદારી કરી હતી.

Skipper leading from the front

Tilak Varma leads South Zone to victory North Zone in the Duleep Trophy semi final pic.twitter.com/DccaXArdtf

— Cricbuzz (@cricbuzz) September 2, 2026

કેપ્ટન તિલક વર્માની મેચવિનર ઇનિંગ

જોકે, ટીમે ટૂંક સમયમાં 102 રનમાં ત્રણ વિકેટ ગુમાવી દીધી હતી. જેથી અંતિમ દિવસે મેચ બંને ટીમના પક્ષમાં હતો. પરંતુ કેપ્ટન તિલક વર્માએ પોતાના બેટથી મેચનું પરિણામ નક્કી કરી દીધું હતું. પ્રથમ ઇનિંગમાં શાનદાર સદી ફટકારીને સાઉથ ઝોનની ઇનિંગને મજબૂત બનાવી અને ટીમને નોંધપાત્ર લીડ અપાવ્યા બાદ, તિલકે બીજી ઇનિંગમાં અણનમ 51 રન બનાવ્યા હતા. તેણે જોરદાર બાઉન્ડ્રી ફટકારી ટીમને ફાઇનલમાં પહોંચાડ્યું હતું. તિલકે મેચમાં કુલ 167 રન બનાવ્યા હતા.

દુલીપ ટ્રોફીની ફાઇનલ છે ખાસ

આ ફાઇનલ ભારતીય ટીમ માટે ખાસ છે, કારણ કે બંને ટીમોની કપ્તાની હાલમાં T20 ટીમનો ભાગ છે એ બે ખેલાડીઓ કરી રહ્યા છે અને ખાસ વાત એ છે કે બંનેને ભવિષ્યના કેપ્ટન માનવામાં આવે છે. તિલક વર્મા T20 ટીમનો વાઇસ કેપ્ટન છે, અને એવો દાવો કરવામાં આવે છે કે તેને 2027 ODI વર્લ્ડ કપ માટે બેકઅપ કેપ્ટન તરીકે ગણવામાં આવી રહ્યો છે. ઇશાન કિશન પણ વર્લ્ડ કપ ટીમમાં મુખ્ય વિકેટકીપરની સાથે કપ્તાનીનો મોટો દાવેદાર છે. તેથી આ ફાઇનલ અને પોતાની ટીમને ચેમ્પિયન બનાવવું, બંને આ ખેલાડીઓ માટે એક મોટી તક છે.

Scott Kuggeleijn: બળાત્કારનો આરોપ ખોટો સાબિત થયો, છતાં આ ખેલાડીને ટીમમાંથી બહાર કરી દેવામાં આવ્યો