કાવ્યા મારનનો મોટો દાવ, 500 કરોડની બોલી લગાવીને ખરીદી નવી ટીમ

ઈન્ડિયન પ્રીમિયર લીગના ફ્રેન્ચાઈઝ માલિકોએ વિદેશી ક્રિકેટ લીગમાં પણ ઘણી ટીમો ખરીદી છે. તાજેતરમાં, મુંબઈ ઈન્ડિયન્સના માલિક મુકેશ અંબાણીની કંપની રિલાયન્સ ઈન્ડસ્ટ્રીઝ અને લખનૌ સુપર જાયન્ટ્સના માલિક સંજીવ ગોયન્કાએ ઈંગ્લેન્ડની ટુર્નામેન્ટ ધ હન્ડ્રેડમાં પોતાનો દાવ લગાવ્યો છે. હવે કાવ્યા મારનના પિતા કલાનિધિ મારનની કંપની સન નેટવર્ક પણ આ લીગમાં પ્રવેશી છે. IPLમાં રમી રહેલી સનરાઈઝર્સ હૈદરાબાદ ટીમ આ જૂથની છે. હવે તેમનો જાદુ ધ હન્ડ્રેડમાં પણ જોવા મળશે.

સન ગ્રુપે ધ હન્ડ્રેડમાં નવી ટીમ ખરીદી

સન ગ્રુપે નોર્ધન સુપરચાર્જર્સમાં હિસ્સો ખરીદવા માટે સૌથી વધુ બોલી લગાવી હતી. સન ગ્રુપે સુપરચાર્જર્સનું 100% ફ્રેન્ચાઈઝી માટે મૂલ્ય 100 મિલિયન પાઉન્ડ (આશરે રૂ. 1,000 કરોડ) આંક્યું, જેની સાથે તેમણે બે અન્ય રસ ધરાવતી પાર્ટીને પાછળ છોડી દીધા. યોર્કશાયર અને સન ગ્રુપ બંનેએ હવે ધ હન્ડ્રેડના વેચાણના આઠ અઠવાડિયાની અંદર સોદો પૂરો કરવો પડશે.

કાવ્યા મારનને આ ટીમમાં 49% હિસ્સો મળશે

તમને જણાવી દઈએ કે, ઈંગ્લેન્ડ ક્રિકેટ બોર્ડે હાલમાં ધ હન્ડ્રેડ ટીમોમાં મહત્તમ 49% હિસ્સો વેચવાનો નિર્ણય લીધો છે. આવી સ્થિતિમાં, કાવ્યા મારનને આ ટીમમાં મહત્તમ 49% હિસ્સો મળશે. 49% હિસ્સો મળે તે માટે સન ગ્રુપે લગભગ 500 કરોડ રૂપિયા ખર્ચ કરવા પડશે.

સન ગ્રુપ પોર્ટફોલિયોમાં ત્રીજી ટીમ

તમને જણાવી દઈએ કે, કાવ્યા મારન અત્યાર સુધી બે ટીમો સંભાળી રહી હતી. પરંતુ હવે સન ગ્રુપના પોર્ટફોલિયોમાં ત્રીજી ટીમ ઉમેરવામાં આવી છે. આ પહેલા સન ગ્રુપે 2012માં સનરાઈઝર્સ હૈદરાબાદને ખરીદ્યું હતું. આ ટીમે અત્યાર સુધીમાં એક વખત IPLનો ખિતાબ જીત્યો છે. જ્યારે 2023માં તેમણે દક્ષિણ આફ્રિકાની T20 લીગમાં સનરાઈઝર્સ ઈસ્ટર્ન કેપને ખરીદ્યું હતું. આ ટીમે SA20ની પહેલી બે સિઝનના ટાઈટલ જીત્યા છે. બીજી તરફ, નોર્ધન સુપરચાર્જર્સે હજુ સુધી ધ હન્ડ્રેડમાં એક પણ ટાઈટલ જીત્યું નથી. ગયા સિઝનમાં બંને ટીમો પુરુષો કે મહિલા સ્પર્ધામાં ચોથા સ્થાને રહી હતી.

આ પણ વાંચો: ક્યારે નિવૃત્ત થશો તેવો પ્રશ્ન પૂછતા જ ભડક્યો રોહિત શર્મા, આપ્યો આવો જવાબ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો