ભારતનો ઓસ્ટ્રેલિયા સામે રોમાંચક વિજય, 18 વર્ષના બેટ્સમેને રમી લડાયક ઈનિંગ
ભારતીય અંડર-19 ટીમે ઓસ્ટ્રેલિયાની અંડર-19 ટીમને પ્રથમ બિનસત્તાવાર ટેસ્ટ મેચમાં 2 વિકેટથી હરાવ્યું હતું. આ મેચમાં ટીમ ઈન્ડિયાની જીતનો હીરો નિખિલ કુમાર રહ્યો હતો. તેણે શાનદાર ઈનિંગ રમી અને ભારતીય ટીમને જીત સુધી પહોંચાડી હતી.
ભારતીય અંડર-19 ટીમ અને ઓસ્ટ્રેલિયાની અંડર-19 ટીમ વચ્ચે પ્રથમ બિનસત્તાવાર ટેસ્ટ ચેન્નાઈમાં રમાઈ હતી, જે ખૂબ જ રોમાંચક રહી હતી. આ મેચમાં ટીમ ઈન્ડિયાએ ઓસ્ટ્રેલિયાની અંડર-19 ટીમને 2 વિકેટથી હરાવ્યું હતું. આ મેચમાં ભારતીય ટીમની જીતનો હીરો નિખિલ કુમાર રહ્યો હતો. તેણે શાનદાર બેટિંગ કરી અને ઓસ્ટ્રેલિયાના જડબામાંથી જીત છીનવી લીધી. એક સમયે આ મેચમાં ઓસ્ટ્રેલિયાનો સંપૂર્ણ દબદબો હતો, પરંતુ નિખિલ કુમારની ઈનિંગ ઓસ્ટ્રેલિયાને મોંઘી પડી.
ભારતને જીતવા 212 રનનો ટાર્ગેટ
ઓસ્ટ્રેલિયાની અંડર-19 ટીમે આ મેચમાં ટીમ ઈન્ડિયાને જીતવા માટે 212 રનનો ટાર્ગેટ આપ્યો હતો. પરંતુ તેના જવાબમાં ભારતીય ટીમની શરૂઆત ખાસ રહી ન હતી. પ્રથમ દાવમાં સદી ફટકારનાર વૈભવ સૂર્યવંશી આ વખતે માત્ર 1 રન જ બનાવી શક્યો હતો, જે ટીમ ઈન્ડિયા માટે મોટો ઝટકો હતો. આ પછી નિત્યા પંડ્યાએ 52 રન બનાવીને ટીમની ઈનિંગની કમાન સંભાળી હતી, પરંતુ ભારતીય ટીમે 167 રન સુધી પહોંચતા જ 7 વિકેટ ગુમાવી દીધી હતી. આવી સ્થિતિમાં ઓસ્ટ્રેલિયા જીતથી માત્ર 3 વિકેટ દૂર હતું. ત્યારબાદ નિખિલ કુમારે નીચલા બેટ્સમેનો સાથે મળીને શાનદાર બેટિંગ કરી હતી.
ટીમ ઈન્ડિયાએ 2 વિકેટે જીત મેળવી
નિખિલ કુમારે 71 બોલનો સામનો કરીને અણનમ 55 રન બનાવ્યા હતા. આ દરમિયાન નિખિલ કુમારના બેટમાંથી 3 ચોગ્ગા અને 4 છગ્ગા આવ્યા હતા. તેની શાનદાર ઈનિંગના કારણે ટીમ ઈન્ડિયા આ મેચ 2 વિકેટથી જીતવામાં સફળ રહી હતી. નિખિલ કુમારે પણ આ મેચની પ્રથમ ઈનિંગમાં 38 બોલમાં 20 રન બનાવ્યા હતા. આ જોરદાર પ્રદર્શનના કારણે તેને પ્લેયર ઓફ ધ મેચ પણ પસંદ કરવામાં આવ્યો હતો.
Nikhil Kumar showed excellent temperament as his unbeaten half-century guided India U-19 to a nervy two-wicket win over Australia U-19 in the 1st unofficial Test in Chennai
✍️ @_mayyyank
Read: https://t.co/vMlaUifJGF
– R Ragu/@the_hindu #IndvsAus #U19Multiday pic.twitter.com/IAmU4QgZ4y
— Sportstar (@sportstarweb) October 2, 2024
વૈભવ સૂર્યવંશીએ સદી ફટકારી
ઓસ્ટ્રેલિયાની અંડર-19 ટીમે આ મેચમાં ટોસ જીતીને પ્રથમ બેટિંગ કરવાનો નિર્ણય કર્યો હતો. ઓસ્ટ્રેલિયાની ટીમ તેની પ્રથમ ઈનિંગમાં 293 રન બનાવવામાં સફળ રહી હતી. જેના જવાબમાં ભારતીય ટીમે પ્રથમ દાવમાં 296 રન બનાવ્યા હતા. આ દરમિયાન 13 વર્ષના વૈભવ સૂર્યવંશીએ સદી ફટકારી હતી. તેણે 62 બોલમાં 104 રનની ઈનિંગ રમી હતી. આ પછી ઓસ્ટ્રેલિયાની ટીમ તેના બીજા દાવમાં માત્ર 214 રન બનાવી શકી અને ઓલઆઉટ થઈ ગઈ. હવે બંને ટીમો વચ્ચે બીજી બિનસત્તાવાર ટેસ્ટ મેચ 7 ઓક્ટોબરથી રમાશે.
આ પણ વાંચો: નીરજ ચોપરાએ પોતાનું વચન પૂરું કર્યું, PM મોદીને માતા દ્વારા બનાવેલ ચૂરમા ખવડાવ્યો
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો